ಕವಿತಾकविताPoem
ब्रह्मांड (- पूजा नाय्क गांवकर)
[कविता] ब्रह्मांड (- पूजा नाय्क गांवकर)
ब्रह्मांड जो भुरग्यापणार इसकोलांत आयकल्लो सब्ध कांय कल्पनांक मनांत रचुंक सक्तालो आज मनीस विग्यानाची सकत आपणावन ह्या ब्रह्मांडांत भंवाडो काडुंक तशें सोधुंक लागला. पूण एका वाटेर तो सोधनां करून आयिल्लेपरिंच अन्येका वाटेन वाट चुकोन आयला म्हळ्ळें चिंतप हकीगत.
[कविता] ब्रह्मांड (- पूजा नाय्क गांवकर)
ब्रह्मांड
ब्रह्मांड...
रंग बदलपी मनशांनी भल्लां
अस्तित्व सोदपी आत्म्यांनी जागयलां
हे अखंड ब्रह्मांड
देवळांत देव सोदपी
आस्तिकांनी चित्रयलां
ब्रह्मांड...
अमाशेच्या चंद्रात शेणलां
पुनवेच्या चान्न्यांत लखलखलां
हे अखंड ब्रह्मांड
स्वतःक स्वतःत सोदपी
शेणिल्यां प्रवाशांन घडयलां
ब्रह्मांड...
जातीच्या बंधनात तळमळलां
परंपरेच्या शास्त्रांत घुसपलां
हे अखंड ब्रह्मांड
तुजें - म्हजें करपी
एकसुरें स्वार्थात कळवळलां
ब्रह्मांड...
जीवन आनी मरण या दोरयेंन बांदलां
प्रतिश्टेच्या पानांर रूचींक परमळलां
हे अखंड ब्रह्मांड
स्वाभिमानाची सर्त करपी
सासायेंन तिगयलां
ब्रह्मांड...
खोपेतल्यां गालिचांर सजलां
चुड्टांच्या सावळेंक रडलां
हे अखंड ब्रह्मांड
स्वासांचो सुवाळो मनोवपी
जीवीताच्या चुलीर जगलां
- पूजा नाय्क गांवकर. [माय, २०२०]
© 2020 पूजा नाय्क गांवकर · आशावादी प्रकाशन सर्व हक्कां राखून दवरल्यांत.
ಕವಿತಾकविताPoem Jul 2020
कोरोना… तुवें खूब कितें शिकयलें (- पूजा नाय्क गांवकर)
ಕವಿತಾकविताPoem Apr 2020
अरे मनशां (- पूजा नाय्क गांवकर)
ಕವಿತಾकविताPoem Mar 2020
देश म्हजो जळटां (- पूजा नाय्क गांवकर)
More in Poinnari
ಕವಿತಾकविताPoem Feb 2025
धाळ्यो [डो. झीटा लॊबो]
ಕವಿತಾकविताPoem Oct 2020
केन्नां पुणी उटतेल्यात... (- विल्मा बंटवाळ)
ಕವಿತಾकविताPoem Nov 2016
येका फो०डाचि कता
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.
Comments
No comments yet. Be the first to say what you thought of it.
Leave a comment