कोंकणी कवितावाचन सर्तेक मुंबय आयतें

[खबर]: कोंकणी कवितावाचन सर्तेक मुंबय आयतें

कविता ट्रसट आनी आशावादी प्रकाशन

कोंकणी कविता सादर सर्त

नेल्सन आनी लवीना रोड्रिक्स - V चा. फ्रा. देकोसता स्मारक कोंकणी कविता सादर सर्त

ल्हानांक - १५ वर्सां भितर‍ल्यांक (०१.०१.२००४ तारिके उपरांत जल्मल्ल्यांक) 

आनी

रोहन आनी लवीटा मोंतेरो - VIII अखील भारत कोंकणी कविता सादर सर्त

व्हडांक - १५ थावन ३० वर्सां भितर‍ल्यांक (०१.०१.१९८८ थावन ३१.१२.२००३ भितर जल्मल्ल्यांक)

नेमां

ही कविता सादर सर्त. कविता बरोंवची सर्त न्हय.

प्राये बाबतीं रुज्वात गर्जेची.

भाग घेतल्लीं कोंकणी भाषिकच आसजाय म्हणून ना.

भाग घेतल्यांनी स्वताची या हेर खंयच्याय कविची एकच कोंकणी कविता सादर करिजाय.

सादर कर‍ची कविता उण्यार देड मिनुटां आनी चड म्हळ्यार तीन मिनुटांची आसुंयेता.

ही सर्त तीन हंतांनी चल्तली.

पयल्या हंताची सर्त मुंबंयत – मरोळ, पल्लोटी, महाकाळी, जेरिमेरी, वसय, मिरा रोड, वाशी/नेरूळ, कांजूर‌मार्ग, कांदिवली, मलाड/मालवाणी हांगासर ओकटोबर/नवेंबर म्हयन्यांनी चल्तली. एकल्यान दोन जाग्यांनी भाग घेंवचेबरी ना. हर‍येका जाग्यांनी पयलेंचीं तीन स्थानां आपणायिल्ल्यांक आत्मदर्शनांत नवेंबर २५ तारिकेर दूसऱ्या हंताची सर्त चल्तली. हांगासर - एकेका विभागांत पयलेंचीं तीन स्थानां आपणायिल्ल्यांक - अखील भारत कोंकणी कविता सादर सर्तेंत भाग घेंवचो सुयोग लाभतलो.

तीसऱ्या हंताची सर्त, कविता फेसत संदर्भार कर्नाटकाच्या मंगळुरांत २०१९ जनवरिच्या दूसऱ्या आयतारा चल्तली. हांतूं भाग घेंवच्या हर‍येकल्याक पयणा भातें (सेकेंड क्लास रैलवे टिकेट), रावपाची आनी जेवणाची व्यवस्था, रुपय ३०० आनी विशेस प्रमाण पत्र कविता ट्रसट दितलें. ह्या भायर जिकलल्यांक नगदेचीं इनामां आसतलीं. (ल्हान भुर्ग्यां सांगाता तांच्या एकल्या पोषकाचो पयणा खर्च कविता ट्रसट दिता).

पयल्या आनी दूसऱ्या हंताच्ये सर्तेंत भाग घेतल्यांनी आपणें सादर कर‍चे कवितेची एक प्रती सर्ते दिसा, प्रायेचे रुज्वाते सवें, व्यवस्थापकांक दीजाय. ह्ये प्रतियेंत कविता सांगाता कवितेचें आनी कविचें नांव, स्पर्धिकाचें नांव, पत्तो, फोन नंबर, ईमेयल पत्तो, प्राय बरयिल्ली आसुंक जाय.

पयल्या आनी दूसऱ्या हंताच्ये सर्तेक स्पर्धिकांक खर्चा बाबतीं कसलेंय भातें कविता ट्रसट दीना. पूण भाग घेतल्या सर्वांक प्रमाण पत्र लाबतलें. ह्या भायर ’उज्वाड’पत्राची वर्साची वर्गणी, आशावादी प्रकाशनाचो बूक इनाम जावन लाबतलो.

