ಕವಿತಾकविताPoem
हिरकणी (- एडना वाज फेर्नांडीस)
[कविता] हिरकणी (- एडना वाज फेर्नांडीस)
छत्रपती शिवाजिच्या राजांत हिर्कणी म्हळ्ळी एक बायल गायेचें दूद काडून तें दूद वरून कंपांवडांतल्या लोकाक दिताली. आनी गांवचे तें दूद पियेवन वेळार वचून त्या उभार पागोराभितर (किला/कोटे) रिग्ताले. एक पावटीं हिर्काणीन दूद हाडू येतना घळाय जाली देकून कंपांवडाचो लोक येदोळच पागोराभितर रिगलो आनी गेट बंध जाली. पूण दूद घेवन आयिल्ली हिर्कणीन तो पागोर (किला) चडून तें दूद वरून त्या लोकाक पावीत केलें. एका आवयचें मन कितलें विशाल म्हळ्ळें चिंतप दिंवची कविता ही.
[कविता] हिरकणी (- एडना वाज फेर्नांडीस)
हिरकणी
ह्या दोंगरां पलतडीं,
वझर्या वरी कुलकुलाट,
केन्ना थूय थूय नाच!
ह्या दोंगरां पलतडीं,
पांयांक खोशये वेंटाळो,
काळजांत सुखा उमाळो!
ह्या दोंगरां पलतडीं,
माणकुलीं हट्टी दुकां,
मोलादीक मोतयां-थिकां!
ह्या दोंगरां पलतडीं,
सुखाची व्हांवती झर,
आंगांत चैतन्याची भर!
दोंगरांच्या आलतडीं हांगा,
वेळाचे असंख्य वांटे...कांटेच!
पलतडचे खीण बाये....काळजा ठोके!
ह्या दोंगरां आलतडीं,
कितलेशेच अस्वस्थ पदर,
हिरकणीची धांव घेत, हुंपतात पलतड...
- एडना वाज फेर्नांडीस. [माय, २०२०]
एडना वास फेर्नांडीस: मुंबय विश्वविध्यालयांत दोतोरगिरिचें (PhD) शिकप जोडून आसच्या हिचीं कविता, लेकनां ’सुनापरांत’ तशेंच ’कोंकण टायम्स’ पत्रांनी तशेंच ’दल्गादोचो संधेश’ पत्रांनी पर्गटल्यांत.
© 2020 एडना वाज फेर्नांडीस · पयणारी · आशावादी प्रकाशन सर्व हक्कां राखून दवरल्यांत.
More in Poinnari
ಕವಿತಾकविताPoem Feb 2025
धाळ्यो [डो. झीटा लॊबो]
ಕವಿತಾकविताPoem Oct 2020
केन्नां पुणी उटतेल्यात... (- विल्मा बंटवाळ)
ಕವಿತಾकविताPoem Nov 2016
येका फो०डाचि कता
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.