ಕವಿತಾकविताPoem

Lisamv (- Monica D'Sa Mathais, Dublin)

[kovita] Lisamv (- Monica D'Sa Mathais, Dublin)

Somajent kovik ek vegollench sthan asta nhoi to boroita mhonnun, bogor, kovichi nodor vegllich asta, ji her lokanchea nodorecheaki gunddayechi asta. Pattlea thodea moineamni okhkho somsar ’korona’ chea kaujennint bhimyeta tor, hangasor kovi vegllich nodor hacher ghalta ani hea ’korona’n monoxak xikoilelim lisamvam bhovo sobhit ritin utoraita.

[kovita] Lisamv (- Monica D'Sa Mathais, Dublin)

korona, sompana tuji hogllik gavun

dakoilem-i tuvem duddvak na mol mhonnun

golfak paulom hamv duddvachea axen

pattim haddloi mhaka mam-i‌gamvchem mol dakoun

xetam bhattam vikun porgamvak hamv pavo‌l'lom

duddvachea bichhannear nidchim svopnnam hamv dektalom

duddvak‌ch man moread mhonn hamv somzotalom

az mhojea jinniecho khoro orth zanna zalom

niraxrit kelo mhaka golfachea remven

asro dilo mhojea mam-i‌gamvchea matien

vik‌l'lim xetam pattim molak ghetlim rinn kaddun

bhangar pikoilem hea xetant ghamache thembe jiroun

xikoilem-i tuvem koxtt kaddlear matr suk mellta

hea bonzor gadeamni bhangar pikta

pois discho porvot sodanch movo dista

thoinchori koxtt asat tem lagim vetech kollta

- Monica D’Sa Mathais. [Aug, 2020]

Comments

No comments yet. Be the first to say what you thought of it.

Leave a comment

Write in Kannada, Nagari or Romi, whichever you like. He reads every comment before it appears here, so yours will not show straight away. Your name is printed above it.

Your name

Your comment

0 of 2,000 characters

Only your name and your comment are kept - no email address. They stay on the site until he removes them; to have yours taken down, write to him through the contact form and say which one. Privacy.

Author

Monica Dsa Mathais

Pattlea ponchvis-tis vorsamni vevegllea nemalleamni kothakar zaun namv velam. Sahityik sortemni inamam zoddleant. ’Novi Dixa’ hicho poilo kothazomo 2020 isvent axavadi prokaxonan prokaxit kel'lo. Hea pustokak ’Karnataka Konkonni Sahity Okaddemicho Ut'tim' Pustok Puroskar’ labhla. Hem pustok romint toxench nagorint lipyontoronn zaun printt toxench ddijittol pustokarupar ailam. ’Pananch fulam zatolim’ hichea kovitencho poilo zomo. ’Jinnye kannik’ hichea poilea novalikachem pustok kon'noddo, nagori ani romi lipimni ailam. Photography, poinnasahity hiche her hoveas. K.M.C. Manipal thaun norsing podvi zoddloli hi prostut Dublin (Ireland) xerant oplea kuttmasovem vosti korun asa.

All 7 pages by this writer