फैनल्सांत (तीसऱ्या हंतांत) कविता सादर कर‍तल्यांनी तांणी सादर करुंक चिंतच्यो कविता (ल्हानांनी - दोन कविता; व्हडांनी - तीन कविता) कविता ट्रसटाक दशेंबराचे १० तारिके भितर पावीत करिजाय. सर्ते दिसा, कविता ट्रसटान विंचल्ली एक कविता मात्र तांकां सादर करुंक आवकास.

कविता सादर कर‍ताना, कवितेचें आनी कविचें नांव सांगुंयेता सोडल्यार हेर खंयचोय विवर दीवंक आवकास ना.

कविता सादर कर‍ताना, कवितेंतलो विषय लोकाक सलीसायेन कळोंवच्यांत वाचकाक आसची प्रतिभा लेकाक धर‍तल्यांव सोडल्यार कविता न्हय. तरिपूण विंचलली कविता इनाम जोडच्याक पूरक जाता म्हणून समजुंचें. ताळो, सुडाळाय हेंय गर्जेचें. पयल्या दोन हंतांनी कविता वाच्येता जाल्यारी, तोंड‌पाठ कविता सादर केल्यार चडीत अंक मेळतले म्हणून समजुंचें. तीसऱ्या हंतांत कविता वाचुंक आडवार‍लां.

पयल्या हंताच्ये सर्तेंत भाग घेतल्यांनी तांचीं नांवां, पत्तो, फोन नंबर ashawadi@gmail.com ह्या ईमेयलाक बरोवन धाडुंयेता या सर्ते दिसा अर्ध्या वोरा आदीं दीवंक जाता. फोन नंबर: ७०२१९६७८८०

फैनलांत दोनय विभागांनी तीन इनामां आसतलीं.

• पयलें: रुपय २५०० तशें ट्रोफी आनी सर्टिफिकेट

• दुस्रें: रुपय २००० तशें ट्रोफी आनी सर्टिफिकेट

• तिस्रें: रुपय १००० तशें ट्रोफी आनी सर्टिफिकेट

मुंबंयत चल्च्या पयल्या हंताच्ये सर्तेचो विवर:

सुर्वात: ओकटोबर १४ (आयतार: सकाळीं १० थावन १२) - कोंकणी समुदाय (मुखेल्पण: सुनिता सुवारीस)

फिर्गज्यो: मरोळ, पल्लोटी, महाकाळी

ओकटोबर १४ (आयतार: सांजेर ३ थावन ६) - कोंकण तारां (मुखेली: जोन मसकरेन्हस)

फिर्गज्यो: जेरिमेरी

ओकटोबर २१ (आयतार: सकाळीं १० थावन १) - वसय कोंकणी वेल‌फेर असोसियेशन (मुखेली: रेजिनालड सांतुमायेर)

फिर्गज्यो: वसय, नळासोपारा, विरार

ओकटोबर २१ (आयतार: सांजेर ५ थावन ७) - सां जुजे कोंकणी संघटन (मुखेली: दायगो रोड्रिगस)

फिर्गज्यो: मिरा रोड, भयांदर, दहिसर

ओकटोबर २८ (आयतार: सांजेर ३ थावन ५) - कोंकान (मुखेली: रिचार्ड डि’सोज)

फिर्गज्यो: वाशी, सान‌पाड, खोपर‌खैराणे, नेरूळ, जूही नगर आनी पन्वेल.

नवेंबर ४ (आयतार: सांजेर ३ थावन ५) - कथोलीक सभा मुंबय (मुखेली: वालनेस रेगो)

फिर्गज्यो: कांजूर‌मार्ग, भांदूप

नवेंबर ११ (आयतार: सांजेर ३ थावन ५) - असुप्सांव कोंकणी संघटन (मुखेली: वलेरियन पायस)

फिर्गज्यो: कांदिवली, चार‌कोप

नवेंबर १८ (आयतार: सांजेर ३ थावन ५) - मलाड आनी ओरलेम (मुखेली: रीटा आलबुकर्क )

फिर्गज्यो: मलाड, ओरलेम