ವಸಯಾಂತ್

ವಸಯಾಂತ್ ದಬಾಜಿಕ್ ಮೊಂತಿ ಸಾಯ್ಭಿಣೆಚೆಂ ಫೆಸ್ತ್

ವಸಯ್ ಕೊಂಕಣಿ ವೆಲ್ಫೇರ್ ಎಸೋಸಿಯೇಶನಾಚ್ಯಾ ಬೊಂದೆರಾಖಾಲ್ ಮೊಂತಿಫೆಸ್ತಾಚೆಂ ಆಚರಣ್ ಹ್ಯಾಚ್ ಸಪ್ತೆಂಬರ್ ಇಕ್ರಾ ತಾರಿಕೆರ್ ದಭಾಜಿಕ್ ರೀತಿನ್ ಜಾಲೆಂ. ಮಾಣಿಕ್‌ಪುರ್ ಖುರ್ಸಾಕಡೆ ಥಾವ್ನ್ ವಸಯ್ಚ್ಯಾ ರಾಜ್ ರಸ್ತ್ಯಾರ್ "ಬಾಳೊಕ್ ಮರಿಯೆಚಿ" ಇಮಾಜ್ ಘೆವ್ನ್ ಕೊಂಕ್ಣಿ ಗಾಯನಾಂನಿ, ಮರಿಯೆಕ್ ಜೈಕಾರಾಚೆ ಉಲೆ ಮ್ಹಣೊನ್, ಫುಲಾಂಚ್ಯೊ ದಾಲಿಯೊ, ರಾಂದ್ವಯೆಚಿಂ ಫಳಾಂ, ಕಣ್ಶಿ, ಕೊಬು ಘೆವ್ನ್ ಭಕ್ತಿಪಣಾನ್ ಲೋಕ್ ಚಮ್ಕಾಲೊ.

[ತಸ್ವೀರ್‍ಯೊ ವ್ಹಡ್ ಕರುಂಕ್, ತಸ್ವೀರೆಂಚೆರ್ ಕ್ಲಿಕ್ ಕರಾ]

"ಸಕ್ಕಡ್ ಸಾಂಗಾತಾ ಮೆಳ್ಯಾಂ" ಗೀತಾ ಗೊನ್ಸಾಲೊ ಗಾರ್ಸಿಯಾ ಇಗರ್ಜೆಚ್ಯಾ ಗ್ರೊಟ್ಟ್ಯಾಲಾಗಿಂ ಜಮ್ಲೊ. ಕೊಂಕ್ಣಿ ನೊವೆನಾ ಉಪ್ರಾಂತ್ "ಮರಿಯೆಕ್ ಹೊಗೊಳ್ಸಿಯಾಂ" ಗಿತಾಸವೆಂ ಭುರ್ಗ್ಯಾಂನಿ ಬಾಳೊಕ್ ಮರಿಯೆಚೆರ್ ಫುಲಾಂಚೊ ಶಿಂವರ್ ವೊತ್ಲೊ. ಕೊಂಕ್ಣಿ ಮಿಸಾ ಉಪ್ರಾಂತ್ ಸಗ್ಳ್ಯಾ ಲೋಕಾಕ್ ದಾಧೋಶಿ ಸನ್ನಾ ರೋಸ್ ವಾಂಟ್ಲೊ. ಆನಿ ಬಾದಾಮ್ ಪಿಸ್ತಾ ಘಾಲ್ಲ್ಯಾ ಅಪುಟ್ ದುದಾಂತ್ ನವೆಂ ದಿಲೆಂ. ಇಗರ್ಜೆಚ್ಯಾ ಹೊಲಾಂತ್ ಕೊಂಕ್ಣಿ ಸಾಂಸ್ಕೃತಿ ಕಾರ್ಯವಳ್ ಆಯೋಜಿತ್ ಕೆಲ್ಲಿ. ಮಂಗ್ಳುರ್ ದಿಯೆಸಿಜಿಚ್ಯಾ ತೋಕುರ್ ಫಿರ್ಗಜೆಚೆ ವಿಗಾರ್ ಬಾಪ್ ರಿಚ್ಚರ್ಡ್ ಲಸ್ರಾದೊ ಕಾರ್ಯಾಕ್ ಮುಕೆಲ್ ಸಯ್ರೆ ಜಾವ್ನಾಸ್‌ಲ್ಲೆ. ವಿಗಾರ್ ಜೆರಾಲ್ ಬಾಪ್ ನಜ್ರೆತ್ ಗಬ್ರು, ಬಾಪ್ ಲುವಿಸ್ ಫೆರ್ನಾಂಡಿಸ್, ಬಾಪ್ ಫ್ರಾನ್ಸಿಸ್ ದಾಬ್ರೆ, ಬಾಪ್ ಪ್ರಶಾಂತ್ ಸಲ್ಡಾನ್ಹಾ, ಬಾಪ್ ಜೋನ್ ಆನಿ ದಿಯಾಕೊನ್ ಅಸ್ಸಿಸಿ ಕಾರ್ಯಾಕ್ ಹಾಜರ್ ಜಾಲ್ಲೆ.

