Ghott'tt Mullam, Tatth Man

Moineachi Kovita - 3. Ghott'tt Mullam, Tatth Man

’Panam sukolear punnim paletit punn pallam sukolear nhoi’

Monoxak pananchi matr vollok, fulam-follanchi matr vollok xivai, ruka-zhoddank jivo ditolea pallanchi vollok na. Somajechea monoxam modhem ek kovi kom-i asa? kovichem chintop kom-i asa? kovichi nodor kom-i asa?

Aichea somajent monoxachem jinnem dakoupachem zalam. Dekun doreka monoxak bhogunk ek ani dakounko onoyek. Ani hem dakoup somajik zallizageamni va gupit ritin. Borem, nit, sot, adorx, somanota, oplim-pelim mholl'lle vixeancher khup boroitole khoreponnim pallotat? hem soval doreka kovin oponnak korchi goroz asa.

Robortt ingor‌solachea utoramni sangchem tor;We rise by lifting others. Punn kovi zal'le ubhe aschea herank lottun ghalun jik aponnaitat tor, te nizaiki kovi? him thoddim ami chintunk zai zal'lim proxnam.

Hi kovita kaim omurt chintpachi nhoi, tatvik chintpachi nhoi, mono voigeanik chintpachi va adheatmik chintpachi nhoi punn sompea chintpachi. Jem ozun monis somzunk sokunk na. Oplea xoktecher bhorm' ascho monis kednanch oplea komiancher chintunk veta? jednam monis oplea komiancher chintun, herank borench dimvochem chintop gheun yeta, ti fokot kovita zaun urana. Ek ut'tim' lisamv zata.

Jivit mhonntoch axa-niraxa, suk-duk, borem-vaitt ek sarkem asana, punn hangasor gorjechem mhollear doreklea monxak fokot ek sarkem mellana, konn asa zo fokot suk, axa, borench gheupak hea somsarant ayil'lo? vo konn asa zo fokot niraxa, duk ani vaitt bhogtolo? dekun sokot-osokt don pontam jivit mholl'llea hoddeak. Don‌yi gorjechim. Hea donank zo konn bealens korun jieunko sokta toch somodhanen jieunko sokta.

Somsarant sorovank sontos, borem dimvchem chintop jednam oplea monant na, tednam monis kitlo grest asun‌yi lachar ani gorib. Punn jednam herank borench dimvchem chintop asa tednam ek zadd soit pauta. Inglixant ek sangonni asa; Never underestimate your strength, never overestimate your weakness.. Monoxak fokot aplea soktevixiam matr nhoi, oplea oxoktevixim va unnemponnavixim soit somzonni aschi bhovo gorjechi. Jednam hi somzonni asa tednam to monis oplea jivit ekh ruk korun jieta, tantum konnak saulli, konnak ghontter ani konnak ful-follam divonko sokta. Punn hea sorvank gorjechem opli bunead ghott korchi. Jednam pallanch sarkim romblimnant tednam to ruk ekach vareak dhornnik xeuttota. Sompem punn bhovo opurbhayeche vichar hea kovitent bai rupali mauzo kirtonin vekt kel'le disun yetat.

Ghott'tt Mullam, Tatth Man (- Rupali Mauzo Kirtoni)

Mhaka sodanch dista, hamvzhadd asunk zai aslemmatyent ghott'tt mullam dhoruntatth ubem rauta aslem

Khandeamr mhojea khelloit panamfulam, follam dholoita aslemvotant kitlem-i taplem torixitoll bhomvtonn rochta aslem

Alaxiro divche khatirsodanch toyar asta aslemvattsureank visomv gheunksaulli patlaun bosta aslem

Angar ghave ghetle toripanam sollsollaun hamstasolemmullant poddil'lo chikol legitsarea rupant bodlota aslem

Vadlla sulus lagli zalearmullam rombun rauta aslemvareak ghuspaun mhojeant, hamvvarea vangdda dholta aslem

Fulchem follchem thamblem mhunnupkora poddchem thambchem naslempanam legit zhoddlim zalearman tatth dhorta aslem

Zata toxem zata titlemzai taka dita aslemkhorench sodam dista, hamvzhadd asunk zai aslem

Kortam kortam vichar osochmonant mhojea yeun votazalem bi na mu zhadd hamv,mon mhojem chintunk lagta

Khor itsa asli zalear,dista tem khoim khorem zataghott'tt mullam rombuntatth manen ten'na hamv,hamvch zhadd asleavori ubem rautam

Play the video

Watch on YouTube

[Feb 2020]