ಕವಿತಾकविताPoem
ಹಿರ್ಕಣಿ (- ಎಡ್ನಾ ವಾಜ್ ಫೆರ್ನಾಂಡಿಸ್)
[ಕವಿತಾ] ಹಿರ್ಕಣಿ (- ಎಡ್ನಾ ವಾಜ್ ಫೆರ್ನಾಂಡಿಸ್)
ಛತ್ರಪತೀ ಶಿವಾಜಿಚ್ಯಾ ರಾಜಾಂತ್ ಹಿರ್ಕಣೀ ಮ್ಹಳ್ಳಿ ಏಕ್ ಬಾಯ್ಲ್ ಗಾಯೆಚೆಂ ದೂದ್ ಕಾಡುನ್ ತೆಂ ದೂದ್ ವರುನ್ ಕಂಪಾಂವ್ಡಾಂತಲ್ಯಾ ಲೊಕಾಕ್ ದಿತಾಲಿ. ಆನಿ ಗಾಂವ್ಚೆ ತೆಂ ದೂದ್ ಪಿಯೆವ್ನ್ ವೆಳಾರ್ ವಚುನ್ ತ್ಯಾ ಉಭಾರ್ ಪಾಗೊರಾಭಿತರ್ (ಕಿಲಾ/ಕೋಟೆ) ರಿಗ್ತಾಲೆ. ಏಕ್ ಪಾವ್ಟಿಂ ಹಿರ್ಕಾಣಿನ್ ದೂದ್ ಹಾಡು ಯೆತನಾ ಘಳಾಯ್ ಜಾಲಿ ದೆಕುನ್ ಕಂಪಾಂವ್ಡಾಚೊ ಲೋಕ್ ಯೆದೊಳ್ಚ್ ಪಾಗೊರಾಭಿತರ್ ರಿಗ್ಲೊ ಆನಿ ಗೇಟ್ ಬಂಧ್ ಜಾಲಿ. ಪುಣ್ ದೂದ್ ಘೆವ್ನ್ ಆಯಿಲ್ಲಿ ಹಿರ್ಕಣಿನ್ ತೊ ಪಾಗೊರ್ (ಕಿಲಾ) ಚಡುನ್ ತೆಂ ದೂದ್ ವರುನ್ ತ್ಯಾ ಲೊಕಾಕ್ ಪಾವಿತ್ ಕೆಲೆಂ. ಎಕಾ ಆವಯ್ಚೆಂ ಮನ್ ಕಿತ್ಲೆಂ ವಿಶಾಲ್ ಮ್ಹಳ್ಳೆಂ ಚಿಂತಪ್ ದಿಂವ್ಚಿ ಕವಿತಾ ಹಿ.
[ಕವಿತಾ] ಹಿರ್ಕಣಿ (- ಎಡ್ನಾ ವಾಜ್ ಫೆರ್ನಾಂಡಿಸ್)
ಹಿರ್ಕಣಿ
ಹ್ಯಾ ದೊಂಗ್ರಾಂ ಪಲ್ತಡಿಂ,
ವಝ್ರ್ಯಾ ವರಿ ಕುಲ್ಕುಲಾಟ್,
ಕೆನ್ನಾ ಥೂಯ್ ಥೂಯ್ ನಾಚ್!
ಹ್ಯಾ ದೊಂಗ್ರಾಂ ಪಲ್ತಡಿಂ,
ಪಾಂಯಾಂಕ್ ಖೊಶ್ಯೆ ವೆಂಟಾಳೊ,
ಕಾಳ್ಜಾಂತ್ ಸುಖಾ ಉಮಾಳೊ!
ಹ್ಯಾ ದೊಂಗ್ರಾಂ ಪಲ್ತಡಿಂ,
ಮಾಣ್ಕುಲಿಂ ಹಟ್ಟಿ ದುಕಾಂ,
ಮೊಲಾದೀಕ್ ಮೊತ್ಯಾಂ-ಥಿಕಾಂ!
ಹ್ಯಾ ದೊಂಗ್ರಾಂ ಪಲ್ತಡಿಂ,
ಸುಖಾಚಿ ವ್ಹಾಂವ್ತಿ ಝರ್,
ಆಂಗಾಂತ್ ಚೈತ್ನ್ಯಾಚಿ ಭರ್!
ದೊಂಗ್ರಾಂಚ್ಯಾ ಆಲ್ತಡಿಂ ಹಾಂಗಾ,
ವೆಳಾಚೆ ಅಸಂಖ್ಯ್ ವಾಂಟೆ...ಕಾಂಟೆಚ್!
ಪಲ್ತಡಚೆ ಖೀಣ್ ಬಾಯೆ....ಕಾಳ್ಜಾ ಠೊಕೆ!
ಹ್ಯಾ ದೊಂಗ್ರಾಂ ಆಲ್ತಡಿಂ,
ಕಿತ್ಲೆಶೆಚ್ ಅಸ್ವಸ್ಥ್ ಪದರ್,
ಹಿರ್ಕಣೀಚಿ ಧಾಂವ್ ಘೆತ್, ಹುಂಪ್ತಾತ್ ಪಲ್ತಡ್...
- ಎಡ್ನಾ ವಾಜ್ ಫೆರ್ನಾಂಡಿಸ್. [ಮಾಯ್, 2020]
ಎಡ್ನಾ ವಾಸ್ ಫೆರ್ನಾಂಡಿಸ್: ಮುಂಬಯ್ ವಿಶ್ವ್ವಿಧ್ಯಾಲಯಾಂತ್ ದೊತೊರ್ಗಿರಿಚೆಂ (PhD) ಶಿಕಪ್ ಜೊಡುನ್ ಆಸ್ಚ್ಯಾ ಹಿಚಿಂ ಕವಿತಾ, ಲೇಕನಾಂ ’ಸುನಾಪರಾಂತ್’ ತಶೆಂಚ್ ’ಕೊಂಕಣ್ ಟಾಯ್ಮ್ಸ್’ ಪತ್ರಾಂನಿ ತಶೆಂಚ್ ’ದಲ್ಗಾದೊಚೊ ಸಂಧೇಶ್’ ಪತ್ರಾಂನಿ ಪರ್ಗಟ್ಲ್ಯಾಂತ್.
More in Poinnari
ಕವಿತಾकविताPoem Feb 2025
ಧಾಳ್ಯೊ [ಡೊ. ಝೀಟಾ ಲೋಬೊ]
ಕವಿತಾकविताPoem Oct 2020
ಕೆನ್ನಾಂ ಪುಣಿ ಉಟ್ತೆಲ್ಯಾತ್... (- ವಿಲ್ಮಾ ಬಂಟ್ವಾಳ್)
ಕವಿತಾकविताPoem Nov 2016
ಎಕಾ ಫೊಂಡಾಚಿ ಕಥಾ
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.