ಕೊಂಕ್ಣೆಚಾ ವಿಂಚ್ಣಾರ್ ಸಾಹಿತ್ಯಾಚೊ ಕೊನ್ಸೊ - ’ದಾಯ್ಜ್’ - ಫಕತ್ತ್ ಕೊಂಕಣಿ ಥಾವ್ನ್ ಕೊಂಕಣಿ ಪರ್ಯಾಂತ್, ಕೊಂಕಣಿ ಖಾತಿರ್.
ಡಾರ್ವಿನ್ ತುವೆಂ ಹ್ಯಾ ಸಂಸಾರಾಕ್ ಫಾವೊ ಕೆಲ್ಲ್ಯಾ ವಿಗ್ಯಾನಿನ್ ಸಂಸಾರಾಕ್ ಕಳಿತ್ ಕೆಲೆಂ ಮನಿಸ್ ಮಾಂಕ್ಡಾ ಥಾವ್ನ್ ಉದೆಲ್ಲೊ ಮ್ಹಣ್. ಪುಣ್ ಮಾಂಕೊಡ್ ಉಲಯ್ನಾಂತ್, ಆವಾಜ್ ಕರ್ತಾತ್. ಉಡ್ತಾತ್, ಖೆಳ್ತಾತ್, ರಾಗಾರ್ ಜಾತಾತ್. ಚಿಂಪಾಂಜಿ ಉಲಯಿಲ್ಲೆಂ ಸರ್ವ್ ಸಮ್ಜಾವ್ನ್ ಆಮಿಂ ಸಾಂಗ್ಲ್ಲೆಪರಿಂ ಕರ್ತಾ. ತಾಕಾಯ್ ಜೀಬ್ ಆಸಾ, ಜಿಬೆಕ್ ಲಾಸೆಂ ಆಸಾ ತೆಂ ಕಳಿತ್ ನಾ. ತಾಕಾ ರೂಚ್ ಕಳ್ತಾ. ಏಕ್ ಮಾತ್ರ್ ತಿ ಜಾತ್ ಕರುಂಕ್ ಸಕಾನಾ ತೆಂ ಜಾವ್ನಾಸಾ ಉಲವ್ಣೆಂ.
ಹೆಂ ಚಿಂತುಂಕ್ ಬಸ್ಲ್ಯಾರ್ ಮ್ಹಾಕಾ ಸವಾಲಾಂ ಮುಕಾರ್ ಯೆತಾತ್ - ತುಜಿ ಭಾಸ್ ಖಂಚಿ? ತುವೆಂ ಮನ್ಶಾಕುಳಾಕ್ ಭಾಸ್ ದಿಲ್ಲೊ ರಾಯ್ ತುಂ ತುವೆಂ ಉಲಯಿಲ್ಲಿ ಆನಿ ಉಲಂವ್ಚಿ ಭಾಸ್ ಖಂಯ್ಚಿ ಸಾಯ್ಭಾ?
ಸತಾಂತ್ಲಿಂ ವಿಚಿತ್ರಾಂ - 3. ಭಾಸ್
ಜೆಮ್ಮಾ ಪಡೀಲ್
ದೆವಾ ತುವೆಂ ತುಜ್ಯಾ ಅಪರಿಮಿತ್ ಮೊಗಾನ್ ಹೊ ಸಂಸಾರ್ ರಚ್ಲೊಯ್. ತುವೆಂ ಹ್ಯಾ ಸಂಸಾರಾಚೆರ್ ರಾಜ್ ಕರುಂಕ್, ಆದಾಂವ್ ಬಾಪಾಕ್ ರಚ್ಲೆಂಯ್. ತುವೆಂ ತಾಕಾ ಸಾಂಗಾತ್ ದೀಂವ್ಕ್ ಎವೆಕ್ ರಚ್ಲೆಂಯ್. ಏವ್ ಆಯಿಲ್ಲ್ಯಾ ನಂತರ್ ಸರ್ವ್ ತಿರ್ಸಾಲೆಂ.
ಸರ್ವ್ ತಿರ್ಸಾಲೆಂ?
