ASHAWADI PRAKASHAN ಆಶಾವಾದಿ ಪ್ರಕಾಶನ್ as long as I live, I hope
Contact us
ASHAWADI
Poinnari ಪಯ್ಣಾರಿ

ಕವಿತಾकविताPoem

Kanni kudd'dde bhoinnichi (- Avinash Kunkolkar)

[kovita] Kanni kudd'dde bhoinnichi (- Avinash Kunkolkar)

Kovita mhollear thoddeach utramni khup orth sangchi kola. Punn kovitent kotha sangchi kola kaim thodde vachpi khais kortat. Hangasor tosolich ek kanni asa eka kudd'ddea bhoinnichi. Kotharupachi hi kovita zal'lean vachpich somzuncheank dubhavo na.

[kovita] Kanni kudd'dde bhoinnichi (- Avinash Kunkolkar)

Kanni kudd'ddea bhoinnichi

sat bhavanchi ek bhoinn

namv tichem bhauna...

Sat bhavo asunoi

tichea sukha dukhkhan pauna.

Dukhkh sostali ektti eksuri

indrodhonu vori sat bhavo asunoi

berong zognne zogtali

satuy bhavanchi seva korit

disa disak mortali.

Rat va dis ek soman

kalle kitt'tt zognne aslem

bhavancho somvsar zaucho boro

hech devakodden magnne aslem.

Kudd'dde bhoinnik ho somvsar pollouk

aplem svotachem dolle naslem

punn satuy bhavo samke svarti

dolle asun kudd'dde aslem.

Tichem kudd'ddeponn bhavank zodd zal'lem

ti apli bhoinn mhunn sangpak

tankam loz distali...

Punn apunn chouda dolleamni polloita

he khotte axen ti zogtalim.

Satuy bhavo kott rochun ek dis

kudd'dde bhoinnicho jivo gheta

zolma uprat ani mornna nontor

monxak mhojich ghoroz poddttoli

oso mortona ti xap dita.

Dusrea zolmak bambu zaun

kudd'ddi bhoinn zolmak yeta

bhurgeachea zolma uprat

taka supant douropachi rit asa

mornna nontor monxak

bambuchi nisonn favo zata.

- Avinash Kunkolkar. [Nov, 2020]

© 2020 ಅವಿನಾಶ್ ಕುಂಕಳಕಾರ್ · ASHAWADI PROKAXON All rights reserved.

Comments

No comments yet. Be the first to say what you thought of it.

Leave a comment

Write in Kannada, Nagari or Romi, whichever you like. He reads every comment before it appears here, so yours will not show straight away. Your name is printed above it.

0 of 2,000 characters

Only your name and your comment are kept - no email address. They stay on the site until he removes them; to have yours taken down, write to him through the contact form and say which one. Privacy.

Author

ಅವಿನಾಶ್ ಕುಂಕಳಕಾರ್

All 5 pages by this writer

More from ಅವಿನಾಶ್ ಕುಂಕಳಕಾರ್

More in Poinnari

Everything in Poinnari