ಕವಿತಾकविताPoem

Ga sobhagea (- Gyaneshwar Tari)

[kovita] Ga sobhagea (- Gyaneshwar Tari)

Devan rochlelea somsarant danovanchi rochnam rochun ascho monis az monoxak mat nhoi, jivi-zanvarank, sukolleank toxench ruka-zhoddank soit marekar dis haddounko sokla. Sureachim kironnam, nitoll vharem, nitoll udok soit mhellem korunk paula mholl'llea chintopacher hi kovita ubhi kelea.

[kovita] Ga sobhagea (- Gyaneshwar Tari)

Ga sobhagea

ga sobhagea!

he duniet tumchi zongonnona

aani amchi ognnoti

hacho tuvem ken'na hixeb kela vhoi?

ami tumkam obz pottin puron urot-

xvas-uxvasacho korun gullo.

Ga sobhagea!

hea dhortorecher ji ghann- burxi

tumchea veuharatlean nirmonni zata

tacho vilo konn laitat ga?

hacho konne ken'na vichar kela vhoi?

voklam- maknam'mni sonxodhon kor ga!

ga sobhagea!

amich polleat koir-kochro

khatodd-hollxik korathun kochaitat

fost- noxtt pittho kortat

tumchea netraadd onmonun

amich ho somvsar nivll kortat.

Ga sobhagea!

udentea sureak sakx dourun

chondrauri ratbhor zagronn zagoit

chovis voram, pollam- ghottika raboit

rembkonn, nalo-ukiroddo kodd'ddoit molavinnem aakhkhem zog nirmoll kortat.

Punn sobhagea!

udok-on'n amcho ahar

zolli-thollim, hovet kortat sonchar

rogot-mams, ghayar amcho odhikar

kuddit tumchea righot zalear

duyems zaun jinn kabar.

Ga sobhagea!

devachi nirmonni rakesachi kornni

vixvache rochnnuket chikhol- panni

sojzona-durzona, sobhagea-durbhagea

jivannu-vixannu pustat korm'-kanni

korun ga drixeantorit jivit hani.

Matyebhorounn ge srixttimaya!

matyebhorounn ge srixttimaya!

- Gyaneshwar Tari. [Jul, 2020]

Gyaneshwar Tari: Vrit'ten xikxok zaun vaur korcho ho konknni songhttonamni soit kareall. Okhil Bharti-i Konknni Porixodent toxench her songhttonamni vaur kel'lo ho ek kothakar, kovi tosench nattok/nattkulle boroun aila. Hachea kovitenche tin buk; Ritumoti (1995), Cholyek vacheat (2009) ani Suisaidd (2010) yedoll porgottleat. Thoddea kovitenk spordheamni inamam soit labhleant.