ನಾಂತರ್ ಹ್ಯಾ ಸಂಸಾರಾಂತ್ ಕಿತೆಂ ಪೂರಾ ಘಡ್ತಾ ಸೊಮಿಯಾಂ? ಮ್ಹಾಕಾ ಕಿತೆಂಯ್ ಚಿಂತುಂಕ್ ಜಾಯ್ನಾಂ. ಪಿಕ್ಲೆಲ್ಯಾ ಕೆಸಾಂ ಮಧೆಂ ಮ್ಹಜೊ ಮೆಂದು ಮ್ಹಾತಾರೊ ಜಾಲಾ. ದೆಕುನ್, ಜಾವ್ಯೆತ್ ಕಿತೆಂಚ್ಚ್ ಚಿಂತ್ಚಿ ಸಕತ್ ಸರ್ವ್ ಮಾಯಾಗ್ ಜಾಲ್ಯಾ. ಹೆಂ ಸತ್ ದೆವಾ. ದೆಕುನ್ ತುಜ್ಯೆಲಾಗಿಂ ಹಿ ಏಕ್ ವಿನತಿ ಕರ್ಚಿ, ತುವೆಂ ಮಾತ್ರ್ ಮ್ಹಜ್ಯಾ ಅಸ್ಕತ್ ಮತಿಕ್ ಉಜ್ವಾಡ್ ದಿವ್ಯೆತ್.
ತುವೆಂ ಆದಾಂವ್ ಎವೆಕ್ ರಚ್ಲ್ಲ್ಯಾ ನಂತರ್ ಖಂಯ್ಚ್ಯಾ ಭಾಸೆನ್ ಉಲಯ್ಲೊಯ್ ಸೊಮಿಯಾಂ? ಆದಾಂವ್ ಎವ್ ಮನ್ಶಾಕುಳಾಚಿ ಪಯ್ಲಿ ಪ್ರಜಾ ತರ್, ತುವೆಂ ತಾಂಚ್ಯಾಲಾಗಿಂ ’ಹೆಂ ಕರಿನಾಕಾ, ತೆಂ ಆಪಡ್ನಾಕಾ, ತಶೆಂ ಕೆಲ್ಯಾರ್ ಬರೆಂ ಅಶೆಂ ಕೆಲ್ಯಾರ್ ಪಾಡ್...’ ಇತ್ಯಾದಿ ಬರೆಂ ಉತಾರ್, ಸಮ್ಜಣಿ, ಉಜ್ವಾಡ್ ಕಸೊ ದಿಲೊಯ್? ತುಜಿ ಭಾಸ್ ಖಂಯ್ಚಿ ಸೊಮಿಯಾಂ?
ಮ್ಹಾಕಾ ತುಂ ಕಳಿತ್ ಕರ್ಶಿ?
ತುಕಾ ಹಾವೆಂ ಹ್ಯಾ ಆಧಿಂ ಹೆಂ ಸವಾಲ್ ಕರುಂಕ್ನಾ ಮ್ಹಣೊನ್ ತುಕಾ ಪರತ್ ಸವಾಲ್ ಕರುಂಕ್ ಹಾಂವ್ ತಯಾರ್ ಆಸ್ಚೊಂನಾ. ಕಿತ್ಯಾಕ್ ಮ್ಹಳ್ಯಾರ್ ಹ್ಯಾ ತುಜ್ಯಾ ಸಂಸಾರಾಂತ್ ಮುಖ್ಯ ಜಾವ್ನ್ ಭಾರತಾಂತ್ ಭಾಸೆವಯ್ರ್ ಜಾಂವ್ಚಿ ರಂಬಾರಟ್ಟಿ ಪಳೆವ್ನ್ ಹೆಂ ಸವಾಲ್ ಹಾಂವ್ ತುಕಾ ಕರುಂಕ್ ಪಾವ್ಲೊಂ.
ಡಾರ್ವಿನ್ ತುವೆಂ ಹ್ಯಾ ಸಂಸಾರಾಕ್ ಫಾವೊ ಕೆಲ್ಲ್ಯಾ ವಿಗ್ಯಾನಿನ್ ಸಂಸಾರಾಕ್ ದಾಖಯ್ಲೊ ಮನಿಸ್ ಮಾಂಕ್ಡಾ ಥಾವ್ನ್ ಉದೆಲ್ಲೊ ಮ್ಹಣ್. ಪುಣ್ ಮಾಂಕೊಡ್ ಉಲಯ್ನಾಂತ್, ಆವಾಜ್ ಕರ್ತಾತ್. ಉಡ್ತಾತ್, ಖೆಳ್ತಾತ್, ರಾಗಾರ್ ಜಾತಾತ್. ಚಿಂಪಾಂಜಿ ಉಲಯಿಲ್ಲೆಂ ಸರ್ವ್ ಸಮ್ಜಾವ್ನ್ ಆಮಿಂ ಸಾಂಗ್ಲ್ಲೆಪರಿಂ ಕರ್ತಾ. ತಾಕಾಯ್ ಜೀಬ್ ಆಸಾ, ಜಿಬೆಕ್ ಲಾಸೆಂ ಆಸಾ ತೆಂ ಕಳಿತ್ ನಾ. ತಾಕಾ ರೂಚ್ ಕಳ್ತಾ. ಏಕ್ ಮಾತ್ರ್ ತಿ ಜಾತ್ ಕರುಂಕ್ ಸಕಾನಾ ತೆಂ ಜಾವ್ನಾಸಾ ಉಲವ್ಣೆಂ.
