Kovita (- Kajal Prakash Raikar)

[kovita] Kovita (- Kajal Prakash Raikar)

Devan monoxak rochotana fokot don prokar kel'le; ek osturi, dusoro dadolo. Punn monoxan hantum zaitem prokar rochole; apolea svarthak lagun, opolea foideak lagun. Ani hi porompora az pasun chalu asa. Osolea somajin onixtt poromporechea virod jedonam-i avaz uttoita zaunasa kovi. Punn hangasor soit zaite prokar asat nhoi? konn kovita ghoddotat, konn kovita rochotat tor konn opolea jinniechea kortuvamni kovita ubhzotat. Ani osolea kortubamni kovita udexem korchi xeathi asoche kovi. Kiteak mhollear he kovi hovesi kovi nhoi.

[kovita] Kovita (- Kajal Prakash Raikar)

Auys... Pap re tachem

oxem monant zalem

barik nodren taka polloina fuddem

ang ochkit churchorole

nottil'lem tem gulabi vhistudan

naslim mat zotim pamyank

bosun tem eka konxak

polloit axil'lem yeta voitleank

drixtti tachi mhojer bhomvli

khinnak ami polloitoch urlim

moneamnich poilim dogam-i uloilim

ani kallkutt tachi mhojea kallzak topli

mhoreant vochun bai mhonnttokoch hamslem tem

kitem tori sangunk sodtalem

punn aslem ghoddye ek vorsanchem

mhonnun babddem dolleaninch boddboddolem

tacheant asli ek as

apnnak lokamnim parkhupak

apli opurbai korpak

apnnem sukhkhant jinn zogpak

laglem dhamvpak tem dimkureanim

mhoji-i chal cholpak lagli

sott'tt korun yeunk laglem tem fatti

“apleak dhor”

hea bhaunentlean dukhkham tachim goll'llim

bhoinni sangata aslem eklench

roddunk laglem tem potta bhuken

chitlem khaunk haddunk

punn tea vellar naslo ek rupea mhoje kodden

mhojech kodden hamv ulounk laglem

tachea zagear hamv zori aslem

zalear lok mhaka tori somzotaxil'le ?

mhojem namv lokank khobor astaxil'le?

na... Mhoje zogop veglle asa

mhoje kodden ghor dar soglem asa

mhojem namvam soit ostitv asa

punn tea mannkulea porache na

somazant hi sthiti asach

dor disa astach toxim kitlim rostear

jeunn khann na zalear

sodtat ek bi koirachea ddobeant

tankam apleponn dakhoitat thoddim

zalear thoddim mhonnttat hollxik tim

disnat tim vhoddlim pakli

punn amchea sarkich monxam tim

xirxirota kat polloun hal tanche

asum amche girest zamv gorib ghorabe

durlokx ken'nach nhoi tankam korchem

karonn ken'na na ken'na dis yetach te dor ekleache...

- Kajal Prakash Raikar. [May, 2020]