ಕವಿತಾकविताPoem

म्हजे कवितेची वळ

'Poetry is the clear expression of mixed feelings' म्हळ्ळे सांगणेपरीं देकून कवितेचीं रुपां अनेक, एकेक पावटीं एकेका संसारांत पासायो करंवची श्याथी कवितेची; जेदनां मोळबांत उडटा तर केदनां दवांत भिजता, केदनां पाना-पानांत वाज‌ता तर केदनां तन-मनांत गाज‌ता. हे वेवेगळे संसार कवितेच्या थोड्याच उत्रांनी कवी वरून वर्ताना कवितारसीक खरोच्च जावन कवितेच्या आमालांत भर्ता.

कवी बाब माधव बोर्कर गोंयचो नामणेचो कवी, चिंत्पी तशेंच विशलेषक. ’मळबाचें जनेल’ ताचो आयलेवार पर्गट जाल्लो कविताजमो. चंवर, वोताच्यो सावळ्यो, उज्वाडाचो रूक, पर्जळाचें दार, यमन, अव्यक्ताचीं गाणीं, सिंफनी - हाचे हाच्याधीं पर्गट जाल्ले कविताजमे. ’यमन’ कविताजम्याक केंद्र साहीत अकाडेमिचो पुरसकार हांकां लाभला.

म्हजे कवितेची वळ

बळरींची माळ कशी

संजॆच्या मळबांत उडटा

म्हजे कवितेची वळ

कंवळ्या तणा पात्यापरी

फांतोडेच्या दंवांत भिजता

म्हजे कवितेची वळ

पयल्या पावसाची दडक

पानापानांत वाजता

म्हजे कवितेची वळ

भरते भारावेलो दर्य

तनमनांत गाजता..