ಸೊಸ್ಣಿಕಾಯ್ (- ಕ್ಲೈವ್ ಸೋಜ್)

ದೂಕ್ ಮಾತ್ರ್ ಥಾಂಬ್ಲಿ ನಾ..!

ಚೂಕ್ ಪಾವ್ಲಾಂನಿ,

ಸುಕ್ಯಾ ರಾನಾಕ್ ಪಾಯ್ತಾನಾ..!

ಭೊಂವ್ತಿ ವಾಳ್ಚೆಂ ವಾರೆಂಚ್ ತಾಪ್ಲಾಂ,

ಸುರ್ಯಾಕ್ ದುರ್ಸೊನ್ ಫಾಯ್ದೊ ನಾ..!

ರಾತ್ ಜಾಯ್ತ್ ಸಂಸ್ರಾಕ್ ಕೆನ್ನಾ,

ಮೊಳ್ಬಾರ್ ತಿಳೊ ಲಾಯ್ತಾನಾ....!

ದಿವೊ ಪೆಟಾತ್ ಪ್ರಥ್ವೆರ್ ಕೆನ್ನಾ,

ರಾಂದ್ಣಿರ್ ಆದಾನ್ ಚಡ್ತಾನಾ..!

ಪಡ್ತಾಲೊ ಉಜ್ವಾಡ್,

ಮ್ಹಜಾಯ್ ವಾಟೆರ್, ಕಾಜುಲೆ ತರಿ ಉಬ್ತಾನಾ..!

ಪಾಯಾಂಚಾ ಚುಕಿನ್,

ನಿಸ್ರೊನ್ ಪಡ್ಲ್ಯಾರ್,

ಮೆಟಾಕ್ ಶಿಣುನ್ ಕಿತೆಂ ಫಾಯ್ದೊ?

ವಾಂಕ್ಡ್ಯಾ ಚಿಂತ್ನಾಂಕ್,

ಜಿಯೇಂವ್ಕ್ ಸೊಡುನ್,

ಹಾವೆಂ ಮೆಲ್ಯಾರ್ ಕಿತೆಂ ಫಾಯ್ದೊ?

ವೇಳಾಚಾ ಹಾತಾಂತ್,

ಹೊಗ್ಡಾಯಿಲ್ಲಿ, ಚಾವಿ ನಶಿಬಾಚಿ.!

ವಾಟೆರ್ ತೊಪ್ಚಾ,

ಖಿಳ್ಯಾಂ ಮಧೆಂಚ್ ಮೆಳ್ತಾಲಿ.!

ಘಡ್ಯಾಳಾಚ್ಯಾ ಕಾಂಟ್ಯಾಂಚೊ,

ರೋದ್ ಘುಂವ್ತಾನಾ.!

ಪರೀಕ್ಷಾ, ಸೊಸ್ಣಿಕಾಯೆಚಿ

ಸಂಪ್ತಾನಾ.!

- ಕ್ಲೈವ್ ಸೋಜ್. [ಜುಲಾಯ್, 2020]