ತುವೆಂ ಮನ್ಶಾಂಕ್ ಮಾತ್ರ್ ಉಲಂವ್ಚೆಂ ದೆಣೆಂ ದಿಲಾಂಯ್. ಚಿಂತುನ್ ಉಲಂವ್ಕ್ ತುವೆಂ ಮ್ಹಾಕಾ ತುಜ್ಯಾ ಉಂಚ್ಲ್ಯಾ ಮನ್ಶಾಂಕ್ ಮನ್ಶಾಕುಳಾಕ್ ಮಾತ್ರ್ ದಿಲಾಂಯ್.
ಹೆಂ ಚಿಂತುಂಕ್ ಬಸ್ಲ್ಯಾರ್ ಮ್ಹಾಕಾ ಸವಾಲಾಂ ಮುಕಾರ್ ಯೆತಾತ್ - ತುಜಿ ಭಾಸ್
ಖಂಚಿ? ತುವೆಂ ಮನ್ಶಾಕುಳಾಕ್ ಭಾಸ್ ದಿಲ್ಲೊ ರಾಯ್ ತುಂ ತುವೆಂ ಉಲಯಿಲ್ಲಿ ಆನಿ ಉಲಂವ್ಚಿ ಭಾಸ್ ಖಂಯ್ಚಿ ಸಾಯ್ಭಾ?
ತುಂ ಚಿಂತುಂಕ್ ಪುರೊ ಮ್ಹಾಕಾ ಕಿತೆಂ ಜಾಲಾಂ ಮ್ಹಣ್. ಹ್ಯಾ ತುಜ್ಯಾ ಸಂಸಾರಾಂತ್ ಭಾಸೆವಯ್ರ್ ಜಾಂವ್ಚಿ ಚರ್ಚಾ ಆನಿ ಉಲವ್ಣೆಂ ಪಳೆವ್ನ್ ಹೆಂ ಸವಾಳ್ ತುಕಾ ಕರ್ಚೆಂ - ತುಜಿ ಭಾಸ್ ಖಂಯ್ಚಿ? ಹಾಂವ್ ಭಾರತೀಯ್ ಭಾಸೆವಿಶ್ಯಾಂತ್ ಚಿಂತಾನಾ ತುಕಾ ವಿಚಾರ್ಚೆಂ ಸವಾಲ್ ಹೆಂ ತುಕಾ ಸರ್ವ್ ಕಳಿತ್ ಆಸಾ, ತುಂ ಸರ್ವ್ ಉಲಂವ್ಕ್ ಸಕ್ತಾಯ್, ತುಕಾ ಸರ್ವ್ ಭಾಸೊ ಕಳಿತ್ ಆಸಾತ್. ತುವೆಂ ಖಂಯ್ಚ್ಯಾ ಭಾಸೆಂತ್ ಆದಾಂವ್ ಬಾಪಾಲಾಗಿಂ ಉಲಯ್ಲೊಯ್?
