ಕವಿತಾकविताPoem
कवितापाठ म्हळ्यार कितें?
कवितापाठ म्हळ्यार कितें?
"रडुंनाका कोंकणी बाळा रडुंनाका वोगो, दोळ्यांभायर सोंरगो देकून सोडिनाका दागो" - मेलवीन रोड्रिगस
कवितापाठ
कवितापाठ म्हळ्यार कितें?
कवितापाठ म्हळ्यार कोंकणी कविंची वळोक तशेंच कोंकणी कविताचें अध्ययन कर्चा इराद्यान आसा केल्ली एक वेदी. हें कसलेंय एक संचालन या संघ न्हंय. एका मनान एकामेकाचे विचार समजोन, आमचे विचार वाडंवचें आनीं अशें कवितावाटेर चमकताना कवितांक समजोंवचें, कवितांक वासचें आनीं बरंवचे मूळ इरादेच ह्या कवितापाठाचो प्रमूक इरादो. ’कवितापाठ’ हांतूं विंचल्लीं कविता अध्ययनाक विंचल्लीं काराणां तीं कविता कोंकणेंतली श्रेषट कविता म्हणोन न्हंय. तशेंच ज्या कविंचीं कविता हांतूं विंचल्यात, ज्ये तांचे विचार आमचेसवें वांटून घेवंक सकचेतसले जावनासात म्हळ्ळे खातीर मात्र.
कविता कामासाळ कित्याक?
लौकीक संग्त्यांनी मेतेर जाल्ल्या आमकां आमीं करिजाय आसल्लीं जायतीं कामां आमचान करुंक जायनांत. हाका काराण वेळ ना या वेळ आसताना मूड ना आनीं मूड आसताना संदरब नांत. अशें सभार अडकळ्यो आमचा चिंत्पाचा वाडावाळेक उदेतात. आमचा मतिंतले विचार रावल्ल्या उदकापरीं जायनाये, नवे नवे विचार आमचा मतिचा पडद्यार पाशार जायजाय तर आमीं मयन्याक एक या दोन वोरां तरयी असल्या संग्त्यां थंय गमन दीजय.
पयलें कविताचें कामासाळ:
पोटाचा जोडिखातीर सात दरये उत्रोन आमीं आयल्यांव, एकेकल्याक एकेक अडकळ्यो आसात, समस्से आसात, कसट आसात. पूण ह्या मधें आमचा मतिंत नवीं चिंत्नां उदेवंक आमीं प्रेतन करिजाय आनीं ह्ये दिशेन आमीं मयन्याक एक पावटीं तरयी मेळोन साहितीक/कवितांक वासचें, आयकोंवचें साधन कर्ची अलोचन अजीक तीन वर्साधीं, म्हजा मित्रान तो अजीक हो संसार सांडून गेला तो - दे|जोर्जी पींत आयकोळ. हाणें दिल्ली सल्हा ज्यारी कर्चाक २००२ इस्वेचा नवेंबराचा पंद्रा तारिकेर पयलें कविताचें कामासाळ आमचाच घरा आपयलें. इक्रा बरवपी ह्या जमातेक हाजर जाल्ल्या ह्या कामासाळांत दे|चा.फ्रा.दे’कोसताचा कविताविशीं उलवणें चल्लें. अशें सुर्वात जाल्ल्या ह्या कामासाळा उपरांत सराग न्हंय तरयी तवळतवळ असलीं कामासाळां मुखारून गेलीं.
फुडलें कामासाळ २००२ दसेंबराचा बावीस तारिकेर चल्लें आनीं त्या कामासाळांत दे|लुवीस मसकरेन्हसाचा कवितांविशीं सविसतार संवाद चल्लो. उपरांत सिज्येस ताकोडेचा कवितांविशीं कामासाळ चल्लें.
नवेसांव:
मयन्याळीं कामासाळांनी येंवचे उर्भेवंत उणे तरयी ह्या कामासाळांनी येतेल्यांनी जायतो अनभोग जोडचा इराद्यान हीं कामासाळां गूंड रितीन अध्ययन कर्चें काम चलोन आसाजय म्हळ्ळ्या इराद्यान अध्ययन प्रभंध/लेखन प्रसतूत कर्ची रिवाज सुरू केली. आनीं हाची सूरवात मेलवीन रोड्रिगसाचा कविताचें अध्ययन करून ताचेर प्रसतूत केल्लें लेखन ’येया आमीं कुपां झडव्यां’ सादर जालें.
