’ಚಲ್ ದೊನ್ ಚಂದ್ರಾಂಕ್’ ಪುಸ್ತಕಾಚೆರ್ ಸಮೀಕ್ಷಾ (- ಡೊ. ಚಂದ್ರಲೇಖ ಡಿಸೊಜ್, ಗೊಂಯ್)
’ಚಲ್ ದೊನ್ ಚಂದ್ರಾಂಕ್’ ಪುಸ್ತಕಾಂತ್ ಲೆ. ವಲ್ಲಿ ಕ್ವಾಡ್ರಸ್, ಎಡ್ವಿನ್ ಜೆ. ಎಫ್. ಡಿಸೊಜಾ ಆನಿ ವಲ್ಲಿ ವಗ್ಗ ಹಾಂಚ್ಯಾ ಮೊಟ್ವ್ಯಾ ಕಥೆಂಚೆರ್ ತುಲನಾತ್ಮಕ್ ಅಧ್ಯಯನ್ ಕರಪಾಚೊ ಯತ್ನ್ ಕರ್ತಾನಾ ದೊನ್ಹೂಯ್ ಲೆಖಕಾಂಚ್ಯೊ ಚಾರ್-ಚಾರ್ ಕಾಣ್ಯೊ ಘೆತಲ್ಯಾತ್. ತಾತೂಂತ್:
ಮಾಂಡಾವಳ್: [ಕಾಣಿ ಮಾಂಡೂನ್ ಹಾಡ್ಲ್ಲಿ ರೀತ್]
ನಿರೂಪಣ್/ಗುಣಲಕ್ಷಣ್: [ಕಾಣಿಯೆಚೆಂ ಗುಣಲಕ್ಷಣ್ ಆನಿ ಉತ್ರಾವಳ್]
ಕಥಾವಸ್ತು ಆನಿ ಬಾಂದಾವಳ್ [ಕಾಣಿಯೆಕ್ ಘೆತ್ಲೆಲಿ ಕಥಾವಸ್ತು ಆನಿ ತಿ ಪ್ರಸ್ತುತ್ ಕೆಲ್ಲಿ ರೀತ್]
ಕಥಾನಕ್ ಆನಿ ದೃಷ್ಟಿಕೊಣ್: [ಕಾಣಿಯೆಚೊ ತಾಳ್ [ಗಾಭೊ] ಆನಿ ಕಾಣಿಯೆಗಾರಾಚೊ ದೃಷ್ಟಿಕೊಣ್]
ಸಂಘರ್ಷ್/ವಿವಾದ್: [ಕಾಣಿಯೆಂತ್ ಪಿಂತ್ರಾಯಲ್ಲಿ ಭಾವ್ ಸಂಕೀರ್ಣ್ ಘಡಿ ವಾ ಹಂತೊ] {ಅವಸ್ಥೊ}
ಸಂಪ್ಣಿ: [ಅಖೆರ್ ಕೆಲ್ಲಿ ರೀತ್]
ಮುಳವೊ ವಿಷಯ್: [ಕಾಣಿಯೆಚೊ ಪ್ರಮುಖ್ ವಿಷಯ್, ಲಿಸಾಂವ್ ವಾ ಸಂದೆಶ್]
ಶೈಲಿ: [ವರ್ಣಾತ್ಮಕ್, ಭಾಸ್, ಅಲಂಕಾರ್, ಉಪಮಾ, ರೂಪಕಾಂ] [ಪಾನ್ ೬ ಚೆರೆರ್ ಆಸಾ ತಶೆಂಚ್ ಬರಯ್ಲಾಂ]
ಸಮಾನತಾಯ್:
ದೊನ್ಹೂಯ್ ಲೆಖಕ್ ಸಾಮಾಜಿಕ್ ಜೀವನ್ ಚಿತಾರ್ತಾತ್.
ವಿಭಿನ್ನತಾಯ್ ಆನಿ ವೈವಿಧ್ಯ್.
ಆಶಯ್ ಅನುರೂಪ್ ವಿವಿಧತಾಯ್.
