निश्पाप (- वैष्णवी रायकर)

[कविता] निश्पाप (- वैष्णवी रायकर)

भारतीय देशाच्या इतिहासांत ’कर्म’ म्हळ्ळ्या सब्धाक गुंडायेचे अर्थ आसात. ह्या जाण्वायेक विग्यान, तत्व‌गिन्यान तशेंच हेर शेतांनी सयत अर्थ दिल्लो आसा. मुळावो अर्थ जावनासा कर्म म्हळ्यार आमी केल्लीं कामां. आनी आमी केल्ल्या दरेका कामांक फळ मेळता. बरीं कामां केल्यार बरो फळ मेळता. ह्या कवितेंत सयत तेंच चिंतप आटापून आसून मनशाक मनणाने केल्ल्या कर्माचो फळ भगचो वेळ आयला म्हण सांगची कविता ही.

[कविता] निश्पाप (- वैष्णवी रायकर)

निश्पाप

मनशा तुवें, खरेंच तुजें

मनीसपणान शेणयलां

सुदारिताचे रूपडें घालून

सगळ्यांक तुवें फटयलां

विचारांचे व्हडपण तूं,

सदांच मिरयत भोवता

सगळ्या परस, आपूण व्हड

म्हूण, गर्वान हड्डें फुलयता

पूण,

आयज मात, तुवें मनशा

निश्ठूरपण दाखयलें

भावनाशून्य जावन तूं

निश्पाप मोनजातीक रडयलें

गुन्यांव तर कांयच नासलो

म्हज्या आवयचो आनी म्हजो

पोटा भुकेक वळवळून ती

तुज्या कारस्थानान घुस्पली

विश्वास तुजेर दवरूंन ती

खरेंच फटवली

तूका नासलो अधिकार

आमचो प्राण घेवपाचो

आतां सोंस मनशा

सैमाक दिल्ल्या,त्रासांचो कोप

कोरोनाच्या रूपान तूं

मरणकाळ भोग

-  वैष्णवी रायकर. [ज्यून, २०२०]