ಕವಿತಾकविताPoem

Koronan kel'lem ugddaponn.... (- Prasann Niddodi)

[kovita] Koronan kel'lem ugddaponn.... (- Prasann Niddodi)

Somsarant sorv bhollvont omerika sorv bhirankull kemikol bamb, punn hacheaki chodd bhollvont vell. Vellak somsarachim nemam bodlunk vell lagana mhonncheak ami govai. Tempadim ami vachun, xikun, aikun toxench somzun ayil'lim choddtavo sotam atam bodol'leant. Hech chintpachea buneadicher hi kovita ubhi kelea.

[kovita] Koronan kel'lem ugddaponn.... (- Prasann Niddodi)

Koronan kel'lem ugddaponn....

Chorch mosjid mondirachim

daram az bond poddleant

sodam aramayen ascho devo

atam bhoktam thaun pois gela

padri bauddo bezarayent poddla

puzari to askot dista

mul'la saib khontixtt zala

aikanastam ovaz dan pettincho

ekvottant boll asa mhonnche

raz neta az bobo ghaltat

’vingodd rava jieteleat

ekvott naka poddteleat....’

kamgar baudde pottak hat laun

mutt xitak ani saulli votak

aklas kortat rat-dis

neta azun‍y lek ghalta nottank

khorg marekar dubllea-daktteachemr

na taka dhorm' ya datar

polis, ddokttor, nors, subhedar

tech az zaleat soddvonndar

bhukel'lea pottak rexon lainir

mhoje toslea sobar pordexank

devo khoroch dislo

mogan dil'lea khannachea unddyent

dhonyovad tuka korona

axem yedoll konni aikonknam

somsarak ugddaponn kelem-i tuvem

svarthi vyoktin‍ch rochla ’apaplo devo....’?

- Prasann Niddodi. [Jun, 2020]
Prasann Niddodi: Likhnnem namvar boromvcho Hillary DSilva Mumbaiant kriall Konknni mogi, ek nirdexok, boroinnar, vimorxok, kovi. 'Tan' hachea kovitencho jomo 2018 isvent porgott'la. Konknni, moratthi, hindi kovitencher odhyoin korun ascho proson'no nidd'ddoddi sobhar sahitik spordheamni inamam zoddunk sokla, toxench mumboyant sobhar kovigoxttimni vantto ghetla.