ಕೆನ್ನಿಚಿಂ ಪದಾಂ ಆನಿ ಫೆಲಿಕ್ಸ್ ಮಾಲ್ವಾಣಿಚ್ಯಾ ಪಂಗ್ಡಾಚೆ ನಾಟ್ಕುಳೆ ಕಾರ್ಯಾಚೆಂ ವಿಶೇಸ್ ಆಕರ್ಶಣ್ ಜಾವ್ನಾಸ್‌ಲ್ಲೆಂ. ಫೆಲಿಕ್ಶ್ ಸವೆಂ ಗ್ರೆಗರಿ ವೇಗಸ್, ಜೋನ್ ಡಿ’ಸೋಜಾ, ಗ್ಲೆನ್ ವೇಗಸ್, ಫ್ಲೋಯ್ಡ್ ಡಿ’ಸೋಜಾ ಆನಿ ಗ್ರೆಗರಿ ಮೋನಿಸ್ ಹಾಣಿ ಲೋಕಾಕ್ ಕುಸಾಳಾಂ ದುಖಾಸರ್ ಹಾಸಯ್ಲೆಂ. ಲೊಲಿಟಾ ಡಿ’ಸೋಜಾ, ಕ್ಲೆಮೆನ್ಸಿಯಾ, ಶಾರೊನ್, ಡಿಯೇರ್ಡಾ, ಸ್ಟೆಫಿ ಆನಿ ವರ್ಜೀನಿಯಾ ಹಾಣಿ ಗೊಂಯ್ಚೊ ಮಾಂಡೊ, ಖಾರ್ವಿ ನಾಚ್ ಪ್ರದರ್ಶಿತ್ ಕೆಲೊ.