ಸಂಘರ್ಷ್ ಆನಿ ಜೀವನ್ ದೊನ್ಹೂಯ್ ಲೆಖಕಾಂ ಕಡೆನ್ ಆಸಾತ್. ಎಡ್ವಿನ್ ಡಿಸೊಜಾ ವಲ್ಲಿ ವಗ್ಗ
ಫರಕ್:
ಶಾರೀಕರಣ್ ಆನಿ ಆಧುನಿಕ್ ಜೀಣ್ ಅನುಭವ್ - ಗ್ರಾಮೀಣ್ ಶೊಷೀತ್ ಗುರಯಾವ್ ನಾಸ್ತಾನಾ ಖ್ಯಾಸ್ತ್
Class; ಕ್ಲಾಸ್ ಅಭಿಜಾತ್ ವರ್ಗ್ - Mass; ಮಾಸ್ ಸಾಮಾನ್ಯ್ ಲೊಕ್
ಅಭಿಜಾತ್ಯ್ ಶೈಲಿ ಉತರಾವಳ್ ಪೂಣ್ ಅಭಿಜಾತ್ಯ್ - ಸಾಮಾನ್ಯ್ ಶೈಲಿ ಲೊಕಾಕ್ ಸಂರ್ಪಕೀತ್
ಪಾತ್ರ್ ಆನಿ ಸನ್ನಿವೆಶ್ ಸಾಹಿತ್ಯೀಕ್ ಅಭಿರುಚಿ - ಪಾತ್ರ್ ಆನಿ ಸನ್ನಿವೆಶ್ ಸಾಮಾನ್ಯ್ ಖವತಾ ಭೊಗಿಲ್ಲೊ ಯಥಾರ್ಥ್
ಸಾಹಿತ್ಯೀಕ್ ಅಭಿರುಚಿ ಸಾಮಾನ್ಯ್ ಸ್ವತಾ ಭೊಗಿಲ್ಲೊ ಯಥಾರ್ಥ್ ಸಾಹಿತ್ಯೀಕ್ ಥರಾರ್ ಸಾಮಾನ್ಯ್ ಥರಾರ್
ಸಾಹಿತ್ಯೀಕ್ ಥರಾರ್ ಚಡ್ ಪ್ರಸ್ತುತ್ - ಸಾಮಾನ್ಯ್ ಥರಾರ್ ಪ್ರಸ್ತುತ್
ಪರಿಸರ್ ಆಧುನಿಕ್ - ಗಾಂವಗಿರೊ ವಾಠಾರ್
ಆಧುನಿಕತಾಯೆಚೆ ಮಾನಸೀಕ್ ತಾಣ್ ತಣಾವ್ - ಭಾವಾರ್ಥಿ ಆಪಲೊ ಖುರೀಸ್ ಉಬಾರಪಿ ಧಾರ್ಮಿಕ್ ಚಿತವ್
ಸಾಂಕೆತೀಕ್ ರೂಪಕಾಂಚೊ ವಾಪರ್ ಕರ್ತಾತ್.
ಮೊಟ್ಯಾ ಕಣಿಯಾಂಚೆರ್ ದೊನ್ಹೂಯ್ ಕಾಣಿಯೆಗಾರ್ ಆಪ್ ಆಪಲ್ಯಾ ಚಿಂತನ್ ಅನುರೂಪ್ ಆಪಲೊ ಆಶಯ್ ವ್ಯಕ್ತ್ ಕರ್ತಾತ್. ತುಲನಾತ್ಮಕಾಚೆಚಿ ಪರಿಭಾಷಾ ಅಂತರ್ಗತ್ ವಿಚಾರ್ ಕೆಲ್ಯಾರ್;
Comparative literature examines literary works across cultures, languages and time periods. It analyses connections between different traditions, exploring themes, genres and influences to gain a broader understanding of global literature [Fiveable2024].
The term 'Comparative Literature' is a troublesome term to be defined.
