ಕವಿತಾकविताPoem

बीं तशें भात (- नामदेव ग. सुर्लिकार)

[कविता] बीं तशें भात (- नामदेव ग. सुर्लिकार)

आयची आमची कर्नीच फाल्यांचो प्रतिफळ, आमी केल्लेंच आमकां मेळता पूण वेवेगळ्या रुपांनी तो प्रतिफळ मेळताना दरेकलो मनीस बरो प्रतिफळ आपलें नशीब म्हणून लेकचो, तोच प्रतिफळ वायट तर तो हेरांचेर बदनाम घाल्ता. मनशा जिविताच्या दरेका समस्स्यांचें मूळ सोधून दिंवची कविता ही. मनशाची कर्नी एक अखेरिची प्रक्रिया, पूण कर्नेक कारण मनशाचें चिंतप. आनी चिंतप‌च मूळ कारण मनशा जिविताच्या सर्व थरांच्या समस्स्यांक म्हळ्ळें चिंतप सोभीत रितीन उत्रावणी केल्ली ह्या कवितेंत दिसून येता.

[कविता] बीं तशें भात (- नामदेव ग. सुर्लिकार)

बीं तशें भात

खणत तशी माती

काडीत तसो चिखल

वाजयत तशें रोमट

बडयत तसो धोल

उलयत तशें उतर

करीत तशी आशा

आवडींत नंदता खोशी

खोशे बगर निराशा

वाडयत तो गर्भ

कापीत ती हत्या

रूजयत ती रूजवण

करीत तीं कृत्त्यां

चान्नें पडूं दी

हांसप हांसूं दी

माणकुल्या पांवलांक

आंगणभर भोवूं दी

दीस तशी रात

बीं तशें भात

धर्म थंय जात

विस्वास तसो घात

नारीच्या जल्मान

प्रसन्न आदिमाया

थंयच आसा सासाय

थंयच दया माया

- नामदेव ग. सुर्लिकार. [जुलाय, २०२०]