कोंकणी भाशांतर आनी लिप्यंतरण काऱ्याशाळा २०२५ - समारोप काऱ्यें
२५ सेप्तेंबर (माप्सा, गोंय): कोंकणी भाशा मंडळ (गोंय) हाणीं ’भाशांतर आनी लिप्यंतरण’ चेर आयोजन केल्लें वीस दिसांचें काऱ्याशाळा (Internship) सपटेंबर मयन्यांत गोंयच्या माप्सांतल्या सैंट झेवियर्स कोलेजिच्या भाशा विभागांत चल्लें. ह्या काऱ्याशाळाचें समारोप काऱ्यें सेपटेंबराच्या २६ तारिकेर (सुक्रारा) दोनपारां साडेभारा थावन दोन पासोन चल्लें.
२०२५ इस्वेच्या सपटेंबर २५ तारिकेर आशावादी प्रकाशनान कोंकणिंतलें पयलें ई-पुस्तक (’सागोराच्या वाटेच्यो झरी’) पर्गटल्लें. २० वर्सां उपरांत, गोंयच्या विध्यार्थिंनी लिप्यंतरण केल्लें कोंकणिंतलें पयलें लिप्यंतरणाचें ई-पुस्तक ’दऱ्या गाजोता’ (र. वी. पंडिताच्यो कविता), ह्या लिप्यंतरण काऱ्याशाळाचेर विध्यार्थिंनी कन्नड लिपीक लिप्यंतरण केल्लें आशावादी प्रकाशनाचें ई-पुस्तक, कोंकणी भाशा मंडळ (गोंय) अध्यक्ष बाय रत्नमाला दीवकर हिणें डिजिटल उग्तावण करून, कोंकणी भासेंत मात्र हेर लिपिंनी आसची साहितीक ग्रेस्तकाय तांत्रीक सक्तेच्या मजतेन कशें आमीं लिप्यंतरण करुंक सक्तांव, आनी समग्र कोंकणिच्या वाडावळेक हें कशें उपकाराक पडता म्हळ्ळी माहेत दिली.
दल्गादो कोंकणी अकाडेमिचो अध्यक्ष बाब सेल्सो फेर्नांडिसान अपल्या उत्रांनी, कन्नड/हेर कोंकणिच्यो लिपी कळानास्ताना सयत तांत्रीक सक्तेचो वापार करून कशें लिप्यंतरण करुंक साध्य जालां, आनी ह्या तांत्रिकतेचो फायदो आमी जोडून हो फायदो कोंकणीक लाभाशें कर्ची गर्ज आसा, आनी त्या दिशेन आमी एकामनान लागीं येवन वावर कर्पाची गर्ज आसा म्हणालो. मुखेल सयरो जावन हाजर आसलो बाब शैलेंद्र मेहतान आयचो काळ डिजिटल काळ जाल्ल्यान आमीं कोंकणीक सयत खूप रितीन डिजिटल संसाराक वर्ची गर्ज आसा आनी त्या पास्त हें लिप्यंतरणाची काऱ्याशाळा एक नवी सुर्वात करून दिता म्हणालो.
सैंट झेवियर्स कोलेजिची विध्यार्थी बाय एनेली लोबोन सूत्र संचालन केलें. कोलेजिच्या कोंकणी विभागाचो मुखेस्त बाब धर्म चोडानकारान ’कोंकणिचो फुडार मतिंत दवरून आमी घेतललें हें मेट खरेंच जावन भुर्ग्यांच्या फुडाराक भोव उपकाराक पडतेलें’ म्हणालो. प्राध्यापक मानाधीक दोतोर लुवीस गोम्स हाणीं ’भाशांतराची तर्भेत जोडून तयार केल्लीं कोंकणी तर्जणेचीं स-पुस्तकां वेगिंच लोकार्पण जातलीं, पूण तेच हुमेदीन विध्यार्थिंनी पाटळ्या दोन हफ्त्यांनी मिनत करून तयार केल्लें ’लिप्यंतरणाचें पुस्तक’ (दऱ्या गाजोता), खरेंच जावन एक नवी सुर्वात करून दिता आनी फुडारांत कांय असलीं पुस्तकां लिप्यंतरण जावन आयलीं तर, आमकां कोंकणिच्या हेर लिपिंत आसचें उत्तीम साहित्य वाचुंक एक वाट करून दिता आनी कोंकणी साहित्याची ग्रेस्तकाय पळेवंक एक वाट करून दिता म्हणालो.
कोंकणी विध्यार्थिंक अपलो फुडार बरो कर्च्या नद्रेन ’भाशांतर’ तशेंच ’लिप्यंतरण’ विध्या उपकाराक पडतली म्हळ्ळ्या नद्रेन ही काऱ्याशाळा आसा केली. पयल्या वीस दिसांनी बाय स्नेहा सब्नीस हिणें ’तर्जण/भाशांतर’ विश्यांत तर्भेत दिली तर ’लिप्यंतरण’ विश्यांतली तर्भेत वल्ली क्वाड्रसान दिली. वल्ली क्वाड्रसान अपल्या उलवपांत म्हळें; ’कांय कारणांक लागोन गोंय सोडन भायर गेल्ल्या कोंकणी लोकांनी थंयच्या प्रांतीय भासेच्या प्रभावांत जी भास वाडयली, देकून आज कोंकणिंत जायत्यो ऊप-भासो (बोली) आसात. जशें तर्जण कर्तासतां आमकां मूळ भास आनी शेवोटची भास सार्की येवपाची गर्ज आसा तेचपरीं लिप्यंतरण कर्तासतां सयत ’मूळ बोली’ आनी ’शेवोटची बोली’ जाणा आसची गर्ज आसा. ही एका थराची ’बोलियंतर (एका भासेंतल्या एका बोली थावन अन्येका बोलीक लिप्यंतरण कर्चें)’. आज आमचेलागीं ती समजणी आसचीं भुर्गीं आसात देकून हांकां जोक्तो आवकास लाभवंक कोंकणी संस्थ्यांक उलो दिलो.
विध्यार्थिंनी; पाटल्या वीस दिसांनी जोडलली तर्भेती फुडाराक खरीच जावन उपकाराक पडतली अशें श्रुती मटकरन म्हळें. आदी शिरोडकर म्हणालो तांत्रीक सक्तेच्या मजतेन आमीं वाचुंक कळानासचा लिपिंत सयत साहित्य लिप्यंतरण करुंक जांवची खरीच जावन दाधोसकायेची गजाल.
