ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ -’ದಾಯ್ಜ್ ’-ಫಕತ್ತ್ ಕೊಂಕಣಿ ಥಾವ್ನ್, ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ದಾಯ್ಜ್ ವರ್ಸಾಚೊ ಕಾಣ್ಯೆಗಾರ್ - 2008
ದಾಯ್ಜ್.ಕೊಮ್ ಅಂತರ್ಜಾಳಿಚೆರ್ ಪಾಟ್ಲ್ಯಾ ಪಾಂಚ್ ವರ್ಸಾಂನಿ, ಆಮ್ಚ್ಯೆ ತಾಂಕಿಪ್ರಕಾರ್; ಕೊಂಕ್ಣಿ ಸಾಹಿತ್ಯಾಂತ್ ಬರ್ಯಾಂತ್ಲ್ಯಾ ಬರ್ಯಾ ಕಾಣ್ಯೆಗಾರಾಂಕ್, ಕವಿಂಕ್, ವಿಮರ್ಶಕಾಂಕ್, ವಿಶ್ಲೇಶಣ್ಕಾರಾಂಕ್ ಆಮಿ ಉತ್ತೇಜನ್ ದಿಲಾಂ, ಪಾಟಿಂಬೊ ದಿಲಾ. ಹಾಂತುಂ ನವಿಂ ತಶೆಂಚ್ ಪರ್ನಿಂ ಆಸಾತ್. ದೋನ್ ವರ್ಸಾಂಭರ್ ’ಮಯ್ನ್ಯಾಚೊ ಕವಿ’ ಇನಾಮ್ ಆಮಿ ಹರ್ಯೆಕಾ ಮಯ್ನ್ಯಾಂತ್ ಎಕಾ ಕವಿ/ಕವಯತ್ರಿಕ್ ದಿಲಾ. ದೋನ್ ವರ್ಸಾಂ ಥಾವ್ನ್ ’ವರ್ಸಾಚೊ ಕವಿ’ ಇನಾಮ್ ದಿಲಾಂ. ಚ್ಯಾರ್ ವರ್ಸಾಂನಿ ಸರಾಗ್ ರಿತಿನ್ ’ದಾಯ್ಜ್ ಸಾಹಿತಿಕ್ ಸ್ಪರ್ಧೊ’ ಚಲವ್ನ್ ಏಕ್ ಲಾಖಾಂಚ್ಯಾಕೀ ಚಡಿತ್ ಇನಾಮಾಂ ಆಮಿ ಜಿಕ್ಪ್ಯಾಂಕ್ ದಿಲ್ಯಾಂತ್.
ಪುಣ್ ಥೊಡೆಪಾವ್ಟಿಂ ಆಮಿ ಅಪೇಕ್ಶಾ ಕೆಲ್ಲೆಪರಿಂ, ಜೊಕ್ತ್ಯಾ ಮಟ್ಟಾಚಿಂ ಬರ್ಪಾಂ ಯೇನಾತ್ಲ್ಲ್ಯಾ ಸಂದರ್ಭಾರ್ ಫಕತ್ತ್ ದೀಜಯ್ ಮ್ಹಳ್ಳೆಖಾತಿರ್ ಆಮಿ ಇನಾಮ್ ದಿಂವ್ಚೆಂ ಕಿತ್ಯಾಕ್ಗೀ ಖಾಯ್ಸ್ ಕರಿನಾಂವ್. ಹೆಚ್ಚ್ ಸಂಧರ್ಭಾರ್ ಸಭಾರ್ ಅಭಿಮಾನಿ ಬರವ್ಪಿ ಮಿತ್ರಾಂನಿ ದಿಲ್ಲ್ಯಾ ಸುಚನಾಂ ಪ್ರಕಾರ್, ಆಮಿ ’ವರ್ಸಾಚೊ ಕಾಣ್ಯೆಗಾರ್’ ಮ್ಹಳ್ಳೆಂ ಇನಾಮ್, ಜೊಕ್ತ್ಯಾ ಬರವ್ಪ್ಯಾಕ್ ದೀಂವ್ಕ್ ಸುರ್ವಾತ್ ಕೆಲ್ಲಿ. 2007 ಇಸ್ವೆಂತ್ ಹೆಂ ಇನಾಮ್ ಫಾಮಾದ್ ಕೊಂಕ್ಣಿ ಕಾಣ್ಯೆಗಾರ್ ಜಾವ್ನಾಸ್ಚ್ಯಾ ಕ್ಲೆರೆನ್ಸ್ ಕೈಕಂಬಕ್ ಫಾವೊ ಜಾಲೆಂ ತರ್, 2008 ಇಸ್ವೆಂತ್ ಹೆಂ ಇನಾಮ್ ಕೊಣಾಕ್ ಫಾವೊ?
ಎದೊಳ್ಚ್ ಸಭಾರ್ ಬರವ್ಪಿ ಮಿತ್ರಾಂನಿ ದಿಲ್ಲ್ಯಾ ಸುಚನಾಂಕ್ ಪಾಳುನ್, ಆಮಿ ತೆಗಾಂಕ್ ವಿಂಚ್ಲಾ, ಹ್ಯಾ ತೆಗಾಂ ಪಯ್ಕಿಂತ್ ಜೊಕ್ತ್ಯಾ ಕಾಣ್ಯೆಗಾರಾಚಿ ವಿಂಚವ್ಣ್ ವೆಗಿಂಚ್ ಆಮಿ ಪರ್ಗಟ್ ಕರ್ತೆಲ್ಯಾಂವ್.
- ಸಂ.
ದಾಯ್ಜ್ ವರ್ಸಾಚೊ ಕಾಣ್ಯೆಗಾರ್ 2007
About us | Feedback | Contact us
Copyright ©
2005 DAAIZ.COM All rights reserved.
Page concept, designed, hosted and maintained by Ashawadi Publications