ಕವಿತಾकविताPoem

Katolic Ponchang! [Andrew L D'Cunha]

[Kovita] Katolic Ponchang! [Andrew L D'Cunha]

Ieka tempadhim iek ghor, ghorabo, iek kuttom mollear dorobost bhand ani moipas thoinsor raj korn astalo. Tatum jiiv-nirjiiv vostunk soit zokto man astalo zoxem iek calendor. Katolik ponchang mollear ieka kristi kuttmak veg-vegllea moineachea iekeka disachea mohotvavixim kolloitalem ani tea ponchangaco pattlav korun kottmik karyim manddun haddchi rivaz asli.

Punn vellakallak sori zaun hea bhanacheo sorio oskot zaun tuttun poddunk lagleat ani svo-chintpan monis disan diis choddit ani choddit svarti/ablexi/motlobhi zaun hea monxea molank hogddaun ayla tem svota monxeakuc kollit na zalam. Punn hea porigotent khilleasomet dhornnek xevtton aplem sorv preton korchem katholik ponchang khup borem vichar utravinnens sangta Ani ti bob ontor monant kan ascheank matr aikota. Kovitechi unchai okherichea don vollini disun ieta; Zorallea humbravoilea gittani iekek bhand aillo - gello fokot ieka avoik matr dista ani ti moni boscem polletana kovita rosikachea kallzantlim bhognnam soyt iek ghoddi monim zauncheant dubhav na. Hea kovitechea soktecho bhorpur sontos zoddunk tukas atam ulo ditam.

[Kovita] Katolic Ponchang! [Andrew L D'Cunha]

Katolic Ponchang!

vellakallachea po'kollaiecher

mar'l'lea khilleancher

umkollta katolik ponchang

Az kuttam sangata mell'llam!

zomiinicher voddol'lea novea gittancher

nove do're bhandhunk toyorai

malghoddeak hennem nimmanneak tennem..

sangata mellol'lim ghoddean pasall'llim

hatim gheun vantteachim dostavezam

dhornnik xevttalam katolik ponchang

khillea somet! vonnodinchem roddnnem!

zorallea humbravoilea gittank polleun

moni zaun boslea avoi!

- Andrew L. D’cunha [Febrer, 2023]

Andrew L. D'Cunha: Vrit'ten ’Finance Consultant’ vaur korun ascho anddru el. Ddi’kunha konknnecho namnnecho kovi, kannyegar. ’vhollu vhollu vhall vhallea’, ’onzurachem pan’, ’ayeracho buk’ mholl'lle tin kovitazome porgottleat. Kornattok konknni sahity okaddemi, toxem vimola poi Puroskar, Sondex Puroskar haka favo zaleat. Aplea kuttmasovem sod'deak mongllurant vosti korun osa.

Borovpi

Andrew L. Dcunha

1984 (Pattlea 42 vorsam) thaun konknnent sahity rochun ascho Andrew L Dcunha ek lokamogall kovi. Gamvan Gurpur Kin'nikombollacho to otam Bejai vosti korn asa. Devadhin Denis ani Mary Dcunha hanchea sat bhurgeam poiki to nimanno. Tannem 1000 voir kovitam, 150 ko mikvon lekhnam ani 30 mottveo kannio boroileat. ’Vhollu Vhollu Vhall Vhallea’ (2004 - Ashawadi Prakashan), ’Onzurachem Pan’ (2013 - Kovita Trust) ani ’Ayeracho Buk’ (2014 - Karnataka Konknni Sahity Okaddemi) tache prokttit kovita zome. Tachea "Onzurachem Pan" Pustokak Karnataka Konknni Sahity Okaddemi proxsoti, AIKWO (Okhil Bharot Konknni Boroupeancho Ektar Pursokar), Vishwa Konkani Kendra-cho Vimala V. Pai Kovita Pursokar ani Dr.T.M.A.Pai Foundation-acho Pustok Pursokar taka lableat. Ailevar tachea "Ujvaddachye Vengent" kovita pustokak Karnataka Konknni Sahity Proxsoti lablea. 2023 vorsachi Rajy Mott'ttachi “Sondesh Konknni Sahity Proxsoti” taka lablea.

Mongllur Akax‍vanni thaun sumar 40 konknni kar‍yokromam tannem sador keleant. Sumar 38 vorsam adim Raknno potrar ‘Andru Mam'’ likhnne namvan bhurgeancho somsar vibhag tannem choloun vhela. Amcho Yuvok potrar nirvahok sompadok zaun vaur dila. "Izoicho Kollo" potracho sompadok zaun vavur‍la. Daiji Dubai Boroupeanchea Ektaracho Sompadok zaun vaur dila. Maai‍bhaas.com zalli zagear, Raknno, Dirvem, Ujvadd potramni kovita onkonn tannem choloilam. Raknnear tacho "Kas Somsar" onkonn, Noman Jezu Ballok potrar "Khas Somsar" onkonn oni Amcho Sondex potrar sokallik lekhnam sorag prokott zaun asat. Tannem att pustokank prostaun boroilam. Vevegllea konknni kovita spordeancho, konknni kovita sador sortencho toxench kornattok konknni sahity okaddemichea pustok proxsotecho voroinnar zaun vaur dila. Gamvant ani porgamvant sobar kovitagoxtti tannem choloun veleat. Kovitam vixim sobar probondh monddon keleat ani upneas dileat. “Kovita Trust” cho to trustee zaun asa. Kovita.com zalli zagear sompadokiyam to boroita.

All 14 pages by this writer