Jes Fernandes Hanchi Konknni Adheatmik Kovita (- Pooja Sangodkar)
Konknni adheatmik kovitechea mollar kovi jes fornanddis hanchem mhotvachem yogdan asa. Pamyvatt, kirvontt, moteam ani paklleo doxnnicheo, roton bauli hea kovita songrohantlean toxench ‘vontt mhojem kristak gaitat’ hea mohakaveantlean kovi jes fornanddis hamnnim konknni adheatmik kovitecho mollo fuloilo.
Odheatm' mhollear fokot dhormachi xikounn nhoi. Odheatm' dhormachea poltoddi vochun atmo ani pormatmeachea nateacher ujvadd ghalta. Kovi jes fornanddis hamnni hem natem vollkholam. Tanchea jinnechea konna-konnant bhoril'lea devachem ostitv, tancho deva velo mog hancho dixttavo tanchea zaitea kovitamni pollounk melltta. Dekhik ‘tuji saulli’ he kovitent kovi mhonntta
tuzo mog korunk
somindor kalliz mhojem
tuzo niall korunk
ontrall mon mhojem
anik mhojea atmea rupan
asa ti saiba
tujich saulli
Devachi bhokti korunk magnnem, puza, namzop, rozar hanche pelean vochun ekam'mekam khatir maya, mog, dus-yank bhogsupachi bud'd monxam bhitor asop gorjechi hachi xikounn tanchea kovitamni melltta. Dekhik din-dublleank adar korpachi tank kovi ‘umalle’ kovitent deva kodden magta.
Deva! mhoji ek vhoddli xal kor
ani futtpairer nhidotleank
faddun ti pangrunk di
deva! mhoji krixnnachi murli kor
gorva-rakhnneank di
ranam-vonant bhomvtona mon rizoum di
Somvsarant bhoutik sukha fattlean dhamvtona monis svarth apnnait bhavarthiponn, monisoponn xennoit chol'la. Vojranchea lokhlokhit ujvaddak bhulun devachea ojromvor mogachem mol monxak somzolem na hi khont ‘kiromvtt’ kovita songrohantlea ‘ojromvor’ kovitent dixtti poddtta.
Aiz somazant deva dhormachea namvan svotacho svarth sadoupi ek prourit'ti vaddot asa. Deva-dhormachea namvan monxam-monxam bhitor zhogddim-zhuzam pettoun svotacho svarth sadoup zata. Aplea om' xanti, dhorm', rong adi kovitantlean kovi hea odhrmi prourit'ticher ujvadd ghalta.
Suvartha khatir hangam vhamvtat nhomyo rogtacheo
podvechea rotta khatir gollttat tokleo bhoktancheo
Dhormanamvan ghuspott ghaltamv
monisozat zalea rantti
dus-yagele kondde foddtamv
apleagelea pottasatti
Khoro dhorm' kitem hem kovi ‘dhorm'’ he kovitent pottoun dita.
Dhorma namvan odhrm' porgottopi
dhorm' guru nakat
aplea xobdanchi ninda korpi
mhajnoi nakat
Mhojea devak monxachea kallzant
ek devaro zai
monxachea monant monisoponn zai
Odheatm' hem dhormachem vistarit rup. Tatunt dhormachea xikounni sanganta monisoponnachea xikounnicho sangodd asta ho tanchea kovitecho sar. Devo hem ek nirgunn totv jem deva-yant, altarant nhoi tor monxachea kallzant asta hacho sakxatkar kovi aplea kovitamni ghoddoita.
Jezu kristacho mog toxench kristachi xikounn tanchea kovitamni melltta. ‘anik ek pettoi vat’ hea kovitent kovi vachpeank khursak mennvatichi vat pettoitonach aplea jinnentuy kortoveachi vat pettouchi ho sondex ditat.