This term has been broadly defined as a study of 'literature without borders'. It's a unique discipline implies transcending frontiers of single languages and national literature. [KNSAC]
ದೊನ್ಹೂಯ್ ಪರಿಭಾಷೆಚ್ಯಾ ವಿಚಾರಾಯಪ್ರಮಾಣ್ ತುಲನಾ ಸಂಸ್ಕೃತೀ, ಭಾಷಾ ಆನಿ ಸಮಯ್ ಹಾಂಚೆ ಅಧ್ಯಯನ್ ಕರ್ತಾ. ಹಾತೂಂತ್ ಪರಂಪರಾ, ಥೀಮ್ಸ್, ಸಾಹಿತ್ಯೀಕ್ ವಿಧಾ, ಪ್ರಭಾವ್ ಹಾಂಚೆ ವಿಶ್ಲೆಷಣ್ ವಿಸ್ತೃತ್ ಸಂದರ್ಭಾಂತ್ ಕರಪಾಚೊ ಯತ್ನ್ ಆಸ್ತಾ.
ಭಾರ್, ದೆಶ್, ರಾಷ್ಟ್ರ್ ಹಾಂಚ್ಯಾ ಪಲೀಕಡೆನ್ ವಚೂನ್ ಆಂತರರಾಷ್ಟ್ರೀಯ್ ರೂಪಾಂತ್ ತಶೆಂಚ್ ಎಕ್ ಸಾಹಿತ್ಯಾಂತಲೆ ಪರಸ್ಪರ್ ಸಂಬಂಧ್ ಆನಿ ಕಲಾ ಮ್ಹಟಲ್ಯಾರ್ ಚಿತ್ರ್, ಶಿಲಾ, ವಾಸ್ತುರಚನಾ, ಸಂಗೀತ್ ವಾಂಗಡಾ ತುಲನಾ ಆಸ್ತಾತ್. ಇತಲೆಂಚ್ ನ್ಹಯ್ ತತ್ವಜ್ಞಾನ್ ಇತಿಹಾಸ್, ವಿಜ್ಞಾನ್, ಧರ್ಮ್ ಹಾಂಚೆ ವಿಷಯಾಂಚೆಂ ಅಧ್ಯಯನ್ ಪೂಣ್ ಆಸ್ತಾತ್.
ತಶೆಂಚ್ ರಾಷ್ಟ್ರ್ ಆನಿ ವಿಶ್ವ್ ಪೂಣ್ ತಾಂತೂಂತ್ ಆಸಪಾವತಾತ್. ಇತಲೆಂಚ್ ನ್ಹಯ್ ತುಲನಾತ್ಮಕ್ ಅಧ್ಯಯನ್ ಮ್ಹಣ್ಯಾರ್ ಭಾರ್, ದೆಶ್, ಆನಿ ಸಂಸ್ಕೃತೀಚೆಂ ಪೂಣ್ ಅತಿಕ್ರಮಣ್ ಕರೂನ್ ಎಕ್ ವಿಸ್ತೃತ್ ದೃಷ್ಟಿಕೊಣ್ ದಿತಾ. ಚಿಂತನಾಚೆಂ ಕ್ಷಿತೀಜ್ ವಿಶ್ಲೆಷೀತ್ ಕರಪಾಕ್ ಆಧಾರ್ ದಿತಾ.
ತುಲನಾ ತಿರಸ್ಕಾರಣೀಯ್ ಹೆ ವಿಚಾರ್ ಸತ್ಯ್ ಆಸಾ ಕಾಯ್ ಕಿತೆಂ ?
ಹೊ ಪ್ರಶ್ನ್ ಜೆನ್ನಾ ಉಪರಾಸ್ತಾ ತೆನ್ನಾ ಲಕ್ಷಾಂತ್ ಯೆತಾ ಕಿ ಸರ್ವ್ ತುಲನಾ ನಿರಸ್ಕರಣೀಯ್ ನಾರಸತಾ.
