[khobor] Chouthi bal sahity porixod 2 te 7 November
Konknni Bhasha Mandal, Gõyan chouthi bal sahity porixod 2 te 7 nouhembor 2020 enolain madhyomantlean ayojit kelea. Porixodechim vegvegollim sotram dor disa sanje 6 te 8 voram meren monddllachea yuttyub chenlacher ani fesbuk panacher thett vitraitole. He porixodent bal sahitea sombondan mhotvachea vixeancher chorcha zatli.
Porixodechem uktaunn 2 nouhemborak sanje 6 vorancher zatlem ani namneche lekhok ani kovi orunn komol bijbhaxonn kortole.
3 te 7 nouhemborak buks thett spikchi somsthapok asauri doxi hanchem “eddio-vhiddio bal sahity” sotr, thinkarttsachi somsthapok ruchira das ani thiettoromekor nixa obdul'la hanchem “bal natteachem mhotv" sotr ani sadrikoronn, onuvadok modon mohon hanchem “onnkarit sahity” sotr, chitrokar proiti roi hanchem “bal sahiteantolim chitram” sotr ani “bal sahiteachem sadrikoronn” hea sotrant lekhok proxanti tollponnokar, lekhok horxa xettye, lekhok obhijit pagi, chitropott kolakar heromb kirtoni, natty kolakar keton zadhou, tornnatto lekhok govind mopkor balsahity sador kortole.
Hi porixod prathmik te videapitth storache xikxok, bal sahityik, gronthpal, mohavidealoyin ani videapitth pamvddeache videarthi, chitrokar, palok ani her rosikam khatir ukti asa.
Facebook link – www.facebook.com/KonkaniBhashaMandal,
YouTube link - www.youtube.com/channel/UCsSvZYCEwxGS8sW7_P6a8Ww
