ಕವಿತಾकविताPoem
कोंकणी
च्यार राज्यांनी पांच लिपियांनी वापार जांवची आमची मायभास कोंकणेची सोभाय अनी ग्रेसतकाय समजल्ले केदिंच कोंकणी मायभासेक सांडून गेल्लेनांत वा वेचेय नांत. ह्या कोंकणी भासेची ग्रेसतकाय समजुंकजाय तर, आमी आमच्यो मेरो उत्रोन हेर प्रांत्यांनी, हेर बोलियांनी वापार जांवच्या कोंकणी भासेची ग्रेसतकाय वळकुंक जाय.
मालवाणी प्रांत्यांत जायते कोंकणी लोक तशेंच कोंकणी साहीत रचपी आसात, बाब रुजारियो पिंटो एक नामणेचो कवी, ’दरयादेगेर’, ’मावुली’, ’आमी मालवाणी’ , म्हाजा कोकणा (मालवाणी गाणा), ’आमी मालवाणी’ हाचीं पर्गट जाल्लीं प्रमूक पुसतकां. जायत्या कविगोश्टिंनी हाणें वांटो घेतला.
ही कविता सयत कोंकणी भासेची व्हडवीक उचार्ता, आनी कोंकणी भासेच्या मोगार पडलेल्यांक खरेंच जावन अभिमान भगाशें कर्ता.
कोंकणी
कोंकणांत म्हजो गांव
कोंकणी म्हजी भास
खारी धवी माती
वारयाकयी नुसत्याचो वास
मात्यार लाल आबोली
सोभीत शेवत्याची पाती
केन्नाय सुरंगाचे वळेसार
दिसतात बायलांच्या हातीं
दऱ्यांचो खारो वारो
शीण सगळें वोत
शीतळ गारपाची सावळी
आवयचो मोग दिता
उंच नारळ पोकळीं
वारो मोगान घेल्यात
केळी, काजूव्यो बागो
घनया बरी उलयता
नुसतें मारून रांपणकार
घर आपलें चलयता
सगळो लोक कोंकणी
माये मोगान उलयता
- - रुजारियो पिंटो, मालवाण [अगोसत, २०१७]
रोजारियो पिंटो: मालवाणी प्रांत्यांत जायते कोंकणी लोक तशेंच कोंकणी साहीत रचपी आसात, बाब रुजारियो पिंटो एक नामणेचो कवी, ’दरयादेगेर’, ’मावुली’, ’आमी मालवाणी’, म्हाजा कोकणा (मालवाणी गाणा), ’आमी मालवाणी’ हाचीं पर्गट जाल्लीं प्रमूक पुसतकां. जायत्या कविगोश्टिंनी हाणें वांटो घेतला.
More in Poinnari
ಕವಿತಾकविताPoem Feb 2025
धाळ्यो [डो. झीटा लॊबो]
ಕವಿತಾकविताPoem Oct 2020
केन्नां पुणी उटतेल्यात... (- विल्मा बंटवाळ)
ಕವಿತಾकविताPoem Nov 2016
येका फो०डाचि कता
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.