Mayag Zal'leo Kovita [John Suntikoppa]

[Kovita] Mayag Zal'leo Kovita [John Suntikoppa]

Zoxem obhiveokti soit ek prokarar va ek svorupar asana, toxem bonddayak/vidrohak soit rup na map na. Kovita mhollear jivitacho avaz utramni obhivyokt korchem madhyom. Monis mhonntoch suk-duk, axa-niraxa, sukti-bhorti samany. Punn eklo suktent astana eklo bhortent aschem sohoj. Ani bhortent aschean suktent ascheak kum'kecho hat diuncho monxeadhorm'. Atam bhortent aschean suktent ascheank aplo kum'ke hat kasoi dilona, xivai to suktent mo'ro'ndi mhunnun ekleachea oskotkayecho faydo zoddco, protyek jaun jo faydo apnnak unchayek pavoyta mhollea ablexant tor hem monxeadharmacher maldisamv. Kovitent vidrohachem/bonddayachem ugom zata soyt tednamch.

John Suntikoppacheo kovita eka thoracheo vidrohacheo, punn kedinch avaz (dakovp) korinascheo dekun tachem fudd'lod postok 'Mo'ni Bo'b' mhaka matr noin, kovita mhollear kitem mhollem khoremponnim som'zolleank hem pustok 'khas' zalam. Jivitachea sukti-bhortent, choddnni-poddnnent meter zaun kovitaxetathaun kain temp poys rav'lolo ho atam apli 'Mayag Zalli Kovita' gheun ayla. Kovitechim ekek utram kovitvachem mullavem chintop kosolem mhollem bhov apurbhayen utrayta.

[Kovita] Mayag Zal'leo Kovita [John Suntikoppa]

Mayag Zal'leo Kovita

Kitlexeogi mhojeo kovita

rohosy-moi ritir mayag zaleat?

Teo paxar zal'lea

tea vattamni

kitlexe pauttim' hamvem

bobattun apoil'lem asa?

mhojea ekeka bobek

korttachem notis dhaddlem'!

Barik parjallik kovita mhajeo

tednam' hamv tarnatto

ang-bhor kranti

ghott pangurleli

podam podamni jagruti bhorun

ek pavttim vachlear

porot porot vacunk karchim;

Mayag zal'lea mhojya kovitem-vixim

gamvar gamv gusu-gusu -

bholotkar-gI khun-gI?

khoychorr-yI govai na

mayag zallea mhojya kovitent

hanker bahaduri chintun chintun

dukham golloitam...

Tem kitemy zamv

mhaje bhitorlea kovitenk moronn na!

tyo xeLer zaun mayag zal'letitleo

porot porot udetat...

mhoje bhitor kranti zaun vhalltat

- John Suntikoppa [Aug, 2025]

John Suntikoppa: Kanoddi bhasent opurbhayecheo kovita/kanneo borouncho John DSouza, vrit'ten ek xikxok. Sahiteachem podyut'tor xikap zoddun ascho ho ek bhovo somvedon‌xil toxench bhovo movall/khalto. Punn chintnamni titlochch poripokv. Somajintlea vankddeancher vimorxatmok nodor ghalchem chintap hachea choddtavo borpamni nixeta. 'Moni Bob' (2017) hachea konkonni kovitencho poilo zomo Ashawadi Prakashanan Kanoddi toxench Nagori lipient porgottla.