ASHAWADI PRAKASHAN ಆಶಾವಾದಿ ಪ್ರಕಾಶನ್ as long as I live, I hope
Contact us
ASHAWADI
Poinnari ಪಯ್ಣಾರಿ

ಕವಿತಾकविताPoem

Koxttallum bail (- Namdev G Surlikar)

[kovita] Koxttallum bail (- Namdev G Surlikar)

Dadlo prodhan somajent dadlo chodd korun dadloch zaun jietana ek osturechim rupam matr veg-vegollim, dhuv zaun, bhoinn zaun, bail zaun, auy zaun tika fokot diunko asta. Thoddeach moineadim ghodd‌l'lem hem ghoddit; relve sttexomant, bhuken vhollvollon, nident‌ch prann sanddlelea eka auyk uttomvcho lhan bhurgo. Osoleo kitloxeo auyo somsarant asat ani monoxaponnachi govai divun asat.

[kovita] Koxttallum bail (- Namdev G Surlikar)

Koxttallum bail

donparchea vota khoddar

cholot votali ti xetache diken

mathear gheun buti xit ani

sukeam bangddeanchi koddi

onvanni pamyani choltali

handdir gheun eka sanuleachem vojem

sury votan tem koddttalem

modim modim roddttalem

vattek maddache saullent bosun

chhatyekodden dhorun pazoitalim

jiun omrut

eklem handdir dusrem hatant

tisrem gorbh kuddit

vhortali tigamykoi

oddit amddit

tapil'li mati

payank martali ghas

toptale kantte

vatter ximpddolele

auy ge mhaka ukhlun

handdir dhor

cholun cholun pam-i dukhle

votan ontt sukle

anik zaina cholunk

tovuy thoim

votant koxtt korun

thokla zatlo

aplech bhitor

monatole monat uloili

svotachem dukhnne ti

svotach somstali pochoitali

naxil'lo ticho konn

addi kuxicho tache mukhar

korunk monachem kuvadde uktem

tichi bholaiki-i hali

nastali bori

apleam bhurgeam khatir

sogleo chinta kuxik sari

ek xromik bail

ghor somvsari….

Ek koxttallum bail.

- Namdev G. Surlikar. [Sep, 2020]

© 2020 Namdev G. Surlikar · ASHAWADI PROKAXON All rights reserved.

Comments

No comments yet. Be the first to say what you thought of it.

Leave a comment

Write in Kannada, Nagari or Romi, whichever you like. He reads every comment before it appears here, so yours will not show straight away. Your name is printed above it.

0 of 2,000 characters

Only your name and your comment are kept - no email address. They stay on the site until he removes them; to have yours taken down, write to him through the contact form and say which one. Privacy.

Author

Namdev G. Surlikar

All 5 pages by this writer

More from Namdev G. Surlikar

More in Poinnari

Everything in Poinnari