पूण तेच्च संधर्भार ह्या कामासाळांक सूरवात करुंक काराण जाल्लो अन्येक प्रमूक वेक्ती, चिंत्पी, कवी जोर्जी पींत आयकोळ संसाराक अधेवस मागोन गेलो देकून ताचा वेक्तित्वाविश्यांत, चिंत्पाविश्यांत, साहित्याविश्यांत सविसतार विवर आटापचें लेखन ’जिविता सोभाण सदांच सोभतेलें’ प्रसतूत जालें.
अशें थोडो तेंप मयन्याळें कामासाळ चल्लेंना. पूण हें कामासाळ चालूच दवरिजाय म्हळ्ळ्या इराद्यान फुडल्या दिसांनी ’कोंकणी पत्रांनी विमर्सो’ म्हळ्ळ्या विश्याचेर लेखन प्रसतूत जालें. फुडल्या दिसांनी कोंकणी वावराक नवीं रुपां दिंवचा दिशेन ’कोंकणी अभियान समिती’चें उग्तावण जाताना ’आमचीं कोंकणी पत्रां आनीं परिगत’ म्हळ्ळें लेखन प्रसतूत जालें. कोंकणी अभियान समितिचा दूसऱ्या जमातेचेर ’स्पिरिताचो वावर खंडीत फळ दिता’ म्हळ्ळें लेखनय प्रसतूत जालें.
पूण ह्या उपरांत म्हजाच साहितीक अध्ययना खातीर थोडो तेंप हें कामासाळ चल्लेंना. पूण कोंकणी अभियान समितिचो वावर मात्र मुखारून गेलो आनीं दुस्री समितिचा वेळार ’परत एक खुर्सावाट’ म्हळ्ळें लेखन प्रसतूत जालें.
पूण ह्या उपरांत कामाचा राटावळे मधें थोडो वेळ हांवें म्हजें अध्ययन चालू दवरलें तरयी कसलिंच कामासाळां दवरुंक साध्य जालेंना. हेच्च वेळार म्हजो वेळ दायज अंतरजाळिचेर गेलो आनीं हेर भासांचा कवितांक अध्ययन कर्चें काम हातीं धरलें. हेरांचें विचार समजताना अपल्या मतिंत आसचो काळोक इल्लो इल्लोसो पयस गेलो. पूण ही एक प्रक्रिया आनीं ही प्रक्रिया चलूच आसाजय आनीं होच्च फायदो हेरांनी जोडिजाय म्हळ्ळें म्हजें चिंताप.
कवितापाठ:
अशें चलोन आयिल्ल्यो ह्यो मयन्याळ्यो मांची, कोंकणी कवितांक नवें रूप/अर्थ दिंवचा दिशेन ’कवितापाठ’ २००५ इस्वेचा फेबरेर ११ तारिकेर सुर्वात जावून आतां अर्थाभरीत रितीन चलोन्ंच आसा. ह्या कवितापाटाचेर सकयले तीन भाग आसात;
पयलो भाग:- कवितापाठ अध्ययन: हऱ्येका अध्ययनाक एक कविता विंचून सर्व सांद्यांक दितांव. एकेकले सांदे अपापलें अध्ययन लेखन/प्रभंध कवितापाठाचेर प्रसतूत कर्तात, उपरांत हांचें जोक्तें संपादन कर्न पर्गट कर्तांव.
दुस्रो भाग:- बूक समीक्षा: आयलेवार कोंकणेंत पर्गटोन आयिल्ल्या जोक्त्या कविताजम्याचेर, नम्यारल्लो एकलो अध्ययन करून एक समीक्षा लेखन तयार कर्न प्रसतूत कर्ता. तशेंच सर्व सांदे एकामेका संवाद चलयतात.
तिस्रो भाग:- कवितागोषटी: सांद्यांनी आयलेवार बरयिल्लीं कविता एकामेका वाचून सांगोन तांचेर सवाल-संवाद चलंवचो.
कामासाळांत फायदो कसलो?
हें सवाल आपापल्या चिंत्पापरकार आसा, साहितीक विश्यांचेर विशलेषण केल्लीं लेकनां खंडीत जावन नवें चिंताप उदेशें कर्तात. बरें-वायट समजोंक कुमोक कर्तात. पूण ह्या खातीर एकल्या दोगांनी जायती मिनत कर्ची गर्ज आसा, अपलो वेळ खर्चून, जायतीं लेकनां वाचून विशलेषण लेकन तयार करुंक आसा आनीं तें काम व्हडा हुमेदीन केल्ल्या म्हज्या साहित्याचेर जायतो सुध्राप आयला म्हळ्ळें पर्गट रितीन ओपून घेवंक म्हाका कांय कसलीच दाक्षेण ना.
हाचो आदाय-खर्च कोणाचो?
