ಬರೆಂ ಮ್ಹುಣ್ ಪಳೊವ್ ನ್ಹಜೊ [ ಸಂಜೀವ್ ವೆರೆಂಕರ್]

ಮನಿಸ್ ದೀಸ್ ಗೆಲ್ಲೆಪರಿಂಚ್ ಬುಧ್ವಂತ್ ಜಾತಾ, ಚಡಿತ್ ಶಿಕಪ್ ಜೊಡ್ತಾ, ಚಡಿತ್ ಗಿನ್ಯಾನ್ ಜೊಡ್ತಾ ತರ್‌ಯೀ ಮುಳಾವಿ ಸಂಯ್ಬಿಕ್ ಸವಯೆಥಾವ್ನ್ ಕೆದಿಂಚ್ ಸುಡ್ಕಾ ಜೊಡುಂಕ್ ಸಕಾನಾ. ದೆಕುನ್ ಎಕಾಮೆಕಾಚಿ ನಸಾಯ್ ಕರುನ್ ತೊಂಡಾರ್ ಬರೆಂ ಉಲವ್ಪ್ ಧಾಕವ್ನ್ ಮನಾಂತ್ ಕುಸಯ್ತಾ ಅನಿ ಅಪ್ಲಿ ಕಾಳಿ ಸಾವ್ಳಿ ಲಿಪಯ್ತಾ.

ಕವಿತಾ ಫಕತ್ ಏಕ್ ಹವ್ಯಾಸ್ ನ್ಹಯ್, ಕವಿತಾ ಏಕ್ ಜವಾಭ್ದಾರ್ ಜಾವ್ನ್ ಘೆವ್ನ್ ಕವಿತಾ ಬರಯ್ತೆಲ್ಯಾಂ ಪಯ್ಕಿಂತ್ ಬಾಬ್ ಸಂಜೀವ್ ವೆರೆಂಕರ್ ಎಕ್ಲೊ. ದೆಕುನ್ ತಾಚಿ ದರೇಕ್ ಕವಿತೆಂತ್ ಏಕ್ ನಾ ಏಕ್ ಅಪುರ್ಭಾಯೆಚೊ ವಿಶಯ್ ಆಸ್ತಾ. ಹಾಂಗಾಸರ್‌ಯೀ ತೊ ಅಸಲೊಚ್ ವಿಶಯ್ ಘೆವ್ನ್ ಆಯ್ಲಾ ಆನಿ ಹ್ಯಾ ಕವಿತೆಚಿ ಸೊಭಾಯ್ ಚಾಕುಂಕ್ ತುಕಾಚ್ ಉಲೊ ದಿತಾಂ.

[ಕವಿತಾ] ಬರೆಂ ಮ್ಹುಣ್ ಪಳೊವ್ ನ್ಹಜೊ [ಸಂಜೀವ್ ವೆರೆಂಕರ್]

ಬರೆಂ ಮ್ಹುಣ್ ಪಳೊವ್ ನ್ಹಜೊ

ಕಿತೆಂ ಮ್ಹುಣ್

ಕಾಂಯ್ಚ್ ಕಳ್ನಾ

ಕೊಣಾಚೆಂಚ್ ಬರೆಂ ಮ್ಹುಣ್

ಮ್ಹಜ್ಯಾನ್ ಪಳೊವ್ ನ್ಹಜೊ ಜಾಲಾಂ

ಕೊಣ್ ಘರ್ ಘೆತಾ

ಕೊಣ್ ಗಾಡಿ ಘೆತಾ

ಕೊಣ್ ಲಗ್ನ್ ಜಾತಾ

ಬರೊ ಸಂವ್ಸಾರ್ ಕರ್ತಾ

ಘೊವ್ ಬಾಯ್ಲೆಚಿ

ಬಾಯ್ಲ್ ಘೊವಾಚಿ ಅಪೂರ್ಬಾಯ್ ಕರ್ತಾ

ಪಾಡ್ ಪಡುಂ ನಾಕಾ ಹೆಂ

ಸಗ್ಳ್ಯಾಂಚೆಚ್ ಮ್ಹಾಕಾ ತ್ರಾಸ್ ಜಾತಾ

ಕೊಣ್ ನವೊಚ್ ನೊಕ್ರೆಕ್ ಲಾಗ್ತಾ

ತಾಚ್ಯಾ ಮ್ಹಯ್ನ್ಯಾಚೊ ಪಗಾರೂಚ್

ಪರ್ತೂನ್ ಪರ್ತೂನ್ ಸಪ್ನಾತ್ ಯೆತಾ!

ಆನಿ ಪಿಶಾಂತೂರ್ ಜಾವ್ನ್ ಮೆಳ್ಟಾ ತಾಚೆ

ಗೊಮ್ಟೆರ್ ಬಸನ್ ದಿಸ್ತಾ!

ಖರೆಂ ಸಾಂಗು?

ಖೂವ್ಚ್ ತ್ರಾಸ್ ಜಾತಾ

ದೊಳ್ಯಾಂ ಮೂಖಾವೆಲೆಂ ಬರೆಂ ತಿತ್ಲೆಂಯ್

ನಾಚ್ ಜಾಯ್ನಶೆ ದಿಸ್ತಾ!!!!

- ಸಂಜೀವ್ ವೆರೆಂಕರ್ [ಮಾಯ್, 2019]