ಹ್ಯಾ ಮ್ಹಜಾ ಭಾರತಾಂತ್ ಕಿತೆಂ ಸಾಂಗೊಂ ದೆವಾ? ಭಾಸೆವಯ್ರ್ ಆವಾಜ್, ಗಲಾಟೊ, ಉಪಾದ್ರ್. ಲೋಕ್ ಭಾಸೆವಯ್ರ್ ಪಿಸೊ ಜಾಲಾ. ದೆವಾನ್ ಭಾಸ್ ಮ್ಹನ್ಶಾಕ್ ಎಕಾ ಉಲವ್ಣ್ಯಾರುಪಾರ್ ದೆಣೆಂ ದಿಲ್ಲೆಂ ತೆಂ ಆತಾಂ ಭಾರಿಕ್ ಪಡ್ಲಾಂ. ತಮ್ಳಾಂಕ್ ಹಿಂದಿಚೆಂ ನಾಂವ್ ಕಾಡ್ತಾನಾ ರಾಗ್ ಯೆತಾ, ಪರ್ಕಿ ಭಾಸ್ ಮ್ಹಣ್ತಾನಾ ಇಂಗ್ಲಿಶ್ ಭಾಸ್ ಪರ್ಕಿ ಪಿಂರ್ಗ್ಯಾಂನಿ ಸುರು ಕೆಲ್ಲಿ ಪೊಸ್ಟ್ ಆಫೀಸ್, ರೈಲಾಚಿ ಚಲವಣ್, ಚಲಾವಣೆಕ್ ಏಕ್ ನಾಣೆಂ ಯಾ ಕರೆನ್ಸಿ ಸೊಭಿತ್ ದಿಸ್ಚೆಂ ಪೇಂಟ್, ಶರ್ಟ್, ಕೋಟ್, ಟಾಯ್ ಗುಡ್ ಮೊರ್ನಿಂಗ್ ಯಾ ಗುಡ್ ನೈಟ್ ಹೆಂ ಸರ್ವ್ ಕಿತ್ಯಾಕ್ ಪಸಂದ್ ಕರ್ತಾತ್? ಯಾ ರೂಡಿರ್ ಆಸಾ ತೆಂ ಕಳಾನಾ. ಮುಖ್ಯಾ ಜಾವ್ನ್ ಪಿಂರ್ಗಿ ಭಾಸೆವಯ್ರ್ ರಾಗಾರ್ ಜಾಂವ್ಚೆ ಫುಡಾರಿ ತಾಂಚ್ಯಾ ಬುರ್ಗ್ಯಾಂಕ್ ಭಾಯ್ಲ್ಯಾ ದೆಶಾಕ್
ಶಿಕೊಂಕ್ ಧಾಡ್ತಾತ್. ಹೊ ಕಸಲೊ ನಾಟಕ್? ಫಾಲ್ಯಾಂ ತುವೆಂ ಆದಾಂವ್ ಬಾಪಾಗಡೆ ಇಂಗ್ಲಿಶಾಂತ್ ಉಲಯ್ಲೊಂ ಮ್ಹಣ್ ಸಾಂಗ್ಲ್ಯಾರ್ ಮ್ಹಾಕಾ ದಿಸ್ತಾ ತುಕಾಯ್ ನೆಗಾರ್ ಕರುಂಕ್ ಪಾಟಿಂ ಸರ್ಚೊ ಲೋಕ್ ಹೊ ನ್ಹಯ್!. ತಸಲ್ಯಾ ಹ್ಯಾ ಪರಿಗತೆಂತ್ ಹಾವೆಂ ತುಕಾ ಉಲೊ ಮಾರ್ಚೆಂ ಚೂಕ್ ಮ್ಹಣ್ತಾಯ್ಗಿ ತುಂ?
ಮನ್ಶಾನ್ ಸುರ್ವೆರ್ ಹಾತಾಭಾಶೆನ್ ಸಂಕೇತ್ ದಿಲೊ. ಉಪ್ರಾಂತ್ ಸಂಕೇತ್ ಆವಾಜಾನ್ ಬದಾಲ್ಲೊ. ಆವಾಜಾ ಉಪ್ರಾಂತ್ ಉದೆಲಿಂ ಉತ್ರಾಂ, ಎಕೆಕಾ ಉತ್ರಾಂ ಉಪ್ರಾಂತ್ ಉದೆಲಿ ಭಾಸ್!
ಇತ್ಲೆಂ ಸರ್ವ್ ಜಾಣಾಂ ಆಸೊನ್ಯಿ ಹ್ಯಾ ತುಜ್ಯಾ ಲೊಕಾಕ್ ಜಾಲಾಂ ತರ್ಯ್ ಕಿತೆಂ?
ಸರ್ವ್ ಭಾಸೊ ದೆವಾ ಹಾಂವ್ ಸಾಂಗ್ತಾಂ ತುಜೆ ಥಾವ್ನ್ ಉದೆಲ್ಲ್ಯೊ? ತುವೆಂ ಜನಮ್ ದಿಲ್ಲ್ಯಾ ಭಾಸೆಂತ್ ಕಸಲೆಂ ವೀಕ್ ಆಸಾ ದೆವಾ? ತುಂ ಹ್ಯಾ ಸಂಸಾರಾಂತ್ ಭಾಸೆವಯ್ರ್ ಜಾಂವ್ಚಿಂ ಕಸ್ತಳಾಂ, ಬೆಶ್ಟಾವ್ಣಿ ಆನಿ ಮಾರ್ಫಾರ್ ಕಸೆಂ ಸೊಸುನ್ ವರ್ತಾಯ್. ತುಕಾ ಆಸ್ಚ್ಯಾ ಸೊಸ್ಣಿಕಾಯೆಚೊ ಏಕ್ ಲ್ಹಾನ್
ಶಿರ್ ಆಮ್ಚ್ಯಾ ಲೊಕಾಚೆರ್ ಕಿತ್ಯಾಕ್ ನಾಂ?