ಉಪಮಾ ಕಾಲಿದಾಸಸ್ಯ್ ಭಾರವೆರರ್ಥಗೌರವಮ್ |
ದಣ್ಡೀಣ್ ಪದಲಾಲಿತ್ಯ್ ಮಾಘೆ ಸನ್ತಿ ತ್ರಯೊಗುಣಾಃ |
ಅರ್ಥ್: ಮಹಾಕವಿ ಕಾಲಿದಾಸ್ ಹಾಂಚಿ ಉಪಮಾ ಅದ್ವಿತೀಯ್ ಆಸ್ತಾ. ಉಪಮಾ ಭಿತರ್ ಸಮಾನತಾ/ತುಲನಾ ಖಾತೀರ್ ತೆಂ ಪ್ರಸಿದ್ಧ್ ಜಾತಾಂ ತರ್ ಕವಿ ಭಾರವಿ ಅರ್ಥ್ ಗೌರವ್ ಖಾತೀರ್, ದಣ್ಡೀಣ್, ಪದಲಾಲಿತ್ಯ್ ಖಾತೀರ್ ತಥಾ ಕವಿ ಮಾಘ್ “ಶಿಶುಪಾಲವಧ್” ರಚನಾ ಅಂತರ್ಗತ್ ಉಪಮಾ, ಅರ್ಥಗೌರವ್ ಆನಿ ಪದಲಾಲಿತ್ಯ್ ತಿನ್ಯೂ ಗುಣಾಂನಿ ಸಂಪನ್ನ್ ಆಸ್ತಾತ್.
ಶ್ರೆಷ್ಠ್ ಆನಿ ಕನಿಷ್ಠಾಂಚ್ಯೊ ಉತರಂಡ್ ಖಂಯಚ್ಯಾಯ್ ಸಮಾಜಾತ್ ಆಸ್ತಾತ್. ಸಮೃತೀ, ವೆದ್ ಪುರಾಣಾಂ ಭಿತರ್ ತಾಚೆಂ ಚಿಂತನ್ ಅಸ್ತುಕೆಕ್ ದೃಷ್ಟಾಂತಿ ದೃಷ್ಟ್ ಮಾನಲ್ಯಾಂ. ಜಾತೀ-ವರ್ಣ್ ವ್ಯವಸ್ಥಾಂ ಚಿಂತನಾಕ್ ಲಾಗೂನ್ ತುಲನಾಚೊ ತಿರಸ್ಕಾರ್ ಜಾವಪ್ ಸ್ವಾಭಾವೀಕ್ ಆಸಾ, ಪೂಣ್ ಎಕ್ ಗಜಾಲ್ ಲಕ್ಷಾಂತ್ ಧರೂಕ್ ಜಾಯ್ ತಿ ಮ್ಹಳ್ಯಾರ್ ತುಲನಾ ಅಧ್ಯಯನ್ ಶ್ರೆಷ್ಠಾಂಚ್ಯಾ ವಾ ಕನಿಷ್ಠಾಂಚ್ಯಾ ಖಾತೀರ್ ಜಾಯನಾ ಪೂಣ್ ಹ್ಯಾ ಅಧ್ಯಯನಾಂತ್ ತರ್ ಸಮಾನತಾಯ್ ಆನಿ ಫರಕ್ ಹಾಂಚೆ ಅಧ್ಯಯನ್ ಆಸಪಾವತಾತ್. ಕಂಯ್ ಬಾಬೀಂತ್ ಸಾಮ್ಯ್ ಆನಿ ಫರಕ್ ದೊನ್ಹೂಯ್ ಎಕ್ ವೆದೆನ್ ತಾಂಕಾ ಸಮಾನ್/ಸಾರ್ಕೆಂ ಸಮ್ಜಪ್ ಆನಿ ದುಸರಿ ಕಡೆನ್ ವ್ಯವಸ್ಥೆಕ್ ವಾ ವಾಂಗಡೆ ಪಳೊವಪ್ ಅಶಿ ಹಿ ದೊನ್ಹಿ ಪ್ರಕ್ರಿಯಾ ಆಸ್ತಾತ್ ತಾವೆಂಚ್ ತುಲನಾ ಮ್ಹಣತಾತ್. ಗಣಿತಿ ಭಾಷೆಂತ್ “ತ್ರಿಭಾಜನ್ ನಿಯಮ್” ನಾಂವಾಂನ್ ವಳಖತಾತ್. ಸಾಮ್ಯ್ ಆನಿ ಭೆದ್ ಹಾಂಚೆಂ ಪೂಣ್ ಎಕ್ ದ್ವಂದ್ವಂದ್ ಆಸ್ತಾತ್, ತಾಂತೂಂತ್ ಪೂಣ್ ಸಮಾನ್ ದಿಸೂನ್ ಪೂಣ್ ತೆ ಸಮಾನ್ ಆಸನಾ ತಶೆಂಚ್ ಜೆಂ ಭೆದ್ ದಿಸತಾತ್ ತಾಂತೂಂತ್ ಪೂಣ್ ಸಾಮ್ಯ್ ಶೊಧಪ್ ಅಶಿ ಹಿ ಪ್ರಕ್ರಿಯಾ ಆಸ್ತಾತ್. [ಮಿತ್ಶೆಲ್, ೩೨೧]
