[खबर] मिरारॊडांत कोंकणी मान्यता दीस आनी मोंतिफेस्त

सपटेंबर आट तारिकेर आयतारा, सां. जुजे कोंकणी वेलफेर एसोशियेशन मिरारोड, हाणीं मोंती फेसत सकाळीं ८.१५ वरार, मानाधीक बाप दोतोर डोमिनीक वास, विगार बाप मेलवीन डी’कुन्हा आनी सहायक विगार बाप वाल्टर डी’सोज हांच्या हाज्रेंत मिसासवें सुर्वात केलें. मिसाउपरांत लोकाक बेंजार केल्ली ’कणशी आनी ’वोर्न’ वांटलें.

त्याच सांजेर ६.३० वरार ’कोंकणी मान्यता दिवस आनी नोवें जेवण’ काऱ्यें सां. जुजे कोंकणी वेलफेर एसोशियेशनाच्या सांद्यानीं इगर्जे सालांत मांडून हाडलें. काऱ्याची सुर्वात भुर्ग्यांच्या मागण्या आनी स्वागत नाचा सवें आरंभ केली. सुर्वेर आध्यक्ष मानेसत जोन क्रासतान सर्वांक येवकार मागलो, उपरांत मानेसत हेनरी सलडान्हान ’पानपोड उदक’ दीवन सर्वांचो स्वागत केलो.

वेदीर मुखेल सयरो जावन मानाधीक दोतोर बाप डोमिनीक वास (दिरेक्तोर-ध्यानवन मयसूर), विगार बाप मेलवीन डी कुन्हा, ’मान मनीस’ मानेसत जोय पालडका (ख्यात लेखक/निर्देशक/नट), अध्यक्ष जोन क्रासता, कार‍यदर्शी मानेसत जेरालड डी’सोज, खजनदार मनेसत विकटर मसकरेन्हस, सांसक्रतीक कार‍यदर्शी मानेसत हिलरी डी’सिलव हाजर आसले.

कार‍यचें उदघाटन नोवेसांव जावन, गांवचो उकडो तांदूळ मोडकेंत शिजवन पेज करून आनी कारेण्याची चेटणी वाटून माल्तेंनी सयऱ्यांक वाडली, आनी भुर्ग्यांक मंगळुरी संसक्रतेची दाकवणी केली. उपरांत कोंकणेच्या आंतरलेल्या फुड्यार‍यांचो उगडास काडून, मान बागवन एक मिनुटाचें मौन सांबाळ्ळें.

मान मनीस जोय पालडकाक शाल, फुलां-फळां, हार आनी मान‍पत्र दीवून सन्मान केलो. ताच्या संदेशांत तो म्हणालो "कोंकणी भास गोड भास, पूण आज‍काल आमीं कोंगलीश उलयतांव. कोंकणी भासेंत एक सब्द आमीं एकेका वाक्यांत विवीध थरानीं वापार्तांव; तरी ताचो आर्थ एक‍च आसता, इंगलीश भासे बरीं न्हय. कोंकणी भासेक घरानीं वापारली तर भुर्ग्या थंय ताची रूच चडता"

बाप डोमिनीक म्हणाले "तुमचो मोग कोंकणी भासे थंय आसा तें तुमच्या व्हड संख्याच्या उपसतेंत कळीत जाता. सर्व भासो शिकोंक जाय आनी बर‍यो, तरी कोंकणी आमची मांय भास घरानी उलवंक जाय, तीय उलवंक जाय"

बाप मेलविनान एसोशियेशनाच्या कारबार‍यांक शाभसकी पाटयली आनी आसलीं कोंकणी काऱ्यीं करुंक तांचो सदांच पाटिंबो भासायलो. उपरांत कोंकणी तालेंत स्पर्ध्यानीं जीक‍ल्ल्या स्पर्धिकांक तसेंच धावी, भरावी आनी उंचल्या शिक्षणांत उत्तीर्ण जाल्ल्या सांद्यांच्या भुर्ग्यांक सन्मान केलो.

हाजर आस‍ल्ल्या आनी ह्या काऱ्याक सहाय दिल्ल्या दानिंक आनी हितचिंतकांक फुलां तुरे आनी प्रसन्न निड्डोडिचो ’तान’ कविता बूक दीवन मान केलो. कार‍यदर्शी मानेसत जेरीन धन्यवाद आर्पिले.

उपरांत दोन घंटेभर विवीध मनोरंजन कार‍यक्रम, भुर्ग्यां थावन आनी संघटनाच्या सांद्या थावन नाच, पदां, हास्य नाटकुळे सादर केले आनी जम‍ल्ल्या लोकाक पोट‍भर हासाय‍लागले.

पांयशीं जणा वयर लोकाक, विवीध रांद्वायेनीं रांद‍ल्लें ’नोवें जेवाण’ गांवच्या रिवाजी फर्माणे शिरोतेर वाडलें. जेवणा उपरांत सांद्यानीं सांगाता ’लावदाते’ गीत गावन कार‍यें संपयलें. हें सगळें कार‍यें मानेसत हेनरी सिकवेरान अपुर्भयेच्या शैलेन चलवन वेलें.