ಆತಂಕ್‌ವಾದಿ

• ದಾಯ್ಜ್ ಮಿಸಾಂವ್

• ಕವಿತಾಪಾಠ್

• ವಿಶೇಸ್ ಅಂಖೆ

• ಕಾಣ್ಯೊ

• ಸಾಹಿತಿಕ್ ಸ್ಪರ್ಧೊ 2004

• ದಾಯ್ಜ್ ಮಂಡಳಿ

• ಕಥಾಪಾಠ್

• ಕಾಮಾಸಾಳಾಂ

• ಅಂಕಣಾಂ

• ಸಾಹಿತಿಕ್ ಸ್ಪರ್ಧೊ 2005

• ಸಂಪಾದಕೀಯಾಂ

• ಕವಿತಾದಾಯ್ಜ್

• ಬೂಕ್ ಸಮೀಕ್ಶಾ

• ಕವಿತಾಂ

• ಸಾಹಿತಿಕ್ ಸ್ಪರ್ಧೊ 2006

• ಕೊಂಕ್ಣಿ ಲೇಖನಾಂ

• ಕಥಾದಾಯ್ಜ್

• ಸವಾಲಾಂ ಜಾಪಿ

• ಚಿಕ್ಲೆಟಾಂ

• ದಾಯ್ಜ್ ಶಿಭಿರ್ 2006

• ವಿಚಾರ್ ಉಚಾರ್

• ಕವಿತಾಮೃತ್

• ಆಶಾವಾದಿ ಬೂಕ್

• ವಿಡಂಬನಾಂ

• ದಾಯ್ಜ್ ಶಿಭಿರ್ 2007

• ಪರ್ಗಟ್ ವಿಚಾರ್

• ಕಥಾಮೃತ್

• ಕೊಂಕ್ಣಿ ಕ್ವಿಜ್

• ವಿಮರ್ಶೆ

• ಕೊಂಕ್ಣಿ ಅಭಿಯಾನ್

ಕವಿತಾವೋಳ್

ಆತಂಕ್‌ವಾದಿ

ದಾರಾರ್ ದಡಬಡ..

ಚೆರ್ಕೊ ಚುರುಕ್ ಜಾತಾ..

ಪರತ್ ದಾರಾರ್ ದಡಬಡ

ಎಕ್ಸುರೊ ಚೆರ್ಕೊ ಭಿಂಯೆತಾ

ಹೆವ್ಶಿನ್ ತೆವ್ಶಿನ್ ಧಾಂವ್ತಾ

ಕಿತೆಂ ತರೀ ಹಾತೆರ್ ಸೊಧ್ತಾ

ಜೆದ್ನಾಂ ಉಗ್ಡಾಸ್ ಯೆತಾ

ಆನಾನ್ ದಿಲ್ಲ್ಯಾ ಶಿಕವ್ಣೆಚೊ

"ಬಂಧೂಕ್ ತಾಂಡುನ್,

ದಾರಾಚ್ಯಾ ಬುರಾಕಾಂತ್ಲ್ಯಾನ್ ನಳಿ ಶಿರ್ಕಾಯ್

ಆವಾಜ್ ಚಡ್ತನಾ

ಘೊಡೊ ವೋಡ್..

ಆತಂಕ್‌ವಾದಿಚೆಂ ಅಂತ್ಯ್.. ಖಂಡಿತ್"..!

ಲ್ಹಾನ್ ಕದಾಚೊ ಚೆರ್ಕೊ

ಬಂದೂಕೆ ನಳಿ ಪೊಟ್ಲುನ್ ಧರ್ತಾ

ತಾಂಡುನ್ ಘೊಡೊ ವೊಡ್ತಾ

ಆತಂಕ್‌ವಾದಿಚೆಂ ಅಂತ್ಯ್..?

ಭಾಯ್ಲೊ ಆವಾಜ್ ಬಂಧ್

ಥೊಡೊ ವೇಳ್ ಮೌನ್.

ಭಾಯ್ರ್ ತಶೆಂ ಭಿತರ್..

