ಕವಿತಾकविताPoem
ದಿಸ್ಲೆಂನಾ
This poem is available in its original Kannada only.
ಕವಿತಾವೋಳ್
ಕಿತೆಂಚ್ ದಿಸ್ಲೆಂನಾ
ಹಾಂವ್ ಜಿಯೆಂವ್ಚ್ಯಾ ಪರ್ಕಟ್ ಗಾಂವಾಂತ್
ಮೆಟಾಂ ಮೆಟಾಂಕ್ ಗುಡ್ಸುಲಾಂ, ಜೊಪ್ಡಿಂ
ಕಿರ್ಮೆ ಗಳವ್ನ್ ಖೆಳ್ಚಿಂ ಭುರ್ಗಿಂ
ಅರ್ಧಿಂ ವಿಣ್ಗಿಂ ಅರ್ಧಿಂ ಭುಕಿಂ
ಭಿಲ್ಕುಲ್ ಸಗ್ಳಿಂ ಮ್ಹಜೆ ತಸಲಿಂ
ಸಕಾಳಿಂ ಹಾಂವೆ ವೆಚ್ಯಾ ವಾಟೆರ್
ಥೊಡೆ ಹಾತಿಂ ಫಾತೊರ್ ಘೆವ್ನ್
ಫಾತ್ರಾಯ್ತಾಲೆ
ಕೊಣಾಚ್ಯಾ ಪಾಕ್ಯಾಂಕ್, ಜೊಪ್ಡ್ಯಾಂಕ್
ವಾಟೆಲ್ಯಾ ಗಾಡಿಯಾಂಕ್ ಪರ್ಕಿ ಲೊಕಾಂಕ್
ಹಾಂವ್ ಪಳೆತೆಚ್ಚ್ ಮುಕಾರ್ ಚಲ್ಲೊಂ
ಥೊಡೆ ಉಜೊ ಫುಂಕ್ತಾಲೆ
ಕೊಲಿತಾಂ ಕರ್ತಾಲೆ ಘರಾಂ ಮೆಜ್ತಾಲೆ
ವಾಟೆವಯ್ಲ್ಯಾನ್ ಚಲೊಂಕ್ ಜಾಯ್ನಾಶೆಂ
ಪರ್ನಿಂ ಟಯರಾಂ ರಾಸ್ ಘಾಲ್ತಾಲೆ
ಥೊಡೆ ಎಕಾಮೆಕಾ ವಾಂಟ್ತಾಲೆ
ವಯ್ವಾಟ್ ಚಲಯ್ತಾಲೆ
ಆನಿ ಘೆಂವ್ಕ್ ಥೊಡೆ ಜಮ್ತಾಲೆ
ಕೊಣ್ ತಿಂತಾಂತ್ ಲಿಖ್ತಾಲೆ
ಆನಿ ಹೆರ್ ಫಿಂತಾಂ ಗುಂತಾಲೆ
ಹಾಂವ್ ಮೊಜೆಯಿತ್ಲ್ಯಾಕ್ ಮುಕಾರ್ ಪಾವ್ಲೊಂ
ಥೊಡೆ ಬರಫಾಪರಿಂ ಶಾಂತ್ ಬಸ್ಲ್ಲೆ
ಕಾಳ್ಯಾ ಅರ್ಶ್ಯಾಚ್ಯಾ ಮೊಲಾಧಿಕ್ ಕಾರಾಂನಿ
ದೊಳ್ಯಾಂಕ್ ಕಾಳಿಂ ವೊಕ್ಲಾಂ
ದುದಾ ಧವ್ಯಾ ನೆಸ್ಣಾರ್
ದೀಸ್ ಬುಡ್ತಚ್ ಪಾಟಿಂ ಯೆತಾನಾ
ವಾಟೆರ್ ಸಕಾಳ್ಚೆ ಎಕ್ಲೆಯೀ ದಿಸ್ಲೆನಾಂತ್
ಕಿತೆಂಚ್ ದಿಸ್ಲೆಂನಾ ಆಯ್ಕಾಲೆಂನಾ
ಪಾಕಿಂ ಜೊಪ್ಡಿಂ ಲಾಸ್ಚೊ ಧುರೊ ಶಿವಾಯ್
ಪಯ್ಸಿಲ್ಯಾನ್ ಲೊಕಾಂಚೊ ಜೈಕಾರ್ ಸೊಡ್ಲ್ಯಾರ್
ಕವಿತಾವೋಳ್ ಅಂಕಣಾಚೆರ್ ತರ್ನ್ಯಾ ತಶೆಂಚ್ ಪರ್ನ್ಯಾ ಕವಿಂಚಾ ಕವಿತಾಂಕ್, ಅನುವಾದಿತ್ ಕವಿತಾಂಕ್ ಪರ್ಗಟ್ ಕರ್ತೆಲ್ಯಾಂವ್. ಹರ್ಯೆಕಾ ಹಫ್ತ್ಯಾಕ್ ಏಕ್ ಕವಿತಾ ಹ್ಯಾ ಅಂಕಣಾಚೆರ್ ಪರ್ಗಟ್ ಜಾತೆಲೆಂ. ತುಮ್ಚಿಂ ಕವಿತಾ ಧಾಡುಂಕ್ ವಿಳಾಸ್: info@daaiz.com
63. ಕಿತೆಂಚ್ ದಿಸ್ಲೆಂನಾ
- ವಲ್ಲಿ ಕ್ವಾಡ್ರಸ್
ಕವಿ ವಿಶಿಂ: ಕೊಂಕ್ಣೆಂತ್ ಹಾಚಿ ವಳೊಕ್ ಎಕಾ ಕಾಣ್ಯೆಗಾರಾಚಿ, ಅಂಕಣ್ಕಾರಾಚಿ ಜಾವ್ನ್ ತರ್ಯೀ, ಆಯ್ಲೆವಾರ್ ಕವಿತಾ ಬರಯ್ತಾ. ಎದೊಳ್ಚ್ಚ್ ’ಚ್ಯಾರ್ ಮುಖಾಂ’, ’ಕಟ್ಪುತ್ಳಿ’, ’ದರ್ಭಾರಾಂತ್ಲಿ ಪಿಂರ್ಗೊಣ್’ ಮ್ಹಳ್ಳೆ ತೀನ್ ಕವಿತಾಜಮೆ ಪರ್ಗಟ್ ಕೆಲ್ಯಾತ್. ಕೊಂಕ್ಣೆ ಶಿವಾಯ್ ಹಾಚಿಂ ಕವಿತಾ ಹಿಂದಿ, ಇಂಗ್ಲಿಶ್ ಆನಿ ಕಾನಡಿಂತ್ ಪರ್ಗಟ್ಲ್ಯಾಂತ್.
ಕವಿತೆಂಚಿಂ ಹೆರ್ ಅಂಕಣಾಂ
About us | Feedback | Contact us
Copyright ©
2005 DAAIZ.COM All rights reserved.
Page concept, designed and maintained by Ashawadi Publications
More in Daaiz
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.