ತುಲನಾಕಾರ್ ವಲ್ಲಿ ಕ್ವಾಡ್ರಸ್ ಜರೀಯ್ ಎಕ್ ಲಿಪೀಚೆ [ಕನ್ನಡ್ ಲಿಪಿ ಕೊಂಕಣೀ] ಉದಾಹರಣ್ ಘೆತಾ ತರೀಯ್ ತೆಂ ದೊನ್ ಲೆಖಕಾಂ ಭಿತರ್ ಸಾಮ್ಯ್ ಆನಿ ಭೆದ್ ಹಾಂಚೆಂ ವಿಚಾರ್ ಕರ್ತಾನಾ ಸಾಮ್ಯಾಂತ್ ಭೆದ್ ಆನಿ ಭೆದಾಂತ್, ಸಾಮ್ಯ್ ಆನಿ ಫರಕ್ ಶೊಧತಾನಾ ಆಪಲೆಂ ವಿಚಾರ್ ಮಾಂಡತಾತ್. ಹಾಂಗಾ ಎಕೂಚ್ [ಕೊಂಕಣೀ] ಆಸಾ ಪೂಣ್ ಲಿಪಿ ಭಿನ್ನ್ ಆಶಿಲ್ಲ್ಯಾ ಕಾರಣಾನ್ ತುಲನಾಚೆ ಅಧ್ಯಯನ್ ಶಿಮ್, ಮೆರ್, ಸಮಾಜ್, ಸಂಸ್ಕೃತೀ, ದೆಶ್, ಭಾರೊ ಹ್ಯಾ ಸಂದರ್ಭಾಂತ್ ಮರ್ಯಾದೀತ್ ಜಾತಾಚ್. ಪೂಣ್ ಕೊಂಕಣಿ ಭಾಷೆಚ್ಯೊ ಲಿಪ್ಯೊ ನಾಗರೀ, ಕನ್ನಡ್, ರೊಮೀ, ಮಲ್ಯಾಳಮ್, ಪರ್ಶಿಯೊ ಅರೆಬಿಕ್ ಹ್ಯಾ ಸಂದರ್ಭಾಂತ್ ಹೆ ಅಧ್ಯಯನ್ ಲಿಪೀಚೆಂ ಜೆಂ ಭೆದ್ ಆಸಾ ತಾಚೆಂ ಅತಿಕ್ರಮಣ್ ಕರಪಾಕ್ ಸಕ್ಷಮ್ ಜಾತಾ ಹೆ ನಾಕಾರೂಕ್ ಜಾವಚೆಂ ನಾ. ಆಮಚ್ಯಾ ದೆಶಾಂತ್ ಬಹುಭಾಷಿಕತಾಯ್ ಆಸಾ ಮ್ಹೂಣ್ ಆಮಕಾ ಜಾಯ್ತ್ಯೊ ಭಾಸೊ ಯೆತಾತ್ ತಾಂಚೆಂ ವಿಶೀಂಯ್ ಆಮಿ ಅಧ್ಯಯನ್ ಕರೂಂಕ್ ಪಾವತಾತ್ ಪೂಣ್ ಕೊಂಕಣಿ ಭಾಷೆ ಖಾತೀರ್ ಲಿಪಿ ಮರ್ಯಾದೀತ್ ಹೊ ಎಕ್ ಆಗಳೊ-ವೆಗಳೊ ಭೆದ್ ತಯಾರ್ ಜಾತಾ ಮ್ಹೂಣ್ ಆಮಚೆಂ ಖಾತೀರ್ ಹೆ ತುಲನಾತ್ಮಕಾಚೆ ಮರ್ಯಾದೀತ್ ಅಧ್ಯಯನ್ ಮಹತ್ವಪೂಣ್ ಧರ್ತಾ. ಎಡ್ವಿನ್ ಡಿಸೊಜಾ ಹಾಂಚ್ಯೊ ಹ್ಯಾ ಚಾರ್ಯಿ ಮೊಟ್ವ್ಯೊ ಕಾಣ್ಯೊ;
೧. ಬಣ್ಣಕಡ್ಡಿ - Crayons - ರಂಗೀತ್ ಖಡೂ ವಾ ಲಾಪ್ಸ್.
