Kaullo xermelo (- Prem Moras)

[kovita] Kaullo xermelo (- Prem Moras)

Kovitent monxache gunn-ovgunn, svobhavo-souyenk imejim rupar sador korchi kola vegllich kola. Hangasor somajechi prostut hokigot eka kaulleachea imajint viddombonatmok ritin vekt kel'lem disun yeta. Kovichi poili zovabhdari sot‌ch ulomvchi xivai fott‌ch nhoi mholl'llem hea kovitent disun yeta.

[kovita] Kaullo xermelo (- Prem Moras)

Kaullo xermelo

Kaulleachea aukan xir‍lechea rupnnean

to pallnneant dholtana

chirputtea haseamni mankddachea

sonddyen dholoilem porbun

thoddo vell zatoch kinkratteamni roddlo

nenntea mingelik khandear asro melltana

auycha bhuzancher suxegatan nidlo

xir‍lechea rupan chirputteo haso kir‍laleo

lokak to nentto, auyk roddnneacho gumtto

bapaichea khandear to mogall zantto

ijicherar boslelea abak fottoita

eka roddnnean sezar‍cha lokak zagoita

kaulleachem auk bhorun ailem dinddea manaik

dhovea nesnnan sobhoilem xir‍lechea rupnneak

suknnea poiki suknne, budvont suknnem

mingelichea dhadoxi monak kaulleachem mon piklem

ka, ka, ka, ka kaulleanchi ras

ek mutt xitak sorvancho sontos

ekvottan raveam dhadoxi jeveam

devan dilam sorvank pott bhor‍yam

monxean vanttleo pottlean pottleo

rostear bhukhel'leank jeunnacheo vattleo

korona piddent dex thamblo

monxeachem mon polleun kaullo xer‍melo

dan ditana man dhampunk dhovi mustaiki

tosvire mukar sobhtat dindde manai nizaiki

tum kaulleachem auk ghexi

tum kaulleachem rup ghexi

tum kaulleachi bud soit ghexi

hem sorv ghevun manest/manadik zaxi

ore papea kaulleachem dhadoxi mon...

Tuje dha-doxi gunn

- Prem Moras. [July, 2020]