ಕವಿತಾकविताPoem

Hamvesache Puzari (- Avinash Kunkullkar)

[kovita] Hamvesache Puzari (- Avinash Kunkullkar)

Hea somsarant jietolo monis kaim dis gel'leporim monozat zala kai? xikop asun, somzonni asun monis kiteak ozun monozatik soit lojer ghalochim kama korun asa? hea chintopacher vinnloli kovita hi.

Bab ovinax kunkollokar gõycho kovi, hea kovitechea sokotek somozunk tuka ulo ditam.

[kovita] Hamvesache Puzari (- Avinash Kunkullkar)

Hamvesache Puzari

Khub zale bolatkar

osturecher onyai,oteachar

zoxi tumchi auy,bhoinn

toxich dusreachi... Ho kela tumi vichar ?

xorir sukhachi bhuk maruk

zonaur zaupachi goroz nam

te sukh onnbhoupachi vyousta

kela devan

bollzobori korun upkarochina.

Bollzoborin khorea sukhachi bhuk bhagna

te sukh onnbhouche zalear

osturecho ador korchea kheriz

dusro upai nam.

Hamvesache puzari

azunoi heddtta gamvar

ek eksure osturechi vatt polloit

ani ti babddi bhivun

kaddta dis tea noradhomak

aplea ostitvachi rakhonn koruk.

Atmohtea korun legit

ostitvar poddil'lo dag

kadduk konnak zombe nam

auy ,bapaichea dukanchea thembeani

aplea bhurgeachi mel'li kudd

dhuvn kaddli tori to dag puslo nam.

Gamvar heddpi te sunne,noradhomache

te ghoddnnuket tanche kainch oddle nam

vhodda montracho pattboll tankam

labhlelo asrota

te heddtta azunoi tokli voir kaddun

tankam dusreachea dukhache poddlele nam.

Punn visrotat te devacho nyai

zanna zaun...

Devo aplea neayak ken'na mukna

devachea neayachea tagddechea daleat

vozon zori nasle tori

to mojmap korunk ken'na chukna

melltole tankaim bi foll

tanni bollzoborin kelea koxttache

dorek yugat ovtar gheta devo

nax korunk toslea duxttache.

- Ovinax Kunkollokar. [Feb, 2020]

Avinash Kunkallkar: Nattokist, kovi zaunaschea hannem zaite nattok boroileat. 'Jivitacho Rong', 'Kauyodhon' mholl'lle don kovitazome porgott zaleat, tisro kovitazomo ’Ghoddfodd’ veginch porgottun yemvchear asa. Ttivicher toxench reddiocher hacheo kovita prochar zaleat.