೨. ಮೆತೀಕ್ ಎಕ್ ಪಾಟೊ/ಮೂಳ್ ಇಂಗ್ಲಿಶ್ A Collar for Moti
೩. ಕಾಗ್ದಾಚಿ ಸ್ತ್ರೀ
೪. ಎಕ್ ಕಪ್ ಹುನೊನಿ ಕೊಪಿ
ವಲ್ಲಿ ವಗ್ಗ ಹಾಂಚ್ಯೊಂ
೧. ರಾನ್ವಟಿ (ಮೂಳ್ ಕನ್ನಡ: ಕಾಡಾಡಿ)
೨. ಖಾಂದಿ ಖುರಿಸ್
೩. ತಾಂಬ್ಡೆಂ ತಳೆಂ
೪. ಹಾಂವ್ ಭೈರಾ ಆನಿ ಪಮೆಲಾ
ನಾಗರಿ ಲಿಪಿ ಜಾಣಕಾರಾಂನಿ ಹ್ಯೊ ಕಾಣ್ಯೊ ವಾಂಚೂಕಚ್ ನಾ [ಹಾದೂಚ್ ತಾಂತೂಂತಚ್ ಆಸ್ಪವ್ತಾತ್.] ಕಾರಣ್ ಆಮ್ಕಾಂ ಕನ್ನಡ ಲಿಪಿ ವಾಚುಂಕ್/ಬರಂವ್ಕ್ ಕಳಿತ್ ನಾ. ಹಿ ಆಯ್ಚಿ ಖರಿ ವಾಸ್ತವಿಕತಾಯ್! ಆಮ್ಚೆಂ ಪ್ರಾದೆಶೀಕ್ ಸಾಂಕವ್ಚ್ ಆಮಿ ಮೊಡೂನ್/ಜಾಳೂನ್ ಉಡಯಲಾತ್ ಮ್ಹೂಣ್ ಆಮ್ಕಾಂ ಡ್ರೊನ್ ಅಧ್ಯಯನ್ ಹವಾಯಿ ಹವಾಯಿ ಸರ್ವೆಕ್ಷಣ್ ವಿಹಂಗಾವಲೊಕಲ್ ಕಶಿ ಮೆಳಟಲೆಂ?
ಆಮ್ಚೆಂ ಕೊಂಕಣಿ ಸಾಹಿತ್ಯೀಕ್ ಅಧ್ಯಯನೂಚ್ ಮರ್ಯಾದೀತ್ ಮಾಗೀರ್ ತುಲನಾಚೊ ಪ್ರಶ್ನೂಚ್ ಖಂಯ್ ಯೆತಾ? ಹಾಂಕಾ ಲಾಗೂನ್ ಹೆಂ ಪುಸ್ತಕ್ ಜೆಂ ಫಕತ್ ೫೨ ಪಾನಾಂಚೆಂಚ್ ಆಸಾ ಎಕ್ ಮುಳಾವಿ ಸುರ್ವಾತ್ ಪೂಣ್ ಹ್ಯಾ ಸಂದರ್ಭಾನ್ ಖೂಬ್ ಮಹತ್ವಪೂಣ್ ಧರ್ತಾ. ಜರ್ ಗೊಂಯ್ ಕೊಂಕಣಿ ಭಾಷೆ ಖಾತೀರ್ “ಕುಳಾಗರ್” ತರ್ ಹ್ಯಾ ಕುಳಾಗರಾಂತ್ ಆಮಿ ಆಮ್ಚ್ಯಾ ಕೊಂಕಣಿ ಮಾಯೆಂಚ್ಯಾ ಹ್ಯಾ ಸಾಹಿತ್ಯೀಕ್ ವಟವೃಕ್ಷಾಕ್, ತಾಂಚ್ಯೊ ಖಾಂದ್ಯೊ, ಪಾನಾ, ಮುಳಾಂ ಹಾಂಕೊ ಕುಳಾಗರಚಿ ಮಾಯೆಂಚಿ ಶಿಂಪಣಾವಳ್ ಕಿತ್ಯಾಕ್ ಕರಿನಾತ್? ಆಮ್ಚ್ಯಾ ಸಾಂಕವಾಂಕ್ ಮಾಯೆಂಚೆಂ, ಸಮಾಜಿಕೀಚೆಂ, ಎಕ್ಕಾರಾಚೆಂ ಸಂಜೀವನ್ ಕಿತ್ಯಾಕ್ ದಿತಾ? ಕುಳಾಗರ್ ಸಗಳ್ಯಾ ಸಸ್ಯಾಂಚೊ ಆಸ್ಪಾವ್ ಕರ್ಪಾಕ್ ಸಕ್ಷಮ್ ನಾ?
