"konnem-i dil'lem gheun konnem-i somodhan zoddyet, punn herank diun zoddchem somodhan vortem"
Jezu Ani Gandhi Saiki?
Voros : 2006
Moino: September
Modor tereza oxi sangta; ’tum herank borem korxi tor tuka tanchethaun khottench melltelem, tory tankam borench kor - kiteak tuji okhrechi bhett tanchesovem nhoim - bogar devalagim’ mhonn.
Hamv ordhom padri (seminori thaun pattim ayil'lom - tumcha bhaxent sangom tor ’doro uddon ayil'lom’) tory vixes devobhoktecho nhoim, sodancho khollanatl'lo ters zamv, hafteachem chukanastam mis zamv chukoinastam ramvcho ’bhageunt’ nhoim. Toxem mhonnon devo na mhonncho nastiky nhoim. Hem hamv hem lekhon boromvcha poilench ugddapem kortam.
Punn hamv borem ani vaitta modhlo, sot ani fotti modhlo forok somzonk soktam tory patak ani pun hankam patyena tory ek matr khoremponnim patyetam - ’horyeka monxak ek otmo asa ani to otmo toull toull uloita ani amim korcha ekeka kamacher, ami chintcha ekeka chintpacher to ulo oplem foisol ditech asta - zamv monis taka aikom va soddum’.
Ailevar okhil bharoti-i boroupeancha ektarant odhyokxponn ghetl'lo famad ddogri kovi dda|orvind roina oxem mhonnalo; "zolmal'lo horyek monis bhurgeaponnachem hont paxar zata, bhurgeaponnacha motint udel'lea zaitea sovalank yedollch konnengi toyar korn dourl'lea zapimni to sontuxtt zata. Punn jednam to oplem bhurgemponn sompoun tornatto zata tednam tacha motint sovalam udetat ani jitlea sovalank zafi sodhchant va zoddchant to solvotagi titlo to bhitorle bhitor osomodhani zata. Osolea osomodhanacha jinnyechem follitanx zaun monis oplea jinnyent sodhunk poddta ani porot porot solvota, hachem porinnam' zaun somajent oxanti, osomodhan, onit bhoron vomtata. Ek boroupi hea vorgathaun matso othvo zaun jieta, to poilem aplea osolea sovalank zapi sodhunk sokta ani uprant herank teo zapi diunko pauta."
Hem tachem chintap mhaka mhoza jemel'lea chintpak zagoita; ’amchelagim devo asa, dhorm' asa, amchelagim ulomvchi, boromvchi, chintchi sokot asa tory ami kitlim lachar? kitlim koxttim nhoimgi?’
ek pauttim eka bhurgeak eklean soval kelem "puta boro monis mhollear konn?"bhurgean
oxi zap dili; "boro monis mhollear sodam ghorant magnnim korcho, hafteak chukanastam misak vocho, kumgar semvcho, kumsar zamvcho, koiramni kantaram gamvcho, vanjel vascho ani padri/madrink pattim uloinatl'lo"heo
Zapi tea bhurgean sodhl'leo nhoim bogar tacher thapl'leo. Punn hochch bhurgo heach sovalak to tornatto zatechch hichch zap dit?
Tor hem kiteak?
Sobhar pauttim havo somzonk sokana ’monis’, ’dhorm'’, ’chintap’ ani ’korni’ kitli ekameka tall poddta? kristamv dhormak gheveam, kristi mouleam mhollear fokot ’misak vechem’ ani ’kumgar semvcho/kumsar zamvchem’ ani ghoramni amori ters korcho vo vanjel vascho’ matr mholl'llem chintche/patyemvche kitle nant hea somsarant? punn khorim kristi mouleam prokar dusmanank bhogsuncho, eka polear konney marlo tor taka marunk oplo dusro poloi dimvcho kristamv lok kitlo asa amcha somajent? konny asa tor somajen volamvchem namv zaunasa ’piso’ vo ’saiki (Psychy)’.
Amcha chaltea jinnyent zaiteo songteo amkam mohotvacho - festam sobhannam, kazaram karyim vo her. Hea horyeka karyamni ami magnnem kortamv, misak vetamv, kantaram gaitamv - punn hea kitlexea dobajeamni amchim kristi mouleam zoddtamv? amim sutt neson karamni igorjek vochonk puro, lokam mukhar vhoddlo nott ijmol diunko puro, igorje gettint salar boson ascha bhikaryank ugtean dan diunko puro, festachem mudd'dom' amchench zaunko puro, punn khoremponnim amcha lhanam bhamvddanchem rudan amcha kanank kitlepauttim aikata? amcha nagddea bhamvddamni ugtem aschem polleun tankam nesonk amim kitle pauttim ditamv? bhukent disachem ek ghott nisak got natleleank eka disachem khann diunko ami kitlexim aitim asamv? hantum khonddit somsari namv mellchemna, potramni/saittimni tosvir chhapon yemvchina nhoimgi?tory
Heranchim patkam, guneamv mejchant amchaki bhudhvont konn'nch nant, kitlexe pauttim amcha dolleant adde asony herancha dolleantle kisor kaddunk ami vochanamv? hem kiteak??
Amcha triptek? somodhanak??
zor herancheo khoddi kaddn, herank holk korn tripti bhogtamv tor ti kosoli tripti? tem kosolem somodhan?
Ailevar mhoza sollauller aschi ekli vollkichi mhojer kotthinn ragar zali ani mhoza eka ixttalagim mhojevixim zaiteo khoddi kulpam kaddilagli, galli xirap dilagli. Mhoza ixttan mhaka hem sangtoch somybik rag mhaka ailo. Mhakai tika zoktea bhasen zokti zap diunko zatem tory mhaka mhojem ontorskorn oxem mhonnalem ’zor tor hamvy tika zap diunko gelom tor ticha ani mhoza modhem tofaut tory kosolo?’ - dekhun hamv vogoch raulom xivai kitench kelemna.
Thoddea disamni tich bail porot mhojelagim borem ulounko lagtana hamv kitench zaunko na mholl'lleporim tichelagim boryan ulomvchem polleun ojeap zal'lea mhoza mitran tika soval kelem khoim ’tum taka itleo galli ditaliy mu? atam kitem zalem?’ sott'tt korn tichi zap ’to saikia’.
Soval hangasor konn saiko konn nhoim mhonn nhoim.
Soval hanga - tor hem ontoskorn/koxedd'd mholl'llem sorvank asa? sorvam haka aikotat? khal zatat? monxacha horyeka kornent, vicharant, chintnant hem ontoskorn zor uloita, tor somsarant itli onit, osomodhan tory kiteak?dekhun
zaizoi amchelagim vigean asa, dhorm' asa, devo asa, unchlem xikap asa, borem kam', bori zodd asa tory amchebhitor ami bhikari, nagddim ani kongal. Ani hea bhitorlea sthitecho porinnam' zaun osolo rag, mosor, hogem, jid'd ani dhvex.. Dekun'nch bhouxa gandhin sangl'lem ’hamv kristak patyetam punn kristamvank nhoim!’
Kitlem oputt sot nhoimgi? punn atam tumche poiki konn tory sangtolo ’gandhi saiki’ mhonnon.
Dev borem korum,
- Valley Quadros, Ajekar
