[ಖಬರ್] ಚವ್ಥಿ ಬಾಲ್ ಸಾಹಿತ್ಯ್ ಪರಿಶದ್ 2 ತೆ 7 ನೊವ್ಹೆಂಬರ್
ಚವ್ಥಿ ಬಾಲ್ ಸಾಹಿತ್ಯ್ ಪರಿಶದ್ 2 ತೆ 7 ನೊವ್ಹೆಂಬರ್
ಕೊಂಕ್ಣಿ ಭಾಶಾ ಮಂಡಳ್, ಗೊಂಯಾನ್ ಚವ್ಥಿ ಬಾಲ್ ಸಾಹಿತ್ಯ್ ಪರಿಶದ್ 2 ತೆ 7 ನೊವ್ಹೆಂಬರ್ 2020 ಎನಲಾಯನ್ ಮಾಧ್ಯಮಾಂತ್ಲ್ಯಾನ್ ಆಯೊಜೀತ್ ಕೆಲ್ಯಾ. ಪರಿಶದೆಚಿಂ ವೆಗ್ವೆಗಳಿಂ ಸತ್ರಾಂ ದರ್ ದಿಸಾ ಸಾಂಜೆ 6 ತೆ 8 ವರಾಂ ಮೆರೆನ್ ಮಂಡ್ಳಾಚ್ಯಾ ಯುಟ್ಯೂಬ್ ಚೆನ್ಲಾಚೆರ್ ಆನಿ ಫೆಸ್ಬೂಕ್ ಪಾನಾಚೆರ್ ಥೆಟ್ ವಿತ್ರಾಯತಲೆ. ಹೆ ಪರಿಶದೆಂತ್ ಬಾಲ್ ಸಾಹಿತ್ಯಾ ಸಂಬಂದಾನ್ ಮ್ಹತ್ವಾಚ್ಯಾ ವಿಶ್ಯಾಂಚೆರ್ ಚರ್ಚಾ ಜಾತ್ಲಿ.
ಪರಿಶದೆಚೆಂ ಉಕ್ತಾವಣ್ 2 ನೊವ್ಹೆಂಬರಾಕ್ ಸಾಂಜೆ 6 ವರಾಂಚೆರ್ ಜಾತ್ಲೆಂ ಆನಿ ನಾಮ್ನೆಚೆ ಲೆಖಕ್ ಆನಿ ಕವಿ ಅರುಣ್ ಕಮಲ್ ಬೀಜ್ಭಾಶಣ್ ಕರ್ತಲೆ.
3 ತೆ 7 ನೊವ್ಹೆಂಬರಾಕ್ ಬುಕ್ಸ್ ಥೆಟ್ ಸ್ಪೀಕ್ಚಿ ಸಂಸ್ಥಾಪಕ್ ಆಸಾವ್ರಿ ದೊಶಿ ಹಾಂಚೆಂ “ಎಡಿಯೊ-ವ್ಹಿಡಿಯೊ ಬಾಲ್ ಸಾಹಿತ್ಯ್” ಸತ್ರ್, ಥಿಂಕಆರ್ಟ್ಸಾಚಿ ಸಂಸ್ಥಾಪಕ್ ರುಚಿರಾ ದಾಸ್ ಆನಿ ಥಿಎಟರಮೆಕರ್ ನಿಶಾ ಅಬ್ದುಲ್ಲಾ ಹಾಂಚೆಂ “ಬಾಲ್ ನಾಟ್ಯಾಚೆಂ ಮ್ಹತ್ವ್" ಸತ್ರ್ ಆನಿ ಸಾದ್ರೀಕರಣ್, ಅನುವಾದಕ್ ಮದನ್ ಮೊಹನ್ ಹಾಂಚೆಂ “ಅಣ್ಕಾರೀತ್ ಸಾಹಿತ್ಯ್” ಸತ್ರ್, ಚಿತ್ರಕಾರ್ ಪ್ರೊಈತಿ ರೊಯ್ ಹಾಂಚೆಂ “ಬಾಲ್ ಸಾಹಿತ್ಯಾಂತಲಿಂ ಚಿತ್ರಾಂ” ಸತ್ರ್ ಆನಿ “ಬಾಲ್ ಸಾಹಿತ್ಯಾಚೆಂ ಸಾದ್ರೀಕರಣ್” ಹ್ಯಾ ಸತ್ರಾಂತ್ ಲೆಖಕ್ ಪ್ರಶಾಂತಿ ತಳ್ಪಣಕಾರ್, ಲೆಖಕ್ ಹರ್ಷಾ ಶೆಟ್ಯೆ, ಲೆಖಕ್ ಅಭಿಜೀತ್ ಪಾಗಿ, ಚಿತ್ರಪಟ್ ಕಲಾಕಾರ್ ಹೆರಂಬ್ ಕೀರ್ತನಿ, ನಾಟ್ಯ್ ಕಲಾಕಾರ್ ಕೆತನ್ ಜಾಧವ್, ತರ್ಣಾಟೊ ಲೆಖಕ್ ಗೊವಿಂದ್ ಮೊಪ್ಕರ್ ಬಾಲ್ಸಾಹಿತ್ಯ್ ಸಾದರ್ ಕರ್ತಲೆ.
ಹಿ ಪರಿಶದ್ ಪ್ರಾಥ್ಮೀಕ್ ತೆ ವಿದ್ಯಾಪೀಠ್ ಸ್ತರಾಚೆ ಶಿಕ್ಷಕ್, ಬಾಲ್ ಸಾಹಿತ್ಯೀಕ್, ಗ್ರಂಥ್ಪಾಲ್, ಮಹಾವಿದ್ಯಾಲಯೀನ್ ಆನಿ ವಿದ್ಯಾಪೀಠ್ ಪಾಂವ್ಡ್ಯಾಚೆ ವಿದ್ಯಾರ್ಥಿ, ಚಿತ್ರಕಾರ್, ಪಾಲಕ್ ಆನಿ ಹೆರ್ ರಸಿಕಾಂ ಖಾತೀರ್ ಉಕ್ತಿ ಆಸಾ.
ಫೆಸ್ಬೂಕ್ ಲಿಂಕ್ – www.facebook.com/KonkaniBhashaMandal, ಯುಟ್ಯೂಬ್ ಲಿಂಕ್ - www.youtube.com/channel/UCsSvZYCEwxGS8sW7_P6a8Ww