ಹಿಲ್ಡಾ ಡಿ’ಸೋಜಾ ಹಿಣೆ ಬರವ್ನ್ ಪ್ರಸ್ತುತ್ ಕೆಲ್ಲೊ ನಾಟ್ಕುಳೊ "ಹಾತಾಚಿಂ ಪಾಂಚ್ ಭೊಟಾಂ" ಝೀನಾ ಡಿ’ಸೋಜಾ, ಲಿಯೊನಾ, ಜ್ಯೋತಿ ಆಬ್ರೆವ್, ರೋಜಿ ಫೆರ್ನಾಂಡಿಸ್, ಫ್ಲೋರಾ ಮೆಂಡೋನ್ಸಾ, ಹಿಲ್ಡಾ ಡಿ’ಸೋಜಾ ಆನಿ ಸೀಮಾನ್ ನಟನ್ ಕರುನ್ ದಾಖಯ್ಲೊ. ಆಗ್ನೆಸ್ ಮಿನೇಜಸ್ ಹಿಣೆ ಬರವ್ನ್ ಪ್ರಸ್ತುತ್ ಕೆಲ್ಲೊ ಹಾಸ್ಯ್ ನಾಣ್ಕುಳೊ "ಹಾಯ್ ಹಾಯ್ ಫಜಿಂತ್" ಮೆಟಿಲ್ಡ ಆಂದ್ರಾದೆ, ಐರಿನ್ ಕ್ಯಾಸ್ತೆಲಿನೊ, ಹಿಲ್ಡಾ ಡಿ’ಸೋಜಾ, ಆಗ್ನೆಸ್ ಮಿನೇಜಸ್ ಆನಿ ಹೇಮಾ ಮಿನೇಜಸ್ ಹಾಣಿ ಖೆಳವ್ನ್ ದಾಖಯ್ಲೊ. ಬ್ಲಾಂಚ್ ಆಲ್ವಾರಿಸ್, ಕ್ಲಾರಾ ಪಿಂಟೊ, ಪ್ರೆಸ್ಸಿ ಪಿಂಟೊ, ನೇನ್ಸಿ ಕ್ವಾಡ್ರಸ್, ಡೆಲ್ಲಾ ಆಂಟೊನಿಯಸ್, ಜೆಸ್ಸಿ ಡಿ’ಸೋಜಾ, ರೀಟಾ ವಾಜ್, ಬೆನ್ನಿ, ರೇಶ್ಮಾ, ಟ್ರೀಜಾ, ವಿಲ್ಸನ್, ಪ್ರವೀಣ್, ಆರ್ನಲ್ಡ್, ಗ್ರೆಗರಿ ಮೋನಿಸ್, ವಿನ್ಸಿ ಡಿಮೆಲ್ಲೊ, ಆಲ್ವಿನ್ ಸಿಕ್ವೇರಾ, ರೋಕಿ ಮೆಂಡೋನ್ಸಾ ಹಾಣಿ ಕೊಂಕ್ಣಿ ಪದಾಂ ಆನಿ ಪಂಗಡ್ ಗಾಯಾನಾ ಗಾವುನ್ ಲೊಕಾಕ್ ದಾಧೊಶಿ ಕೆಲೆಂ.

[ತಸ್ವೀರ್‍ಯೊ ವ್ಹಡ್ ಕರುಂಕ್, ತಸ್ವೀರೆಂಚೆರ್ ಕ್ಲಿಕ್ ಕರಾ]

ಸುರ್ವೆರ್ ಅಧ್ಯಕ್ಷ್ ಶ್ರೀ ಸ್ಟೀಫನ್ ಫೆರ್ನಾಂಡಿಸಾನ್ ಸ್ವಾಗತ್ ಕೆಲೊ. ಕಾರ್ಯದರ್ಶಿ ಆನ್ಸಿ ಪಾಲಡ್ಕಾನ್ ಕಾರ್ಯೆ ನಿರ್ವಹಣ್ ಕರುನ್ ಧನ್ಯವಾದ್ ಪಾಟಯ್ಲೆ. ಎಕಾ ಕುಟ್ಮಾ ಭಾಶೆನ್ ಸರ್ವ್ ಲೋಕ್ ನವೆಂ ಜೇವ್ನ್, ಕೊಬು ಘೆವ್ನ್ ದಾಧೊಶಿ ಜಾವ್ನ್ ಘರಾ ಚಮ್ಕಾಲೊ.

- ಭಾತ್ಮಿ: - ಆನ್ಸಿ ಪಾಲಡ್ಕಾ

ಮಿರಾರೋಡಾಂತ್ ಮೊಂತಿ ಫೆಸ್ತ್

ಲೇಖನಾಂ

ದಾಯ್ಜ್ ಪಾನಾಕ್

ಸಮನ್ವಯಾಂಚೆಂ

ಟೊಮಸ್

ರಿಮಿಕ್ಸ್