’ಚಲ್ ದೊನ್ ಚಂದ್ರಾಂಕ್’ ಪುಸ್ತಕಾಂತ್ ವಲ್ಲಿ ಕ್ವಾಡ್ರಸ್ ಆಪಲೆಂ ವಿಶ್ಲೆಷಣ್ ದಿತಾನಾ ಆಪಲೆಂ ನಿರೀಕ್ಷಣ್ ತುಲನೆಚ್ಯಾ ಸ್ವರೂಪಾಂತ್ ಆಮಚ್ಯಾ ಮುಖಾರ್ ಮಾಂಡಟಾ ಆನಿ ದೊನ್ಹೂಯ್ ಕಾಣಿಯೆಯೆಗಾರ್ ಆಪ್-ಆಪಲ್ಯಾ ಕ್ಷೆತ್ರಾಂತ್ ಕಶೆಂ ವೆಗಳೆಂ ಆಸಾತ್, ತಾಂಚ್ಯಾ ವಿಚಾರಾಂಚಿ ತಾಂಕ್, ತಾಂಚ್ಯಾ ಕ್ಷೆತ್ರಾಂತಲೆ ಸಮಾಜ್, ಸಂಸ್ಕೃತೀ, ಪಾತ್ರ್, ಕಾಣಿಯೆಚೆಂ ವಿಶ್ವ್ ಅಂತರ್ಗತ್ “ದೊಗಯಿ ಕೊಂಕಣಚೆಂ ದಿಗ್ಗಜ್/ಮಾನ್ಯ್ ಕಾಣಿಯೆಯೆಗಾರ್. ಎಕಲೊ ಪಡ್ಲಾ ದಿಶೆಚೆಂ ಚಿಂತವ್ ಹಾಡಲೊ ತರ್ ದುಸರೊ ಮುಡ್ಲಾ ದಿಶೆಚೆಂ ಚಿಂತವ್”. [ಪಾನ್ ೪೦] ತಾಂಚ್ಯಾ ಭಿತರಲೆ ಸಮಾನ್ ಆನಿ ಫರಕ್ ತಶೆಂಚ್ ತ್ಯಾ ಫರಕಾಂಕ್ ಲಾಗೂನ್ ದೊನ್ಹೂಯ್ ಆಪ್-ಆಪಲ್ಯಾ ಸಾಮಾಜಿಕ್ ಸಂದರ್ಭಾಂತ್ ಎಕ್ ಕಾಣಿಯೆಯೆಗಾರ್ ಅಭಿಜಾತ್ಯ್ ಸಮಾಜಾಂತ್ ಆಧುನಿಕ್ ಶಾರಾಂಚೆಂ ಚಿಂತನ್ ದಿತಾ, ತರ್ ದುಸರೊ ಸಾಮಾನ್ಯ್ ವರ್ಗ್, ಸಾಮಾನ್ಯ್ ಜನ್ ತಾಂಚಿ ವಿಟಂಬಣಾಯ್ ಚಿತ್ರಾಯ್ತಾ. ಸಮಾಜ್ ಆಸಾ ಪೂಣ್ ಸಾಮಾಜಿಕ್ ಚಿಂತನ್ ವೆಗಳ್ಯಾ ಸ್ಥರಾಚೆಂ ಆಸಾ. ಸಾಂಕೆತೀಕ್ ಚಿಂತನ್ ಆಶಯ್ ಗಾಭ್ಯಾ ಅನುರೂಪ್ ದೊನ್ಹೂಯ್ ಚಂದ್ರಾಂಚೆಂಚ್ ಆಸಾ ಪೂಣ್ ತಾಂಚಿ “ಸಾಹಿತ್ಯೀಕ್ ಕಳಾ” ತಾಂಕೊ ವೆಗಳೊಯತಾತ್. ಸಾಮ್ಯ್ ಭಿತರಾಂ ಭೆದ್, ಭೆದಾಂ ಭಿತರ್ ಸಾಮ್ಯ್ ತಾಂತೂಂತಲೆ ಫರಕ್ ಆನಿ ತ್ಯಾ ಫರಕಾಂಕ್ ಲಾಗೂನ್ ಎಕ್ ದ್ವಂದ್ವಂದ್ ತಯಾರ್ ಜಾತಾ ತಾಂತೂಂತಲ್ಯಾನ್ ಪರತ್ ಸಾಮ್ಯ್ ಶೊಧಪ್ ಅಶಿ ಹಿ ದುಹೆರಿ ಪ್ರಕ್ರಿಯಾ ಆಸಾ.