ह्या मयन्याळ्या कामासाळाक अर्थाभरीत जांवचाक मिनत मात्र न्हंय, ह्या कामासाळाची खबार हेरांसवें वांटून घेंवचाक तस्वीरयो काडचो, उपरांत वर्दी तयार कर्ची, वर्दी धाडची हें सगळें काम आनीं मिनत हांव्ंच एकलों कर्तालों म्हजाच्च बोल्सांतले पोयशे घालून. ह्या कामासाळांनी येतेल्यांनी कसलेंच देवें दीवंक ना.
थोड्यांक अपल्याच खर्चार ह्या कामासाळाक येवंक साध्य जाता तरयी थोड्यांक मन आसल्यारयी साध्य जायना देकून तांकां आपवन हाडचें - पांवचें कामयी हांवेंच केलां/करून आसां. ह्या कामासाळांत वांटो घेतेल्यांक फकत्त साहित्याची व्होड/आसक्त आसल्यार पुरो. हें कामासाळ वेळ पाशार कर्चाक आसा केल्लो बिल्कूल न्हंय देकून ह्या कामासाळांत खर्चुंचो वेळ अपल्या साहितीक सुध्रापाक उपकाराक पडाजय म्हळ्ळें आमचें चिंताप.
कवितापाठ कित्याक जाय?
कवितापाठ मुखांत्र कवितांचें चड अध्ययन करुंक, बरे विचार आसचीं कविता/साहित्य राचुंक साध्य जालें तर आमचें मिसांव सुफळ जालें म्हण लेख्तांव.
कविताचें अध्ययन कर्ताना नवे नवे विचार उभजाजय, कोंकणेंतल्या कविंक, तांच्या चिंत्पाक वळकोंक, तांचे विचार समजोंक अशें आमचा चिंत्पाची व्हाडावळ कर्चा इराद्यान असलीं अध्ययनां भोव गर्जेचीं. तेदनां मात्र आमीं सृजनात्मक साहित्य रचुंक सक्तांव म्हळ्ळें म्हजें चिंताप मात्र न्हंय खरी पात्येणी जावनासा.
एदोळ परयांत चलयिल्लीं मयन्याळीं कामासाळां:
१५ नवेंबर २००२ - दे|चा.फ्रा.दे’कोसताचा कवितांचेर संवाद आनी कवितागोश्टी. [जागो: साल्मिया, कुवेयट, चलवपी: वल्ली क्वाड्रस]
२२ दसेंबर २००२ - दे|लुवीस मसकरेन्हसाचा कवितांचेर संवाद आनी कवितागोश्टी.
२५ एपरील २००३ - मेलवीन रोड्रिगसाचा कवितांचेर प्रभंध ’येया कुपां झडव्यां’
२७ जून २००३ - कोंकणी पत्रांनी विमरसो - एक आटोव - संवाद आनी कवितागोश्टी.
०४ जुलाय २००३ - दे|ए.टी.लोबोचा साहित्याचें अध्ययन लेखन - संवाद आनी कवितागोश्टी.
०८ अगोसत २००३ - कोंकणी अभियान समितिचें उग्तावण लेखन.
०५ सप्तेंबर २००३ - कोंकणी वावराचेर लेखन.
१२ नवेंबर २००४ - कोंकणी अभियान समितिचें उग्तावण लेखन.
११ फेबरेर २००५ - कवितापाठ - १ [कविता: वाट, (मेलवीन रोड्रिगस, वाट, २००३, कविता पबलिकेशन्स)].
११ मार्च २००५ - कवितापाठ - २ [कविता: कयद्याची कविता, (एच्चेम, कयद्याच्यो कविता, २००४, आशावादी प्रकाशन)].
१५ एपरील २००५ - कवितापाठ - ३ [कविता: सलवण, (फ्रेड कुमार, वोवळां, १९९०, प्रकृती प्रीत प्रकाशन)].
१३ माय २००५ - कवितापाठ - ४ [कविता: आज, (वल्ली क्वाड्रस, कटपुतळी, २००४, आशावादी प्रकाशन)].
१० जून २००५ - कवितापाठ - ५ [कविता: बांय, (आंड्रू डी’कुन्हा, व्हाळू व्हळू व्हाळ व्हाळ्या, २००४, आशावादी प्रकाशन)].
०८ जुलाय २००५ - कवितापाठ - ६ [कविता: म्हजो दिवो, (मौरीस शांतिपूर, किरा बोंच, १९९१, प्रिया प्रकाशन)].
१२ अगोसत २००५ - कवितापाठ - ७ [कविता: मनीस म्हणजे कितें, (लुवीस मसकरेञ, अबरांवचें यजनदान, १९८७, प्रगती प्रकाशन)].
