[mhojesovem bhovo ragan asam kiteak mhollear hamv]

"hamv mhojesovem bhovo ragan asam kiteak mhollear hamv tem korunk sokana jyem hamvem korunk zai" - Vincent Van Goghchea utoramni surovat korotam.

Amokam dolle asat, ami polletamv punn tantum pollel'lem kitlem parkitamv?

amokam kan asat, omi aikotamv punn tantum aikol'lem kitlem somzotamv?

amokam jiv asa, ami jietamv punn tantum jiel'lem kitlem monoxaponnan?

dis gel'leporinch ami khonchea dixen chomkun asamv? amche bhomvtonnicho somsar khonchea dixen chomkun asa? somajeche vevegolle vorg; vevegollim xetam; zamv xikopa xet, samajik xet, dharmik xet, razoki-i xet az kitolea noitikotent jieun asa? ani hea bhongostollant monoxaponnachem ekek kispor kaddun konn khellota?

kovita mhollear sobdhanchi sozounni mhonnun‌ch chintele chodd, osolea hoddbeank man-som'man mholl'lle mukutt hanche bhitorolea hankarak choddoita dekun az monoxaponnacho bhongostoll korotele somajent miroitana khoro kovi avaz uttoita. Zamv to avaz va tallo ranantlo tallo va aichea goujechea xeramni konnench aikunk sokanascho. Punn to oplo tallo uttoitach, ani tosolo tallo eka somajecho tallo zata mhonnocheak hea moineachi kovita opurbhayechi gouai dita.

Piki popai zor dharechea churiecher poddundi va dharechi churi pikea popayecher poddundi, chirn gheunko aschem pikea popayek‌ch xivai churiek nhoi. Ami sorv aichea kallar pikea popayeporim jietamv dekun churient chiroun‌ch asamv; zamv ti churi dhormachi, zatichi, kulliechi, bhasechi, chintopachi, sid'dantachi va monogotechi.

Tannim ubhem oni hannim add chirlem punn duk bhoglem aminch, duk bhogchem soit aminch, duk bhogunk aschem soit aminch mhonnotoch amcho xevott, amcho fuddar, amchem falem koxem asunk zai mholl'llem ami az chintinamv tor, voir kolloyil'lem sorv ami faleam-i bhogteleamv, ani soschexivai dusori vatt amchelagim faleam-i yemvchi na. Onyeka utoran sangochem tor, amokam falench aschemna.

Moineacho kovi spordheak hea moineant ayil'leo thoddeo kovita opurbhayecheo. Zagotik, razoki-i vixoi, tatvik, tarkik toxench otmik vixoi koviteche vixoi zaleat. Stri somvedon, jinnye songhorx soit pintraunni korcheo kovita asat. Hangasor ’moineachi kovita khonchi’ mholl'lli vinchounn solisayechi nhoi. Punn ek suttavem sot ucharum tor, hangasor kosoleach pranteak va bolik va lipik mhonnun protinidhitv na, kitem-i asa tor kovitek matr. Dekun konn jikla mholl'llem gorjechem punn kitem jiklam tem bhovo chodd gorjechem. Ani tem zaunasa ’kovita’.