ASHAWADI PRAKASHAN ಆಶಾವಾದಿ ಪ್ರಕಾಶನ್ as long as I live, I hope
Contact us
ASHAWADI
Poinnari ಪಯ್ಣಾರಿ

ಕವಿತಾकविताPoem

Adhunik xisanchim bhognnam (- Glanish Martis, Alangar)

[kovita] Adhunik xisanchim bhognnam (- Glanish Martis, Alangar)

Hangasor ek sot ani tea sotachim marmik rupam asat. Ek vidhea pramannik ritin xikcho xis, ani taka oplea svarthacho bonddvall korun aplea faideak gollsuncho hoddbo guru. Hangasor viddombon mhollear zaiteank somzunk soit zainaschem hem sot (?) veginch somzunche xis jednam ugtean soval korchem khorench zaun vevegollea oddkollenchea sutank tuttoun mukar paulam kaddchem dhoir xisan ghemvchem thoknnayechench.

[kovita] Adhunik xisanchim bhognnam (- Glanish Martis, Alangar)

Adhunik xisanchim bhognnam

nixani chukomvcheak

vicharo‌lelea okhonddeak

kitlem duk bhoglam'stolem nhoi!

fokot tir maro‌chi xati

okhonddeak asa tor

hatantlea dusrea bottank

na kitem mol?

keul nixanye sokter hondvon

fuddar parkil'lea dronnak

xisachi obhivrid'dhi koddu lagli nhoi!

aplo adhar-khambo kapche fuddem

orpunk axel'lea bottachi tan bhagounko

pattim soro‌lelea adivasik

nat‌l'lem kitem rogtachem mol?

tirachem pont sarkye nixanek

vhoro‌n pauyil'lo kodondd

kitlo churchuro‌la'stolo nhoi!

lokxyek purok mhonnchea 'angtteak'

nirjiuponnachi mudi ximvtana

tir‌xastracho solvonne-udgar

aikol'lo tori kitlo hollu?

hea sovalank zapi diunko

dronno tosolea gurunchi gorz

adhunik somsrak podduna!

bogar 'ekolouy' zoso xis mhonn lekun

oxir chintpachea gurunchea gopinnek

'fator' zaun vaparo‌lelea xisanchim bhognnam

aikot tori konn?

Sobdancho Orth:

1.Okhonddo, angtto = hatachem‌ poilem bott (Thumb)

2.Kodondd = tir marunk vhaparochem hater (Bow)

3.Gopinn = fator marunk upkarochim sahet (Catapult).

- Glanish Martis Alangar. [Jul, 2020]

© 2020 ಗ್ಲ್ಯಾನಿಶ್ ಮಾರ್ಟಿಸ್ ಅಲಂಗಾರ್ · ASHAWADI PROKAXON All rights reserved.

Comments

No comments yet. Be the first to say what you thought of it.

Leave a comment

Write in Kannada, Nagari or Romi, whichever you like. He reads every comment before it appears here, so yours will not show straight away. Your name is printed above it.

0 of 2,000 characters

Only your name and your comment are kept - no email address. They stay on the site until he removes them; to have yours taken down, write to him through the contact form and say which one. Privacy.

Author

ಗ್ಲ್ಯಾನಿಶ್ ಮಾರ್ಟಿಸ್ ಅಲಂಗಾರ್

All 4 pages by this writer

More from ಗ್ಲ್ಯಾನಿಶ್ ಮಾರ್ಟಿಸ್ ಅಲಂಗಾರ್

More in Poinnari

Everything in Poinnari