[खबार]: वसयांत कोंकनी नाटक ’निर्मिल्लें चुकानां’
वसय (एप्रिल १०) (मुंबय) : वसय कोंकणि असॊसियॆशन सांद्यांनि हेच्च एप्रिलाच्या धा तारिकेर माणिक्पुरांत्ल्या वै.एम.सि.ए. सभासालांत मानेस्त जॊसेफ डि’सॊजाच्या लिख्णेथाव्न उदेल्लो, मानेस्त विलियं मचादो निर्दॆशनाखाल ’निर्मिल्लें चुकाना’ म्हळ्ळो नाखत खेळय्लो.
सांजेर ६:३०क सुर्वात जाल्ल्या कार्यांत संस्थ्याचो कार्यदर्शि मानेस्त जॊन डि’सॊजान वळोक करुन दितेच्च दॆश्भक्त गीत ’जनगणमन’ थाव्न सुर्वात केलें. संस्थ्याचो अध्यक्ष मानेस्त रेजिनाल्ड सांतुमायेरान आप्ल्या स्वागत उत्रांनि, लोकांक, नाटकाच्या कलाकारांक तशेंच मान सय्र्यांक स्वागत केलो. मानाधिक बाप फ्रान्सिस फेर्नांडिसान माग्ण्यामुखांत्र सुर्वात केलें. तेच्च्परिं भुर्ग्यांनि आप्लो स्वागत नाच प्रस्तुत केलो.
त्यॆ उप्रांत कार्यदर्शि मानेस्त जॊन डि’सॊजान मानाच्या सय्र्यांक; मा।बा।फ्रान्सिस फेर्नांडिस, मानेस्त फ्रान्सिस फेर्नांडिस कास्सिया, मा।बा।नजरेत सिक्वॆरा, मा।बा।मेल्विन सिक्वॆरा, मानेस्त जॊसेफ डि’सॊज, मानेस्त विलियम मचादो, आध्लो अध्यक्श मानेस्त स्टीफन फेर्नांडिस, आध्लो अध्यक्ष आनि सल्हादार मानेस्त ~आन्सि पालड्का आनि अध्यक्ष मानेस्त रेजिनाल्ड सांतुमायर हांकां उपाध्यक्शिण मानेस्तिण हिल्डा डि’सॊजा, मानेस्तिण जूलियेट मोंतॆरो तशेंच स्त्रीयांच्या घटयाच्या कार्यदर्शि मानेस्तिण लुविजा दि’सॊजान फुलांचो तुरो दिवुन वेदिचेर स्वागत केलो.
बरय्णार मानेस्त जॊसेफ डि’सॊज, निर्दॆशक मानेस्त विलियम मचादो हांकां मानेस्त स्टीफन फेर्नांडिस आनि मानेस्त ~आन्सि पालड्का हाणिं फुलांचे तुरे आनि फळां दीव्न तशेंच शाल पांग्रुन मान केलो. उप्रांत मा।बा।फ्रान्सिसान आप्ल्या उलव्पांत, कोंकनी कार्यांक लोकांनि सहकार दिंव्चि गर्ज आसा, आनि ताचेमुखांत्र आम्च्या भुर्ग्यांक आमि कोंकनी शिकंव्चो आम्चो काय्दो जाव्नासा म्हणालो. मुखेल सय्रो मानेस्त फ्रान्सिस फेर्नांडिस कास्सियान वेगिंच आप्लो नवो नाटक ’फुट्ल्लि मोड्कि’ वसयांत खेळंव्चि भासाव्णि केलि.
संस्थ्याचो उपाध्यक्ष रिचार्ड लुविस, खजांचि मानेस्त आल्बर्ट डि’कॊस्ता, सह कार्यदर्शि मानेस्त एड्वर्ड गॊम्स, सह खजांचि मानेस्त विन्सेंट फेर्नांडिस, समितिचे सांदे मानेस्त लारेन्स मेंडोन्सा, मानेस्त ग्रेगरि मोनिस, मानेस्त नॊवेल अल्वारिस, मानेस्त हेन्रि पिंटो आनि मानेस्त विन्सेंट डि’मेल्लो वेदिचेर उपस्तित आस्ले.
त्यॆ उप्रांत ’निर्मिल्लें चुकाना’ नाटकाचें प्रदर्शन सुरु जालें, मध्यंतरांत सल्हादार जॊस्सि मिनॆसान नाटकाच्या सर्व कलाकारांक फुलां, फळां तुरे दीव्न मान केलो. ’कोंकनी उलय, कोंकनी वाडय आनि कोंकणी उरय’ ध्यॆयाखाल नाय्गांव, भयांदर, नाल्लसोपार, जेरिमेरि, माल्वानि, मिरारॊड अशें वेवेग्ळ्या प्रांत्यांचे कोंकनी कलाकार आनि मॊगि हाजर आस्ले.
कार्याचि संप्णि उपाध्यक्श मानेस्त एड्वर्ड गॊम्साच्या उप्कार आटव्णेंत जालि, आनि स्त्रीयांच्या घटकाच्या सांद्यांनि अर्गां गीत गाय्तच्च, तेगां विजॆतांक ’लक्कि कूपन्स ड्राचिं’ इनामां वांट्लिं.
हाजर आस्ल्ल्या सर्व लोकांनि ह्या नाटकाचो आनंद जोड्लो.
