ತುಜಿ ತುಳಾ (- ಸಿಯಾಲೀನಿ ಫೆರ್ನಾಂಡೀಸ್)

ತುಂ ಮೊರಾ ಪರ್ಸೂಯ್ ಅದೀಕ್ ಸುಂದರ್,

ತುಜಿ ಜಾಯ್ನಾ ಕರೂಂಕ್ ಕೊಣಾಕಡೆನಚ್ ಸರ್

ತುಕಾ ದೊಳೆ ದಿಪ್ಕಾಯ್ ನಾಸ್ತನಾ

ತೊಖೆತ್ ರಾವೂಂಕ್ ಜಾತಾ ಮ್ಹಜ್ಯಾನ್ ರಾತೂಯ್ ಭರ್.

ಕಾಳೀಜ್ ಮ್ಹಜೆಂ ಚೊರ್ಲಾಂ ತುವೆಂ

ಆತಾಂ ಕೊಣ್ ಫಾರೀಕ್ ಕರ್ತಲೊ ತಾಚೆರ್ ಕರ್?

ತುಜಿ ತುಳಾ ಕರೂಂಕ್

ಶಬ್ದ್ ಕಮಿ ಪಡ್ಟಾತ್,

ತುಜೆಚ್ ವಿಚಾರ್ ಮನಾಂತ್ ಮ್ಹಜ್ಯಾ

ದುಮ್ಶೆಣಾ ರೆ ಘಾಲ್ತಾತ್.

ತುಂ ಶಾಂತ್ ತ್ಯಾ ವ್ಹಾಂವೂನ್ ವತ್ಲ್ಯಾ ಝರ್ಯಾ ಭಶೆನ್

ತುಜೆಂ ವ್ಯಕ್ತಿತ್ವ್ ತೆಜಿಶ್ಟ್ ತೆ ಸುರ್ಯಾ ಭಶೆನ್

ತುಜೆ ಭಿತರ್ ಧಿಟಾಯ್ ಆಸಾ,

ತುಜೆ ಭಿತರ್ ಬಳಾಯ್ ಆಸಾ,

ತುಜೆ ಭಿತರ್ ಪರ್ಮೆಶ್ವರಾಚಿ ಸಾಸಾಯ್ ಆಸಾ.

ತುಜಿ ತುಳಾ ಕರೂಂಕ್ ಶಬ್ದ್

ಬರೊವಂಕ್ ಲಾಗ್ಲೆಂ ಜಾಲ್ಯಾರ್

ಪಾನಾಂ ಜಾತ್ಲಿಂ ಸಾಬಾರ್,

ಬರಯ್ತಾಂ - ಬರಯ್ತಾಂ

ಮ್ಹಜ್ಯಾ ಕಲ್ಮಾಂತಲೆಂ

ತೀಂತ್ ಲೆಗೀತ್ ಜಾತ್ಲೆಂ ಕಾಬಾರ್.

- ಸಿಯಾಲಿನಿ ಫೆರ್ನಾಂಡಿಸ್. [ನವೆಂಬ್ರ್, 2020]