ಭಾಸ್ ಜಾಂವ್ದಿ ಮೊಗಾಚೆಂ ನ್ಹಯ್ ರಾಗಾಚೆಂ ಹಾತೆರ್. ಎಕಾಮೆಕಾ ಸಮ್ಜೊಂಕ್ ವಳ್ಕೊಂಕ್ ಆನಿ ಅರ್ಥ್ ಕರ್ಚೆಂ ದೆವಾನ್ ದಿಲ್ಲೆಂ ಹಾತೆರ್. ಸರ್ವ್ ಭಾಸೊ ಆಮ್ಕಾಂ ಜೇಂವ್ಕ್ ದೀನಾಂತ್. ಭಾಸ್ ಆಮಿ ಉಲಂವ್ಚಿ, ಭಾಸ್ ಆಮಿ ವಾಪರ್ಲ್ಯಾರ್ ತಿ ವಿಕಾಸ್ ಜಾತಾ. ತಸೆಂ ವಿಕಾಸ್ ಜಾಲ್ಲಿ ಭಾಸ್ ಸರ್ವ್ ವಾಪಾರ್ತಾತಾನಾ ತಾಕಾ ಸರ್ವಾಂ ಥಾವ್ನ್ ಮಾನ್ಯತಾ ಮೆಳ್ತಾ.
ಹ್ಯಾ ಕಂಪ್ಯೂಟರ್ ಯುಗಾಂತ್ ಫಿಂರ್ಗಿ ಭಾಸ್ ವಾಪಾರ್ಲ್ಯಾರ್ ಮಾತ್ರ್ ತುಜೊ ಸಂಸಾರ್ ಅರ್ಥ್ ಕರುಂಕ್ ಸಲೀಸ್ ಜಾತಾ.ಪಿಂರ್ಗಿ ಭಾಸ್
ವೆವ್ಹಾರಾಚಿ ಭಾಸ್ ಜಾಲ್ಲಿ ಇಂಗ್ಲಿಶ್ ಭಾಸೆಚಿ ಚೂಕ್ ನ್ಹಯ್!
ದುಸ್ರ್ಯಾ ಭಾಸೆಕ್ ಹಲ್ಕ್ ಕರ್ಚೆಂ ಕಾಮ್ ಕರ್ಚೆಂ ನಾಕಾ. ಕೊಣಾಕ್ ಕೊಂಕ್ಣಿ ಜಾಯ್ - ತೆ ಉಲಂವ್ದಿ. ಕೊಣಾಕ್ ಇಂಗ್ಲಿಶ್ ಜಾಯ್ ಇಂಗ್ಲಿಶ್ ಬರಂವ್ದಿ. ಜೇಂವ್ಕ್ ದಿಂವ್ಚಿ ಭಾಸ್ ಆಮಿ ಗಳ್ಸಿಲ್ಯಾರ್ ಆಮಿ
ಮಾಯ್ಭಾಸೆ ವಿರೋಧಿ ಜಾಯ್ನಾಂವ್.
ಘರಾಂತ್ಯೀ ಮಾಸಾಂತ್ ಮಾಸ್ಳೆಂತ್, ರಾಂದ್ವಯೆಂತ್ ಯಾ ಮೀಟ್ ಮಿರ್ಸಾಂಗೆಂತ್ ಜೆಂವ್ಚಿಂ ಮನ್ಶಾ ಮನ್ಶಾಚೆರ್ ಹೊಂದ್ವೊನ್ ಆಸಾ.
ದೆವಾ ಮ್ಹಾಕಾ ಬರವ್ನ್ ಪುರೊ ಜಾಲೆಂ. ತುವೆಂ ದುಸ್ರಿ ಕಾಂಯ್ ವಾಟ್ ಧಾಖಯ್ಲ್ಯಾರ್ ಬರೆಂ ಆಸ್ಲ್ಲೆಂ. ತುಂ
ಸರ್ವ್ ಜಾಣಾರ್, ತುಕಾ ಹಾವೆಂ ಚಿಂತ್ಚೆಂ ಆನಿ ಬರಂವ್ಕ್ ಆಸ್ಚೆಂ ಸರ್ವ್ ಕಳಿತ್ ಆಸಾ. ದೆಖುನ್ ಮ್ಹಣ್ಚೆಂ ಸರ್ವ್ ತುಕಾ ಸೊಡ್ತಾಂ.
ತುಕಾ ದೇವ್ ಬರೆಂ ಕರುಂ.
ಆಧ್ಲೆ ಆಂಕ್ಡೆ: ಸಂವಾದ್, ಆಂಕ್ಡೊ 1, 2
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