ಚೆರ್ಕೊ ದಾರ್ ಉಘಡ್ತಾ

ಬರಫಾ ಕುಡ್ಕೆ ತಾಂಬ್ದೆ ದಿಸ್ತಾತ್

ರಗ್ತಾ ಘೆಟೆ ಬರಾಫ್ ಲಾಗ್ತಾತ್..

"ಆನಾ..."

ಚೆರ್ಕೊ ಕಿಂಕ್ರಾಟ್ತಾ

ಬರಫಾ ಗುಂಡಾಯೆಂತ್

ನಿರ್ಜೀವ್ ಕೂಡ್ ಅರ್ಧಿ ತಿಳ್ತಾ

ಆಪ್ಪಲಾಚ್ಯಾ ದಾಲಿಯೆಂತ್

ಅನಾಚೆ ಲಿಪ್ಲಲೆ ಪೊಲೆ..

ಬರಫಾ ಕುಡ್ಕ್ಯಾಂಚ್ಯಾ ರಾಶಿರ್

ತಕ್ಲಿ ಆನಿ ಭೆಸಾಂ ಜಾಲ್ಲೆ ದೊಳೆ..

ಆತಂಕ್‌ವಾದಿಚೆಂ ಅಂತ್ಯ್..!!

ಕವಿತಾವೋಳ್ ಅಂಕಣಾಚೆರ್ ತರ್ನ್ಯಾ ತಶೆಂಚ್ ಪರ್ನ್ಯಾ ಕವಿಂಚಾ ಕವಿತಾಂಕ್, ಅನುವಾದಿತ್ ಕವಿತಾಂಕ್ ಪರ್ಗಟ್ ಕರ್ತೆಲ್ಯಾಂವ್. ಹರ್ಯೆಕಾ ಹಫ್ತ್ಯಾಕ್ ಏಕ್ ಕವಿತಾ ಹ್ಯಾ ಅಂಕಣಾಚೆರ್ ಪರ್ಗಟ್ ಜಾತೆಲೆಂ. ತುಮ್ಚಿಂ ಕವಿತಾ ಧಾಡುಂಕ್ ವಿಳಾಸ್: info@daaiz.com

67. ಆತಂತ್‌ವಾದಿ

- ಪ್ರಸನ್ನ, ನಿಡ್ಡೋಡಿ

ಕವಿವಿಶಿಂ: 1980 ಇಸ್ವೆಂತ್ ಬರಯಿಲ್ಲ್ಯಾ ಕವಿತೆಕ್ ’ಬಾಮ್ಸ್’ನ್ ಇನಾಮ್ ದಿಲ್ಲೆಂ. ಅಪ್ರೂಪಾಯೆನ್ ಬರಂವ್ಚೊ ಹೊ ಕೊಂಕ್ಣಿ ವಾಚ್ಪಿ ತಶೆಂಚ್ ವಾವ್ರಾಡಿ. ಕೊಂಕ್ಣೆಚ್ಯಾ ಬರ್‍ಯಾ ಫುಡಾರಾಚೊ ಹುಸ್ಕೊ ಆಸೊನ್ ತ್ಯೇ ದಿಶೆನ್ ವಾವ್ರ್ ಕರ್ಚೆಂ ಚಿಂತಾಪ್ ಆಸ್ಚೊ ನಿಡ್ಡೋಡಿ ಫಿರ್ಗಜೆಚೊ ಹಿಲರಿ ಡಿ’ಸಿಲ್ವಾ, ಸದ್ದ್ಯಾಕ್ ಮುಂಬಯ್ಚ್ಯಾ ಮಿರಾರೋಡಾಂತ್ ವಸ್ತಿ ಕರ್ತಾ, ತಶೆಂಚ್ ಕೊಂಕ್ಣಿ ಭಾಶಾ ಮಂಡಳಾಚೊ ಸಾಂದೊಯ್ ಜಾವ್ನಾಸಾ.

ಕವಿತಾ ಪಾನಾಂ

ದಾಯ್ಜ್ ಪಾನಾಕ್

About us | Feedback | Contact us
Copyright © 2005 DAAIZ.COM All rights reserved. Page concept, designed and maintained by Ashawadi Publications