दीस तो उदेलो

[कविता] दीस तो उदेलो

मनशाक धर्म, भास अपल्या जिवातितलीच मोलाधीक. आनी मनशाच्या ह्या भावनांक बंडवाळ करून अपले गुपीत अजेंडा, जांव पद्वेचे, वा दुडवाचे वा हेर रितिचे अजेंडा आसोन लोकाच्या भावनांसवें खेळचे फुडारी कशें बनायतात आनी इतलीं वर्सां पाशार जालीं तर‌यी, एक बरो दीस उदेतलो म्हळ्ळो आशावाद घेवन राकोन रांवची कविता ही,

बाब विल्ली गोयेस रोमी लिपिच्या कोंकणिंत एक भळवंत नांव. कादंबरी, नवालिका आनी अपरूप कविता बरयता. मुळान एक कलाकार तशेंच भोव संवेदन‌शीळ कोंकणी वावराडी. ह्या कवितेक वाचून/आयकोन ह्या कवितेचो स्वाद चाकोंक तुका आपोवणें दितां.

दीस तो उदेलो!

दीस तो उदेलो,गोंयचे भुंयचेर उज्वाड पर्जळ्ळो.दीस तो जावन आसलो तिस्वो मायाचोएकुणशें सत्यायशीं वर्साचो.आमच्या माणकुल्या गोंयांक फावो जालो,मुखूट घटक‍राज्याचो.

घटक‍राज उदेलेंपस्रावन किर्णांउज्वाडाचीं आनी भर्वांश्याचीं.दारां उगडलीं उदर्गतिचींसपनां खरीं जावन उडुंक लागलींभिरांकूळ सावळी नपंयच जाली.

काळजाची भास आमची कोंकणीखुल्कालायच्या उमाळ्यांनीं गावुंक लागलीहर जणांच्या घरांनी,हर जणाच्या वोंटांनीसंसकृतायेचीं गितां गावुंक लागलीं,अस्मिताय गोंयकारांची थीर जाली.

आज सरोन गेलीं आटतीस वर्सांकितल्यांनीं भरलीं जायत आपापलीं बोल्सांकितल्यांचीं खाली केलीं जायत पर्सांआज आटतीस वर्सां सरोन गेलीं,कितलीं निराशी काळजां मरोन गेलींकितलीं सपणां तुटोन पडलीं.

आतां वाट पळव्यां फुडल्या वर्साचीघटक‍राजाच्या एकूण‍चाळिसाव्या दिसाचीआमकां झळक दिसतली गाय?भर्वांश्याच्या किरणांची?उगडतलीं गाय?दारां अर्थाबरीत उदर्गतिचीं?वाट पळयत रावुयां त्या दिसाचीजेदनां चाकुंक मेळटली गोडसाण,मोंवाळ घटक‍राज्याची.

वाट पळयत रावुंया फुडल्या वर्साचीघटक‍राजाच्या एकूण‍चाळिसाव्या वर्साची.

Play the video

Watch on YouTube