ಕವಿತಾकविताPoem

लिसांव (- मोनिका डे’सा मथायस)

[कविता] लिसांव (- मोनिका डे’सा मथायस)

समाजेंत कवीक एक वेगळेंच स्थान आसता न्हय तो बरयता म्हणून, बगर, कविची नदर वेगळीच आसता, जी हेर लोकांच्या नदरेच्याकी गुंडायेची आसता. पाटल्या थोद्या मयन्यांनी अख्खो संसार ’कोरोना’ च्या कावजेणिंत भिंयेता तर, हांगासर कवी वेगळीच नदर हाचेर घाल्ता आनी ह्या ’कोरोना’न मनशाक शिकयलेलीं लिसांवां भोव सोभीत रितीन उतरायता.

[कविता] लिसांव (- मोनिका डे’सा मथायस)

लिसांव

कोरोना, संपाना तुजी होगळीक गावून

दाकयलेंय तुवें दुडवाक ना मोल म्हणून

गलफाक पावलों हांव दुडवाच्या आशेन

पाटीं हाडलोय म्हाका मांय‌गांवचें मोल दाकवन

शेतां भाटां विकून पर्गांवाक हांव पाव‌ल्लों

दुडवाच्या बिछाण्यार निदचीं स्वपणां हांव देक्तालों

दुडवाक‌च मान मऱ्याद म्हण हांव समजतालों

आज म्हज्या जिणियेचो खरो अर्थ जाणा जालों

निराश्रीत केलो म्हाका गलफाच्या रेंवेन

आस्रो दिलो म्हज्या मांय‌गांवच्या मातियेन

वीक‌ल्लीं शेतां पाटीं मोलाक घेतलीं रीण काडून

भांगार पिकयलें ह्या शेतांत घामाचे थेंबे जिरवन

शिकयलेंय तुवें कश्ट काडल्यार मात्र सूक मेळता

ह्या बंजर गाद्यांनी भांगार पिक्ता

पयस दिसचो पर्वत सदांच मोव दिसता

थंयचरी कश्ट आसात तें लागीं वेतेच कळता

- मोनिका डे’सा मथायस. [अगोसत, २०२०]

Comments

No comments yet. Be the first to say what you thought of it.

Leave a comment

Write in Kannada, Nagari or Romi, whichever you like. He reads every comment before it appears here, so yours will not show straight away. Your name is printed above it.

Your name

Your comment

0 of 2,000 characters

Only your name and your comment are kept - no email address. They stay on the site until he removes them; to have yours taken down, write to him through the contact form and say which one. Privacy.

Author

मोनिका डेसा मथायस

पाटल्या पंचवीस-तीस वर्सांनी वेवेगळ्या नेमाळ्यांनी कथाकार जावन नांव वेलां. साहित्यीक सर्तेंनी इनामां जोडल्यांत. ’नवी दिशा’ हिचो पयलो कथाजमो २०२० इस्वेंत आशावादी प्रकाशनान प्रकाशीत केल्लो. ह्या पुसतकाक ’कर्नाटक कोंकणी साहित्य अकाडेमिचो उत्तीम पुसतक पुरसकार’ लाभला. हें पुसतक रोमिंत तशेंच नागरिंत लिप्यंतरण जावन प्रिंट तशेंच डिजिटल पुसतकारुपार आयलां. ’पानांच फुलां जातलीं’ हिच्या कवितेंचो पयलो जमो. ’जिण्ये काणीक’ हिच्या पयल्या नवालिकाचें पुसतक कन्नड, नागरी आनी रोमी लिपिंनी आयलां. फोटोग्राफी, पयणासाहित्य हिचे हेर हव्यास. के.एम.सी. मणिपाल थावन नर्सिंग पद्वी जोडलली ही प्रसतूत डबलीन (अयर‌लेंड) शेरांत अपल्या कुटमासवें वसती करून आसा.

All 7 pages by this writer