ಕಿನಾರೊ

ಹೊ ಸಂಸಾರ್ ಏಕ್ ಸಾಗೊರ್ ಆನಿ ಆಮ್ಚೆಂ ಜಿಣೆಂ ಏಕ್ ಹೊಡೆಂ. ಸಂಕಶ್ಟಾಂವೆಳಾರ್ ಜಿಣ್ಯೆಚೆ ಮಿಸ್ತೆರ್ ಮಾತ್ಶೆ ಅತ್ವೆಚ್ಚ್ ಜಾವ್ನ್ ಆಸ್ತಾನಾ ಮನಿಸ್ ಜಾಲ್ಲೊ ಚಿಂತುಂಕ್ ಸಕ್ತಾ, ಕೆದ್ನಾಂ ಹ್ಯಾ ಪಯ್ಣಾಚೊ ಸುಶೆಗ್ ಲಾಭತ್, ಕೆದ್ನಾಂ ಹ್ಯಾ ಉಪ್ಯೆಂವ್ಣೆಂತ್ ಸುಟ್ಕಾ ಮೆಳತ್? ಪುಣ್ ಹಿ ಸುಟ್ಕಾ ಸಾಸ್ಣಿಕ್ ಸುಟ್ಕಾ ನ್ಹಯ್ ಬಗರ್ ಥೊಡೆಚ್ಚ್ ಘಡಿಯಾಂಕ್, ವರ್ಸಾಂಕ್.

ಜಿವಿತೆಚ್ಯಾ ತತ್ವಾಂಕ್ ಕವಿತೆಚ್ಯಾ ಉತ್ರಾಂನಿ ಸೊಭಂವ್ಚಿ ಕಲಾ ಭೊವ್ ಥೊಡ್ಯಾಂಕ್ ಕಳಿತ್ ಆಸಾ ಆನಿ ತಾಂತುಂ ಬಾಯ್ ಫಿಲೋಮೆನಾ ಸಾಂಫ್ರಾನ್ಸಿಸ್ಕೊ ಎಕ್ಲಿ ಮ್ಹಣುಂಕ್ ಸಂತೊಸ್ ಭಗ್ತಾ. ಸಭಾರ್ ಕವಿತೆಗ್ಶೋಶ್ಟಿಂನಿ ಹಿಚ್ಯೊ ಕವಿತಾ ಆಯ್ಕಲ್ಯಾತ್ ಆನಿ ಆಯ್ಕತಾಂ ಆಯ್ಕತಾಂ ಹಾಂವ್ ಮ್ಹಾಕಾಚ್ ವಿಸ್ರುನ್ ಗೆಲಾಂ. ತಿ ಸಕತ್ ತಿಚ್ಯಾ ಕವಿತೆಚ್ಯಾ ಕಾಣ್‌ಯಾಂಚಿ, ಹಾಂಗಾಸರ್‌ಯೀ ತಿ ಅಸಲಿಚ್ಚ್ ಸೊಂಪಿ ಪುಣ್ ಮಾತ್ಶಿ ಗುಂಡಾಯೆಚೆಂ ಚಿಂತಪ್ ಆಟಾಪ್ಚಿ ಕವಿತಾ ಘೆವ್ನ್ ಆಯ್ಲ್ಯಾ ಆನಿ ತ್ಯಾ ಕವಿತೆಚೊ ಸ್ವಾದ್ ಚಾಕೊಂಕ್ ತುಮ್ಕಾಂಚ್ ಸೊಡ್ತಾಂ.

ಕಿನಾರೊ

ಪಾವಲಾ ಕಣಕಣೀಂ

ಶಂಬರ್ ಮನೀಸ್,

ಶಂಬರ್ ಮನಶಾಂಚೆ

ಶಂಬರ್ ಪ್ರಶ್ನ್,

ಶಂಬರ್ ಪ್ರಶ್ನಾಂಚೀ

ಕಾಳಜಾಂನೀ ತಾಂಚ್ಯಾ

ಫುಟ್ಟಾ ಝರ್

ಆನೀ ಝರ್ ಹೀ

ಪಾಜಾರತ ಆಸತಾ, ಪಾಜಾರತ ರಾವತಾ,

ಘಡಘಡೆ, ಕಡಕಡೆ

ಕಾಂಪೆರೆ ತಾಂಚೆ

ವ್ಹಂವತ್ ಆಸತಾತ್, ವ್ಹಾಂವತ್ ರಾವತಾತ್,

ತಳಮಳ್ಯಾಂಚ್ಯಾ ಲ್ಹಾರಾಂರ್

ಆಪಟತಾತ್, ಘಪಟತಾತ್,

ಕೆನ್ನಾ ತರೀ

ಪ್ರಶ್ನಾಂಚೊ ಹ್ಯಾ

ಅಂತ್ ಕರಪೀ ಕಿನಾರೊ

ಮೆಳೊವಪಾ ಖಾತೀರ್

[ಹುಂಬನ್ಯಾವಯಲೀ ಪಣಟೀ]

- ಫಿಲೋಮೆನಾ ಸಾಂಫ್ರಾನ್ಸಿಸ್ಕೊ [ಮಾರ್ಚ್ 2018]