२००२ वर्सांत सुर्वात जावून एदोळ पर‍यांत कोंकणेंत विंचणार ३२ बूक पर‍गट करून आयिल्लें ’आशावादी प्रकाशन’, कोंकणेंत वेवेगळ्या शेतांत महत्वाची देणगी दिलेल्यांक विंचून पर‍गट मान कर्चें काम करून आयलां. आधल्या वर्साच्या ’कोंकणी एकवट’ कार‍यांत, मुंबयांतल्या सर‍व कोंकणी एक्तारांच्या सांगातिंक घेवन असल्याच मान कोंकणी साहिती/कलाकारांक पर‍गट मान केल्लो. (सर्व मानेसत ह्यारिबोय, हेनरी डी’सोज (संगीत साम्राट), लारेन्स सलडान्हा (कोंकणी कीर) हांचेसवें फ्रान्सीस फेर‍नांडीस कास्सिया (रंग‌मंच), वी. डी’सिलवा (साहित्य), लारेन्स कुवेल्हो (पत्रिकोध्यम), हेनरी डी’पावला (पत्रिकोध्यम), वाल्टर लस्रादो (अनुवाद साहीत), ह्यारी फेर‍नांडीस (फिल्म नीर‍देशन), जोय पालडका (नाटक नीर‍देशन), फ्रान्सीस ओलिवेरा पडुकोणे (रंग‌मंच) हे मान कलाकार.

ह्या वर‍साचो ’कोंकणी संभ्रम २०१७’, आशावादी प्रकाशनान ’दिव्यदीप प्रकाशनाच्या’ सहयोगाखाल आसा केल्लें काऱ्यें, कल्याण‌पुरांतल्या मिलाग्रीस कोलेजिंत, दसेंबर १७ तारिकेर सकाळीं ९:३० वोरांचेर नोंदावणी आनी काफी-फळारासवें सुरू जातलें.

सकाळीं १- वोरांक सुरू जांवच्या ह्या काऱ्याचें उधघाटन दायजिवर‍ल्ड मीडिया प्रायवेट लिमिटेड‌चो मानेसत वाल्टर नंदळिके कर्तलो. मुखेल सयरो जावन उध्यमी मानेसत पासकल बी. पिंटो पेर्मुदे, मानेसत सयरे जावन मानेसत आसटीन डी’सोज प्रभू, मा|बा|चेतन कापुजीन काऱ्यें सोभयतले.

मा|चेतन लोबोचें उलवप आसच्या ह्या काऱ्याचें निर्वाहण, फामाद कोंकणी कार‍यें निर्वाहक मानेसत जियो आग्रार कर्तलो.

बूक मोकळीक काऱ्यांत; ’साहित्याध्वारीं समाज‌सेवा’ इराद्याचो पयणारी क्रिस्मस विशेस अंको, जोन सुंटिकोप्पाचो ’मोनी बोब (कविताजमो)’, वल्ली क्वाड्रसाचो ’मुखामुखी (संपादकीयां)’, विन्सी पांबूराचो ’मेल्ल्या पेट्याभंवारीं (मटव्यो काणियो)’ मानेसत जोर्ज क्यासतलिनो नक्रे, मानेसत मेलवीन रोड्रिगस, मानेसत आसटीन डी’सोज प्रभू आनी अयरीन पिंटो मोकळीक कर्तेलीं.

साधकांक पर‍गट‌मान कार‍यांत साधकांक; वल्ली वग्ग (साहीत - काण्यो), डा|एडवर्ड नज्रेत (साहीत - लेकनां), जेरालड वी. कारलो (साहीत - अनुवाद), कन्सेपटा फेर्नांडीस आळव (रेडियो, मीडिया), आसटीन डी’सोज प्रभू (अंतर‌राश्ट्रीय कोंकणी मान-मनीस) हांकां मानेसत जेम्मा पडील, डोलफी कास्सिया, एडी नेट्टो, आयरीन पिंटो, आनी ग्लेडीस रेगो मान कर्तेलीं.

वल्ली वग्ग (कोंकणी काण‌यो), डा|एडवर्ड एल. नज्रेत (भलायकेचीं लेकनां)

जेरालड वी. कार‍लो, हासन (अनुवाद), कन्सेपटा फेर‍नांडीस आळव (रेडियो/माध्यम)

डा|आसटीन डी’सोज प्रभू (अंतर‌राश्ट्रीय कोंकणी मान मनीस)

हेच्च संदर‍भार लोकामोगाळ कोंकणी संस्थो T३ हांच्या प्रायोजक‌पणाखाल चल‌ल्ल्या ’पयणारी साहितीक स्पर्धो २०१७’ हांतूं इनामां जोडलेल्यांक इनामां वांटतेल्यांव.

त्ये उपरांत वल्ली क्वाड्रसाच्या अध्यक्ष‌पणाखाल कोंकणी कविगोश्टिंत, नामणेचे कवी; आंड्रू एल. डी’कुन्हा, मेलवीन जे. वास केलराय, वल्ली वग्ग, आसटीन प्रभू, ग्लेडीस रेगो, क्याथरीन रोड्रिगस, आंटनी बार‍कूर, आंटनी लोपेज, नवीन कुलशेकर, वाल्टर दांतीस, रिच्ची पिरेर, प्रसन्न निड्डोडी, जियो आग्रार आपलीं कविता वाचतलीं.

त्ये उपरांत क्रिसटोफर डी’सोज नीनासम निर्देशनाखाल, पद्वा कोलेजिच्या पंगडाथावन ’काव्य - कथारंग’ म्हळ्ळो कविता-काणियेंचेर अभिनय आसतलें; चा.फ्रा.दे’कोसताच्या कवितेंचेर, बात्ती केलराय‌च्या ’घडगडो’ तशेंच वल्ली क्वाड्रसाच्या ’सछ का साम्ना’ मटविकाणियेंचेर अभिनय आसतलें.

अपवणें