Mhoje Kovitechi Voll

Kovi bab madhou borkor gõycho namnnecho kovi, chintpi toxench vixlexok. ’mollobachem zonel’ tacho ailevar porgott zal'lo kovitazomo. Chomvor, votacheo saulleo, ujvaddacho ruk, porzollachem dar, yomon, ovyoktachim gannim, simfoni - hache hacheadhim porgott zal'le kovitazome. ’yomon’ kovitazomeak kendr sahit okaddemicho puroskar hankam labhla.

Mhoje Kovitechi Voll

mhoje kovitechi voll

bollrinchi mall koxi

sonjechea mollbant uddtta

mhoje kovitechi voll

komvllea tonna pateapori

fantoddechea domvant bhijta

mhoje kovitechi voll

poilea pausachi doddok

panapanant vajta

mhoje kovitechi voll

bhorte bharavelo dory

tonmonant gajta..

- Madhou Borkor  [Febrer, 2018]

Madhou Borkor: ek xikxok zaun, toxench akax‌vannicher thoddim vorsam vaur kel'lo kovi bab madhou borkor gõycho namnnecho kovi, chintpi toxench vixlexok. ’mollobachem zonel’ tacho ailevar porgott zal'lo kovitazomo. ’chomvor’, ’votacheo saulleo’, ’ujvaddacho ruk’, ’porzollachem dar’, ’yomon’, ’ovyoktachim gannim’, ’simfoni’ - hache hacheadhim porgott zal'le kovitazome. Sobhar puroskar/inamam hanchea sahiteak labhlam, ’yomon’ kovitazomeak kendr sahit okaddemicho puroskar hankam labhla.