Kortoveacho khuris
ordea vatteroch dourum naka
jivak jivo divpi za
jivo gheupi zavum naka
Jezu kristan khor koxttan, yatna soxit khuris aplea khandar ghetlo. Hatuntlean aplem kortouy kortona kitley koxtt somspacho jezu kristan dil'lo sondex kovi kolpokotayen aplea kovitentlean dita. ‘gõy suttke uprantochi konknni kovita’ hea sonxodhonoptrant ddo.Nondkumar kamot oxem mhonnttat. Jes fornanddis hanchea kovitamni mogachi xikounn divpi kristi dhorm' totvancho kolpok probhavo dixtti poddtta. Tanchea kovitamni khuris protikatmok toren yeta.
Bapuy tuzo ovtar
tea koxttoutlea kristacho
auy mogachem lhar
ovtar devache matecho
‘vontt mhoje kristak gaitat’ hem mohakauy tamnnim rochlam. Hea mohakaveantlean jezu kristachea purai jivitachi vollokh ghoddoilea. Hatunt jezu kristachea zolmachi suvat, belexar, jeoki ani ena, jezucho zolm', maria mamychem bhurgemponn oxeo jezu kristachea jinnentleo sogleo ghoddnnuko stounachea rupan guthomleat.
Tanchea kovitamni pormatmeak zannun gheun tea pormatmeatuch somrponn korpachi bhauna pollounk melltta. Pormatmeachem nirakar rup polloun tachea svorupant bhorsun vochpacho haves te dhortat. Pormatmeachem hem nirakar rup jesbabak soimachea ghottkamni dixtti poddtta. Dongor, dorea, fantodd, surea hatunt tankam deutv sampddotta. Dekhik vrindaun kovitent kovik soimachea sundrotayentuch vrindaunacho onnbhou melltta ani soimachea mogantuch ixvori prit fulta.
Kovik devachi sasai polloupacho dheas. Devachi sasai kovi vegvegllea gozalimni sodta....Khorxeta. Punn nimanne kodden devachi sasai taka svotachea kallzant sampddotta.
Magir sureak vinonti
korpa khatir hamven
mhoje donuy hat zoddle
sureach mhojea sorvangat bhitor sorlo
ani mhaka mhojea monachea
mondirant gheun gelo
ani dakhoili thoim chokmokit
vornnan kori nozo tosle
ujvaddachi sasai
Devacho dheas, sod dheupachea hea provasant kovik atmosakxatkar ghoddtta. Svota bhitor axil'lea othang xoktichi, atmeachi taka vollokh ghoddtta. Ho amcho atmo mhollearuch pormatma ho bodh tanchea kovitamni ghoddtta. Oso atm' sakxatkar ghoddil'lo atmo zonnent ayil'lea khoincheach sonkxttak bhina hem tanchea ‘asor’ kovitent sundor toren chitrailam.
Monisoponnacho khun kortolea
nirzon bhogbhogit zhuza mollar
keleo mhojea jinnecheo tislean-tisleo
khillailo zaite pautti mhaka
opmanachea khilleamni
onupokarachea khursak ani
vhamvoilim mhoji povitr
tambddea rongachi gonga
Punn ekkuy pautti mhaka
mornn ailem na
hem kalliz mhojem
mhojea jiva sogot
sormaponn kelam
hea jivitachea pursak
ten'na sakuch
toch jieta mhojeant
protyek khinnachea khinnak
ghoddye tim moddam atam
nirxeleant zaumyeta, karonn
tanchea protyekacho mhojer
kosloch porinnam' zalo na
Jesbabachea kovitamni sokaratmokta, mog, monisoponn, korunna, soim', xanti, atmosakxatkar hanchea rupan odheatm' fulta.
Sondrbhoulleri
1 fernanddis,Jes, pamyvatt, mannik prokaxon, amonnem, kepem-Gõy,1994
2 fernanddis,Jes, kiromvtt, mannik prokaxon, amonnem, kepem-Gõy,
3 fernanddis,Jes, roton bauli, mannik prokaxon, amonnem, kepem-Gõy,2017
4 fernanddis,Jes, vontt mhoje kristak gaitat, mannik prokaxon, amonnem, kepem-Gõy,2022
5 fernanddis,Jes, monteam ani paklleo doxnnicheo, mannik prokaxon, amonnem, kepem-Gõy,2024
