Kinaro

Ho somsar ek sagor ani amchem jinnem ek hoddem. Sonkoxttamvellar jinnyeche mister matxe otvechch zaun astana monis zal'lo chintunk sokta, kednam hea poinnacho suxeg labhot, kednam hea upyemvnnent suttka mellot? punn hi suttka sasnnik suttka nhoi bogor thoddechch ghoddiank, vorsank.

Jivitechea totvank kovitechea utramni sobhomvchi kola bhovo thoddeank kollit asa ani tantum bai filomena samfransisko ekli mhonnunk sontos bhogta. Sobhar kovitegxoxttimni hicheo kovita aikoleat ani aikotam aikotam hamv mhakach visrun gelam. Ti sokot tichea kovitechea kann‌yanchi, hangasor‌yi ti osolichch sompi punn matxi gunddayechem chintop attapchi kovita gheun ailea ani tea kovitecho svad chakonk tumkanch soddtam.

Kinaro

paula konnokonnim

xombor monis,

xombor monoxanche

xombor proxn,

xombor proxnanchi

kallozamni tanchea

futt'tta zhor

ani zhor hi

pazaroto asota, pazaroto rauta,

ghoddoghodde, koddokodde

kampere tanche

vhomvot asotat, vhamvot rautat,

tollomolleanchea lharamr

apottotat, ghopottotat,

ken'na tori

proxnancho hea

ont koropi kinaro

melloupa khatir

[humboneavoili ponnotti]

- Filomena Samfransisko   [March, 2018]

Filomena Samfransisko: bhurgeanchem sahit, mottveo kann‌yo, kovita, vixlexonnam boromvchi bai filomena samfransiskoche porgott zal'le buk; mhozo dixttavo, vompta tem pikta, ttunttunicheo kann‌yo (torzonn), humboneavoili ponntti, gul‌mohor. Kovisom'mellamni, okhil bharoti-i konknni sahit som'mellonam, porixodi toxench bohubhaxa kovisom'mellonamni bhag ghetla.