ಕವಿತಾकविताPoem

याद गो तुजी येता........ (- कल्पेश वेरेंकार)

[कविता] याद गो तुजी येता........ (- कल्पेश वेरेंकार)

दर‍्यावेळेर चडताव जावन मनीस अपलो मोग यादीक हाडता व प्रेमीक व्हरून मोगाची उचार्णी कर्ता. हांगासर एक प्रेमी आसा, तो दर‍्यावेळेर सांडून गेल्ल्या मोगाची याद हाडून अपल्या जिविताच्या शेवोटांत वेगळी वाट धर्चें चिंतप दिता.

[कविता] याद गो तुजी येता........ (- कल्पेश वेरेंकार)

याद गो तुजी येता........

बसता हांव दर्यादेगेर जेन्ना

नदरेंमुखार येता तूं

कितलेंय नदरेंआड वेल्यार

दोळ्यांतले म्हजें वचना तूं

अशें कशें जाता हें

अजून म्हाका कळना

म्हाका सोडून जाली वर्सा

पूण तुजेर हो मोग कमी जायना

तुजें ते काजळी दोळे

अजून घालता भुरळ मनांत

तुजे ते लांबचे लांब केंस

दिसतात गेल्या आत्ता तोंडावेल्यान

तुजी ती मोगाची उतरां

ऄकसारखी तोपता म्हज्या काळजान

पूण उतरांक त्या दिवंक आकार

कोणूच ना तुज्या रुपान

कशें नकळत गेलें तूं

हें म्हाका अजून कळना

समजून घेवपाचो यत्न केलो

पूण यत्नाक फळ आयलें ना

आतां काडटा जिवित संवसारांत

अर्थ ना ह्या जिविताक

सोडून दिला सगळें हांवें

तुजेकडेन सासणाचो येवपाक...

- कल्पेश वेरेंकार. [अकटोबर, २०२०]