ನಿಮಾಣೆಂ ವಲ್ಲಿ ಕ್ವಾಡ್ರಸ್ ಹಾಂಚ್ಯಾ ಚಿಂತನಾತಲ್ಯಾನಚ್ ಫುಡಲಿ ವಾಟ್ ನಿರ್ಮಾಣ್ ಜಾವಪಾ ಖಾತೀರ್ ತಾಂಚೀಚ್ ಉತರಾಂ ವಾಪರ್ತಾ;
"ಕೊಂಕಣಿ ಭಾಷೀಕ್ ಲೊಕ್ ಆಸಾ, ತೊ ಸಾಹಿತ್ಯ್ ಬರಯತಾ, ವಾಚತಾ ಪೂಣ್ ಎಕ್ ಊಣ್ ಅಜೂನ್ ಆಸಚೊ ಮ್ಹಳ್ಯಾರ್ ಆಮಿ ವೆಗವೆಗಳೆ ದ್ವೀಪ್/ಕುದ್ರೊ [Islands] ಜಾವ್ನ್ ಆಸಾಂವ್. ಆಮ್ಚೆ ಮಧೆಂ ಲಿಪಿ ಬೊಲೀಂಚೆ ಪಾಗೊರ್ ಆಸಾತ್ ತೆ ಆಮ್ಕಾಂ ತಿತ್ಲೆ ಸಲೀಸಾಯೆನ್ ಎಕಾಮೆಕಾಂ ಘಡಸೂಂಕ್ ಮದತ್ ಕರಿನಾ, ಪೂಣ್ ಆತಾ ತಾಂತ್ರೀಕ್ ಸವತೆಕ್ ವ್ಹಾಪರ್ನ್ ಜಶೆಂ ಬುಲ್ಡೊಜರ್ ಗುಂಡ್ಯಾಂಕ್ ಮಾರ್ನ್ ರಸ್ತೊ ಕರ್ತಾ ತಶೆಂ ಆಮಿ ಸಾಂಕವ್ ಬಾಂದ್ಚಿ ಗರ್ಜ್ ಆಸಾ. ಭಾಷಾಂತರಾಪರಿಚ್, ಲಿಪ್ಯಂತರಾಚೊ ಸಾಂಕವ್, ಬೊಲಿಯಾಂತರಾಚೊ ಸಾಂಕವ್.” [ಪ್ರಸ್ತಾವನ್: ಪಾನ್ ೫]
ಚಂದ್ರಲೇಖ - 9823268550
Fiveable: https://fiveable me
KNSAC: https://kngac.ac.in
ಸಂಧರ್ಭವಳ್:
Mitchell W.J.T. World Literature Today. Vol 70
No.2 [Spring, 1996] pp.321 -324 - 4 pages
Published by: Board of the Regents of the University of Okhlahoma - American Indian Law - Review
