शिक्षकांच्या दिसाचे आचरण - कोंकणी शिक्षकांची कविगोश्टी

सप्तेंबर ५ तारिकेर ’शिक्षकांचो दीस’ आचरण कर्च्या दिसा, आशावादी प्रकाशनान ’अखील भारतीय मट्टाच्या कोंकणी शिक्षक कविंची कविगोश्टी’ डिजिटल माध्यमाचेर चलयली. गोंय, कर्नाटक, महाराश्ट्र तशेंच केरळाथावन वीस कविंनी ह्या कविगोश्टिंत वांटो घेतलो. वल्ली क्वाड्रसान चलवन वेल्ल्या ह्या कविगोश्टिंत, कोंकणी परिशद कुमटाचो अध्यक्ष बाब अरूण उभयकर हाणीं स्वागत गीत ’जय कोंकणी’ गायतच, दे|बेन्ना रुजाय तशेंच दे|पावल मोरास हांचेपासत एक मुनुटांचें मवन मागणें कर्तच; दो|प्रकाश वज्रीकर (प्राध्यापक) हाणीं सुर्विलीं उत्रां उलवन ’आयच्या काळार शिक्षकांनी डिजिटल माध्यम कशें सत आनी नयतीक दिशेन गळसून बरी समाज मांडून हाडचेदिशेन वावर कर्ची गर्ज’ विश्यांत उलयलो. बाब प्रकाश पडगांवकर हाणीं कविगोश्टिची अखेर्चीं उत्रां उचारलीं.

प्रकाश द. नायक (गोंय), फ्लेविया आलबुकर्क (पुत्तूर), अरूण उभयकर (कुमटा), राजश्री सैल (गोंय), शैलेंद्र मेहता (मुंबय), ग्यानेश्वर कमलाकांत तारी (गोंय), लिनेट डी’सोज (मुंबय), प्रेम मोरास (मंगळूर), वैषणवी प्रितेश रायकर (गोंय), जोन सुंटिकोप्प (कूर्ग), न्यान्सी फेर्नांडीस (दावणगेरे), मनोज हळर्नेकर (गोंय), एलिजा मार्टीस (शंकरपूर), उरबन डी’सोज (बेंगळूर), दो|सुवर्ण गाड (होन्नावर), दो|अरविंद श्यान‌भाग (कुमटा), दो|डिंपल फेर्नांडीस (पुत्तूर), स्मिता शेणय (मंगळूर) हाणीं आपलीं कविता सादर केलीं.

गोंय विश्व‌विध्यालयाच्या कोंकणी विभागाची आधली मुखेसत रिटायर्ड डीन दो|चंद्रलेख डी’सोज, अर्थ प्रकाशनाचीं गवरीश आनी योगिता वर्णेकर, कोच्चीन थावन आर.एस.भासकर, म्यांचेसटर थावन लारेन्स विनोद बारबोज अशें वेवेगळ्या प्रांत्याथावन हाजर आसलीं.

 मटवी वळोक

[khobor] konkonni xikxokanchi kovigoxtti