ಕೊರೋನಾ (- ಡಾ|ಪೂರ್ಣಾನಂದ ಚಾರಿ)

ಮಾತ್ಲ್ಯಾ ತೂಫಾನಿ ಪಾವಲಾಂ

ಘಾಯಾಳ್ ಮನಾಂಚೆರ್

ಮಾರುಂ ನಾಕಾತ್ ಗಾ

ಖೊರ್ ಭಯಾಚಿಂ ದಾವಲಾಂ.

ಸಂಕಟಾಚಿ ಸುಲುಸ್ ಅಸುಂ

ಪಾಂಯ್ ಸೊಡುನ್ ಬೊಸಲ್ಲಿಂ ದಿಸುಂ.

ಧಿಟಾಯೆಚಿ ಊಬ್ ಜಾಯ್

ಘಟಾಯೆಚೊ ಉಲೊ ಜಾಯ್

ವಾಸ್ಪುಶೆಚಿ ಧಗ್ ಜಾಯ್

ಅಧಾರಾಚಿ ಧಾರ್ ಜಾಯ್

ಶೆಣಟಲ್ಯಾಕ್ ವಾಟ್ ಜಾಯ್.

ಆಮ್ಕಾಂ ಲಾಗುನ್, ಕಫನ್ ಬಾಂಧುನ್

ಝುಜಪ್ಯಾಂ ಪಾಟಿಕ್ ಪಾಟ್ ಜಾಯ್.

ವಾಟೊ ಜಾಯ್ತ್ ಧುಂವ್ರಯೊ ತರಿ

ಹಾವೆಶಿ ದೊಳ್ಯಾಂತ್ ಖೊರ್

ಉಜ್ವಾಡಾಚಿ ಉಡಾನ್ ಜಾಯ್

ಝಕ್ ಮಾರುಂ ಭುಂಯ್ ಮಾರುಂ.

ಭಿರಾಂತೆಚ್ಯೊ ಕಾಯಲಳ್ಯೊ

ನಿಸ್ಚೆವಾನ್ ಉಭ್ಯೊಚ್ ಪುರುಂ.

ಮೊರ್ಣಾಚೆರ್ ಜಯ್ತ್ ಜೊಡುಂಕ್

ಘರಾಂ ದಾರಾಂ ಸಜ್ಜ್ ಕರುಂ

ಸೊಂಯ್ಮಾಚಿ ಶಸ್ತರಾಂ ಧರುಂ

ಘರ್-ಘರ್ ಕಿಲ್ಲೆ ಕೊರುಂ

ಸನ್ಕಲ್ಪಾಚಿ ಅಸ್ತ್ರಾಂ ಮಾಖುಂ.

ಭರುಂ ನಾಕಾತ್ ಮನಾ ಕಾಳ್ಜಾಂತ್

ಆಪ್ಶರಣಾಂ ಕೆಣಾಂ.

ಕೊರೋನಾಚ್ಯೆ ರಣ್ ಭುಂಯೆರ್

ದಾಟು ವಾಟುನ್ ಝುಜುಯಾಂ.

ಘರಾಂತುಚ್ ರಾವುನ್ ಪೆಟೊಂವ್

ಧಿಟಯೆಚಿಂ ಹಂಖಣಾಂ.

ಯೆತಲಿಂ ವತಲಿಂ ಅವ್ರಶಣಾಂ

ಘರಾ ಭಾಯ್ರ್ ಜಳ್ಟಲಿ

ಕೊರೋನಂಚಿಚ್ ಮೊರ್ಣಾಂ ,

ಕೊರೋನಂಚಿಚ್ ಸೊರ್ಣಾಂ.!!

- ಡಾ|ಪೂರ್ಣಾನಂದ ಚಾರಿ. [ಮಾರ್ಚ್, 2020]