काळ्या पयशाच्या आरोपांत [अमेय नायक, गोंय]

जेदना आसा दुडू, तेदना आसतलें सक्कड; देश‌प्रेम, देव-धर्म, भास-जात. आनी जेदना काळो दुडू काम करुंक लाग्ताना कसलीं मारेकार घडितां घडुंक जातात अनी कशीं हीं घडितां समाजेक पिड्ड्यार करुंक सक्तात म्हळ्ळेविशीं सविसतार रितिचो आटोव केल्लो ह्या कवितेंत दिसून येता.

बाब अमेय नायक एक तर्नाटो कवी पूण ताची नदर जाणती, गुंडायेची तशेंच प्रभुद्द. देकून ही कविता फकत एका कवितेच्या मेरेर उराना. बगार समाजेच्या वेवेगळ्या कुशिंचेर आर्सो धर्ता आनी कवितारसिकांक नवेंच अमाल दिता म्हणच्याक गवाय जावंक तुकाच सोडतां.

[कविता] काळ्या पयशाच्या आरोपांत [अमेय नायक, गोंय]

काळ्या पयशाच्या आरोपांत

काळ्या पयशाच्या आरोपांत

कितल्योशोच नोटी

भोगतात जल्मठेप,

दुबावीत म्हण

'रिजर्व बेंकेच्या' बंदखणीत...

ह्या चळवळींत

गांधीय

आपखोशेयन जालो मेतेर

तेणें सोडलो जागो

बदल्ली दीशा

आनी तोणावयलो

रंगूय.

निवळटलो आतंकवाद

देशावयलो भार

भ्रष्टाचार... सारकें

उमेदी नारें,

दीतालें प्रोत्साहात

पोन्न्या नोटींक

बलीदान दीवंक.

चळवळ सोपतोकूच

भांगरांच्या तिजोरीत रावपी

पोन्न्यां नोटींकूय,

मेळपाक लागली वागणूक

अछूतांवरी.

नव्यो नोटी

जल्माक येतांच जाल्यो

कुपोशीत.

मनांत नास्तनाय तेंका

रावचें पडलें आश्रीत म्हण

भांडवलशाहीच्या दबावांत...

धर्म परिवर्तन कोरून

काळ्या पयशान घेतलो

भायल्या बेंकानी राजाश्रय

युध्द पातळेर जालो प्नयत्न

तेंच्या घरवापसी खातीर.

तो खयूय पावो

तो खयूय रावो

तेका ना भय.

विचारील्ल्या प्रस्नांक

केल्ल्या आरोपांक

तेजो एकूच जवांब...

भारत माता की जय

भारत माता की जय

- अमेय नायक, गोंय  [माय, २०१९]