ಕವಿತಾकविताPoem

ತುಜಿ ಉಗ್ತಿ ಸಯಾ (- ಪ್ರಕಾಶ್ ದ. ನಾಯ್ಕ್)

[ಕವಿತಾ] ತುಜಿ ಉಗ್ತಿ ಸಯಾ (- ಪ್ರಕಾಶ್ ದ. ನಾಯ್ಕ್)

ಹಾಂಗಾಸರ್ ಏಕ್ ಆಂವಡ್ ಆಸಾ, ಅನಿ ತ್ಯಾ ಆಂವಡಾ ಪಾಟಲ್ಯಾನ್ ಸಪಣಾಂ ಆಸಾತ್. ಕವಿ ಅಪ್ಲಿ ಆಂವಡ್ ಸಾಂಗುನ್ ಗೆಲ್ಲೆಪರಿಂಚ್ ತಾಚ್ಯಾ ಮನಾಂತಲಿ ಸಾಮಜಿಕ್ ಕಾಳ್ಜಿ ತಶೆಂಚ್ ಹುಸ್ಕೊ ನಿಶೆತಾನಾ ಕವಿತಾ ರಸಿಕಾಕ್ ಸಯ್ತ್ ಹ್ಯಾ ಕವಿತೆಚೆರ್ ಅಪ್ಸೊಚ್ ಮೋಗ್ ಉದೆತಾ.

[ಕವಿತಾ] ತುಜಿ ಉಗ್ತಿ ಸಯಾ (- ಪ್ರಕಾಶ್ ದ. ನಾಯ್ಕ್)

ತುಜಿ ಉಗ್ತಿ ಸಯಾ

ಮ್ಹಾಕಾ ತುಜೆಂ

ಉಗ್ತೆಂಪಣ್ ಆವ್ಡಟಾ

ತುಜೆವ್ರೀಚ್

ತೆಂ ನಿರ್ವಸ್ತ್ರ್ ಝಾಡೂಯ್

ಖೂಬ್ಬ್ ಆವ್ಡಟಾ!

ತೆಂ ಉಗ್ತೆಂ

ಕ್ರುಷ್ಣ್ ಧವ್ಲ್ ಹಯ್ನ್ಹಯಶೆಂ

ಕುಪಾಂಚ್ಯಾ ಥಾನಾಂತಲೆಂ

ಮಳಬ್ ಆವ್ಡಟಾ!

ತ್ಯಾ ಉಕ್ತ್ಯಾ ಮಳಾಪೊಂದಚೆಂ

ತೆಂ ಲ್ಹಾರೆವ್ಪಿ

ಮಾಣ್ಕುಲ್ಯಾ ಚೊಂಚಿತಲೆಂ

ಹಳ್ಡುವೆಂ ಶೆಂತ್ ಆವ್ಡಟಾ!

ತಿ ತೆಫಳ್

ಉಗ್ತ್ಯಾ ರಾನಾಂತಲಿ

ಆನಿ ತಿಚೆವ್ಯಲೊ

ಕಾಂಟ್ಯಾಚ್ಯಾ ಆಕಾರಾಂತಲೊ ದೊಂಗರ್ ಆವ್ಡಟಾ!

ತುಂ ಜಾ ತೆಫ್ಳೀಚೆಂ ಝಾಡ್

ಪಾನನ್ ಪಾನ್ ಝಡ್

ಆನಿ ನಿರ್ವಸ್ತ್ರ್ ಜಾವ್ನ್

ನಿಪ್ಚೀತ್ ಪಡ್!

ತುಂ ಜಾ ಮಳ್ಬಾಂತಲೆಂ ಕೂಪ್

ಥಾನ್ ಥಾನ್ ಅಪ್ರುಪ್

ಆನಿ ಪಾವ್ಸ್ ಜಾವ್ನ್

ದಿ ಜಾಪ್!

ತುಂ ಜಾ ಲ್ಹಾರೆವ್ಪಿ ಶೆಂತ್

ಪೊಟ್ರಾಂತಲೆಂ ಭಾತ್

ಕಣ್ಸಾಕ್ ದಿ ಚಂದ್ರಕೊರ್

ಸೈಮಾ ಯೆತ್!

- ಪ್ರಕಾಶ್ ದ. ನಾಯ್ಕ್. [ಎಪ್ರಿಲ್, 2020]