०९ सप्तेंबर २००५ - कवितापाठ - ८ [कविता: दऱ्याक उजो पेटला, (चा.फ्रा.दे’कोसता, सोंश्याचे कान, १९९० प्रगती प्रकाशन)].
१४ अक्तोबर २००५ - कवितापाठ - ९ [कविता: भितरलें तुफान, (जे.बी.मोरायस, भितरलें तूफान, १९८४, पुनव प्रकाशन)].
०९ दसेंबर २००५ - कवितापाठ - १० [कविता: देव एक्सुरो, कवी: वल्ली वग्ग, बूक: मोतियां आनी तारां (२००५, आशावादी प्रकाशन)].
१३ जनेर २००६ - कवितापाठ - ११ [कविता: बापाचें घर, कवी: रोबर्ट फेर्नांडीस, बूक: मोतियां आनी तारां (२००५, आशावादी प्रकाशन)].
१० फेबरेर २००६ - कवितापाठ - १२ [कविता: एक उलो, कवी: ए.टी.लोबो].
२४ मार्च २००६ - कवितापाठ - १३ [कविता: दोन दिवे, (जोमेल बोंदेल, मोतियां आनी तारां, २००५, आशावादी प्रकाशन)].
२१ एपरील २००६ - कवितापाठ - १४ [कविता: सोधनां, (मेलवीन जे. वास, मोतियां आनी तारां, २००५, आशावादी प्रकाशन)].
१८ आगसट २००६ - कवितापाठ - १५ [कोंकणेंत गज಼लां - गज಼लांचेर एक आध्ययन].
१५ सप्तेंबर २००६ - कवितापाठ - १६ [कोंकणी बुकांचेर एक नदर - संवाद, आनी बूक समीक्षा].
०३ नवेंबर २००६ - कवितापाठ - १७ [कविता: हांव येतांगो घाटी देंवोन, (विलफी रेबिंबस)].
२४ नवेंबर २००६ - कवितागोषटी आनी मेल्की होस्पेटाक मान [अध्यक्षपण: मेलवीन जे. वास केलराय].
१९ जनेर २००७ - कवितापाठ - १८ [कविता: एका काळार म्हजें मंगळूर, (सिज्येस ताकोडे, मोतियां आनी तारां, २००५, आशावादी प्रकाशन)].
१६ फेबरेर २००७ - कवितापाठ - १९ [कविता: वासतव, (आन्सी पालडका, येगो बाये, १९९५, राकणो प्रकाशन)].
१६ मार्च २००७ - कवितापाठ - २० [कविता: काळीज, (एडवीन जे. एफ, शिंपडलेलीं मोतियां, २००७, आशावादी प्रकाशन)].
२० एपरील २००७ - कवितापाठ - २१ [कविता: चामड्या व्हाणो, (सन्नू मोनीज, शिंपडलेलीं मोतियां, २००७, आशावादी प्रकाशन)].
२५ माय २००७ - कवितापाठ - २२ [कविता: नवाल, (मेलवीन पिंटो नीरुडे, शिंपडलेलीं मोतियां, २००७, आशावादी प्रकाशन)].
१५ जून २००७ - कवितापाठ - २३ [कविता: देव उलयलो, (विल्सन कटील, शिंपडलेलीं मोतियां, २००७, आशावादी प्रकाशन)].
२० जुलाय २००७ - कवितापाठ - २४ [कविता: कविता, (अविना मियार, शिंपडलेलीं मोतियां, २००७, आशावादी प्रकाशन)].
१७ अगोसत २००७ - कवितापाठ - २५ [कविता: स्वादीक साक्रामेंत, (लोयड रेगो, २००७)].
© 2007 दायज · आशावादी प्रकाशन सर्व हक्कां राखून दवरल्यांत.
Workshop May 2008
दायज मिसांवाक पांचवें वरस: कुवेयटांत कोंकणी काण्यांचेर कामासाळ
ಖಬರ್खबरNews Apr 2006
अखील भारतीय बरवप्यांचा एक्ताराचे २००६-०८ इस्वेचे हुद्देदार
Workshop May 2006
कार्कळांत दायज-मित्र साहितीक शिभीर ೨೦೦೬
More in Daaiz
Workshop May 2008
दायज मिसांवाक पांचवें वरस: कुवेयटांत कोंकणी काण्यांचेर कामासाळ
Workshop May 2006
कार्कळांत दायज-मित्र साहितीक शिभीर ೨೦೦೬
Workshop Sep 2007
दायज मित्र साहितीक शिभीर २००७
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.