March 1,2024 ver Sam Luvis college hangasor Karnataka Konknni Sahity Akademi, Konknni Lekhokincho ektar, Mongllur ani Konknni Songh Sam. Luis college hanchea zodd asrea khal 'Ontoraxttri-i striyancho divos-2024’ achoronn kelo.
Thondd piuna songim Sam Luvis college videarthinim Rony Crasta, Kelarai virochit konknni dhyey git gailem. Flavia Albuquerque, Puttur hinnem yeukar magon Konknni Lekhokincho Ektar char vorsam poilem prarombh zal'leacho ud'dex prastovik uloupant vivorilem.. Manestinn Basti Shobha Shennoy hiche sovem her mukel soireanim gumott vazaun karyem ugtailem. Toxench Konknni Lekhokincho Ektaracho novo logo ugtaunn kelo. Mukel soireanchea hujir Salomi Mogornadd hichea odhyokxponnokhal Kovigoxtti choloili. Chondrika Malya, Kritika Kamat, Flavia Albuquerque Puttur, Joyce Kinnigolli, Merlin Mascarenhas hannim kovita vachon kelem. Striyanchea disa sondorbhi asa kel'lelea lekhon spordheant jikleleanchi namvam Dr.Ani Dimplan zahir kelem. Spordheak ailelea sumar pant'tis voir lekonam poiki poilem inam': Irene Rebello Kulshekar, dusrem inam' Concepta Fernandes ani tisrem inam': Felcy Lobo Derebail hankam favo zalem.
Kareadhyokx mA|bA|. Melvin J.Pintto hannim “hangasor kouyotrini vachl'lea kovite thaun mhaka preronn mell'llem toxench tumchea kovite ani borpam thaun hor vachpeank preronn labhondi.” oso sondex dilo. Vedir hazor asl'lea sorvank manestinn Mary DSilvan ugddasachi kannik dili. Amchea somajichea talentak vedi dimvchea manestinn. Mary DSilvak Konknni lekhakinchea ektara torfen man kelo. Sonman potr manestinn prita mirandan vachon kelem. Si. Dda. Mable Clara DMello B.S. Hinnem ʼBholaikebhorit somaz rochpant adhunik kallacha striyecho patrʼ hea vixim uloup dilo. Lavi Ganjimatt hicho porichoi dilo.
Manestinn Irene Rebello, Sapna Saldanha ani Flavia Saldanha hannim svo rochit ani vinchnnar podam gailim. Hankam R Manohar Kamath hannim ugddasachi kannik dili. Irene Mendonca hinnem khell manddun haddlo. Vijet zal'leank inamam vanttlim. Bai Flora Castelino hinnem sorvancho upkar attoilo.
Felcy Derebail hinnem vell vibaddinastam bhovo ut'tim' ritin karyem choloilem. Tinxeam voir yuvozonn ani striyo hazar asl'leo. Kafi- follhara oni videarthinchea baila nacha sovem karyem somapt zalem.
